|
今個暑假其實都冇諗住去日本，因為諗住快d搬好間屋；
而且d
yen超貴，兌8.3，屋企所有平yen又已經用晒，所以都冇計劃去。
不過又忍唔住去旅行社問吓價，發現今個暑假d
package好平喎！
住四晚五星級酒店都係六千蚊，真係海嘯價，
而且七月頭都仲有機位剩，市道咁低迷，一於去刺激吓經濟啦！
本來諗住慳d駛，平咗嘅酒店錢應該夠補返d貴yen啦，
點知都係「駛嘅past
tense」─「駛ed」(駛凸)。
好彩日本嘅七仔有提款機，如果唔係最尾嗰兩日都唔知點算。
大家可能覺得小弟嘅行程有d怪，
搞成日先去得一個半個地方，又或者成日都兜嚟兜去，唔係好順路。
其實小弟覺得自由行就係要輕輕鬆鬆咁去享受一下，
如果要趕頭趕命，一日走十幾廿個地方，不如跟團啦！
當然有d地方都要plan定去唔去，不過就唔會咁硬性規定邊日要去邊，
除非要追祭或者一d特別嘅活動，就要plan得好準確，否則都係行到邊玩到邊。
好似今次都plan咗第一日去睇高達，不過太多人去唔到，於是咪改第二日去囉！
能夠有彈性一d，玩都玩得輕鬆d，開心d。 |
