寰宇風情

分類索引

Gundam大晒冷

今日過新年，大部分百貨公司都唔開，

喺池袋只得Parco開門，

所以大家都集中喺嗰度掃福袋。

不過d人好早排隊，所以d出名品牌

(如Lowry Farm同X-Large)

嘅福袋一早就「完売」。

起初都心大心細，唔知買唔買，因為驚入面d嘢唔啱用，

好彩有幾個香港人買咗，於是好唐突咁叫佢地開嚟睇吓，有七件喎！

仲有件係長袖有帽嘅衛衣添，一件都要二三千yen啦！

而家5000yen有七件，超抵！

我嗰袋係大碼(左)，老婆嗰袋係中碼(右)，仲有條頸巾。

老婆仲買咗HeM嘅福袋，有四個袋，連用嚟裝嘅環保袋都好有用。

另外買咗個雜物福袋，因為隻兔仔實在kawaii，淨係買佢都要咁嘅價錢啦！

而家仲有一張氈，一把遮，一個冰袋，一個水壺仔，三個膠盒仔，

一個扭計骰同一個銀包仔。雖然有d嘢唔啱用，留返送禮啦！

Gumbo & Oyster Bar (池袋Parco店已結業)

Parco樓上都有幾間食肆，俾我地搵到之前喺橫濱食過嘅蠔餐廳，

仲有新年優惠：生蠔半價，紅白酒100yen一杯。

今次d機位超爆，連返去都book唔到羽田走，要喺成田走，

所以要預多d時間出機場，即係食完晏就差唔多要走。

成田冇咩好行，又冇咩好食，

求其搵間冇咁多人嘅食d嘢先上機。

係過咗關等上機嘅地

方就有間賣Royce朱古力嘅舖頭。

(都係唔想你帶d yen走)