|
 |
十一點開門，十點半已經排晒隊。
我地掛住食甜品，遲咗少少嚟，
排前面嘅啱啱入晒去，
到我地就要等第二輪，
好彩唔駛等好耐就入得去喇！ |
|
|
 |
 |
基本上呢度淨係得「豚丼」，
要揀嘅只係size，同埋要唔要湯。
由於大家都只係食碗飯，
基本上都係「趙完鬆」，
所以就算出面排長龍都唔駛驚，
唔會等太耐(而且絕對值得等)。 |
|
 |
 |
 |
|
 |
 |
 |
|
 |
 |
 |
|
 |
都唔駛多講！淨係睇個樣都知好味啦！
炭燒豚肉塊塊都香噴噴，而且恰到好處，
邊位嘅肥肉燒到燶燶地，仲有少少脆口。
豚里脊肉有咬口，有肉味；
肥肉爽口而不肥膩，絕對係一碗「究極豚丼」！ |
|
「六花亭」 |
|
 |
六花亭都幾串，
冇參加嗰個甜品推廣活動，
又冇得試食。 |
 |
|
 |
 |
 |
|
 |
 |
 |
|
 |
 |
 |
|
 |
 |
 |
|
雪芭特價，酸酸地，幾好味！ |
 |
每日限量嘅忌廉卷超好味！
脆皮超級鬆脆，忌廉亦好香滑。
|
|
 |
 |
 |
|
 |
買咗嘢，可以喺度食，不過只得「立吞」。
呢度有咖啡任你斟，所以大家會喺度開餐。
唔想企，可以到樓上嘅cafe，不過冇上過去，唔知收費如何。
呢度d嘢真係幾好味，服務都好好，又抵佢串。 |
|
「柳月」」 |
|
 |
 |
 |
|
 |
喺帶廣，另一間老字號嘅甜品店就係「柳月」，
不過呢間係賣和菓子為主，都有少量洋菓子，不過唔係太吸引。
柳月最出名就係呢舊「三方六」(左圖，官方圖片)，
係一層一層嘅蛋糕，最外面係糖漿。
雖然味道唔錯，不過咪又係蛋糕一舊，好彩柳月有得試食，試過就算喇！ |
|
|
|
 |
 |
六花亭對面就係藤丸百貨，
不過呢d舊式百貨公司冇咩啱睇，
所以嚟呢度係為咗換甜品。 |
|
我地見d雪糕一般都賣200至300
yen，
而且又好味，
所以換雪糕應該係最抵嘅。
雖然換嘅係細杯d，
不不過都應該係最抵架喇！ |
 |
 |
|
 |
 |
 |
|
「吟壽司」(已結業) |
|
 |
 |
呢間「吟壽司」
喺和味無窮都有介紹過。
和式座位好勁呀！
下下面係魚缸嚟架！ |
|
 |
 |
 |
|
 |
 |
 |
|
 |
 |
 |
|
 |
 |
呢度最出名係「生牛肉壽司」，
牛肉用咗十勝和牛，
師傅先將牛肉同脂肪一齊剁碎，
然後雪到變冰，
客人叫嘅時候先攞出嚟切片，
再握成壽司。
結咗冰嘅牛肉經師傅握過之後
開始變軟，呢個時候食就啱啱好。
牛肉入口溶化，油脂豐腴甘香，
鮮味留喺口中歷久不散，超正！ |
|
 |
 |
|
「帶廣駅」 |
|
 |
 |
 |
|
 |
 |
 |
|
 |
 |
帶廣駅後面係長崎屋百貨公司，
都係冇乜特別，
得食品部有d平嘢買，
同埋有一層係書店。 |
|
近來香港興起買日本嘅時裝雜誌，
因為會附送名牌嘅袋仔。
其實日本都興咗好耐，
人地已經誇張到：
化石雜誌附送琥珀，
蔬菜雜誌仲送埋包泥同
種子等你自己種，
佩服！佩服！ |
 |
 |
|
 |
 |
 |
|
 |
帶廣嘅建築都幾有特色。 |
 |
|
 |
呢間甜品店最近酒店，而且影出嚟明明係芭菲咁嘅樣，我地先去換，
點知......味道其實都ok，不過唔似值100
yen囉！ |
|
|
|
 |
 |
要睇下買咩手信，
於是去六花亭散買幾款試下先。 |
|
北の屋台「福里」(已結業) |
|
呢檔係食蕎麥料理。
唔想次次都飲啤酒，
老闆娘介紹我地飲「子宝」，
其實係d生果酒，有乳酪味、
士多啤梨味、桃味、芒果味等，
我地叫咗乳酪味同芒果味。↓ |
 |
 |
|
 |
 |
 |
|
 |
不過只得乳酪味，冇芒果味，
所以叫咗杯「紫芋燒酎」。
杯乳酪酒好正，好濃郁嘅乳酪味，
只帶有淡淡嘅酒香。
之後我地喺附近嘅酒舖
買咗一樽返香港，正正正！ |
 |
|
 |
 |
我地叫咗炸山芋。
山芋應該好黏，
如果磨蓉就會好似鼻涕咁，
就算切件都會黏黏下。
不過我地呢碟炸山芋好乾身，
粉粉地，似薯仔多d喎！
唔理喇！好食就得啦！
|
|
呢個pizza係咪
同平時食開嘅有d唔同呢？
因為塊餅底係用蕎麥粉搓架！
呢個蕎麥pizza好香，邊位焗得脆口，
中心位少少煙韌，又帶d軟糯，正！
芝士同番茄係十勝產嘅！
梗係掂啦！要大力推介！ |
 |
 |
|
 |
 |
細細嘅檔口都幾好，
有咩好嘢都放晒出嚟！
俾我地見到咁新鮮嘅蔬菜，
梗係唔可以放過啦！
嗰位「大菇」，就用嚟燒啦！
呢件「筍嘢」，點整好呢？
老闆娘攞咗個menu俾我地睇，
有燒、有汁煮等，
咦！有個係唔知咩「卵」喎！
就呢個啦！
喺日本食蛋都唔會差得去邊！ |
|
 |
等食嘅時候，老闆娘攞咗幾粒番茄仔請我地食，
「阿Lee加多個齋衣嗎時」！
嘩！真係唔好睇少呢粒番茄仔，好味到爆！
外皮爽脆，一啖咬開，係「卜」一聲架！鮮甜多汁，oishii！ |
|
大磨菇燒得啱啱好，燒得香之餘，又唔會太乾。
磨菇腳切片嚟燒，起初冇乜好感，
因為印象中嘅磨菇腳係韌到咬唔開，就算咬得開都黐晒牙咁。
但係呢幾片磨菇腳完全令我改觀，
爽口唔韌，仲滲出淡淡嘅清香，送酒一流！ |
 |
|
 |
 |
 |
 |
 |
見老闆娘開始煮蘆筍，
佢先批咗d皮，然後切件，
煮咗d汁，就落蘆筍去煮，
最後打隻蛋落去，
攪兩下，就完成喇！
原來係「蘆筍柳川鍋」。 |
|
 |
食緊美味嘅「蘆筍柳川鍋」時，老闆娘就整緊蕎麥麪俾其他食客，
見佢好仔細咁用電子磅秤過d蕎麥麪先，絕不馬虎，
可見佢對煮食係有一份堅持嘅！而呢份堅持亦係成功嘅關鍵。 |
|
北の屋台吉祥物「ikinukin」 |
|
趕住搵嘢食，都冇乜影過呢度。
行到中間，見到呢個雕塑，求其影張相啦！
不過真係求其得滯，原來呢邊係背脊，做咗「影後」添！
想睇下佢個樣，自己click入去官方網頁睇啦！ |
 |
|
北の屋台「えん」 |
|
 |
 |
食得咁開心，再試多一檔。
北の屋台大約有廿個檔口，
但我地時間有限，
所以唯有揀d有特色又啱食嘅，
好彩揀嗰幾間都好正！
呢間「えん」真係幾特別架！ |
|
 |
 |
 |
|
 |
我叫咗杯燒酎，呢度用兩隻墊碟架喎！
見老闆娘行出嚟斟酒，一斟就斟到滿瀉，連隻藍色碟仔都滿晒架喎！
咁碟仔嘅酒飲唔飲架？(最後梗係飲晒啦！)原來隻杯有暗花，好靚架！
老婆叫咗杯「薑味威士忌」，其實係用薑啤溝威士忌，
酒味唔太濃，亦冇乜薑味，不過勝在夠大杯，抵飲。 |
|
我地揀呢檔，就係因為呢碟嘢！
咬落好爽口，雖然係生嘅，
但完全冇生肉嘅腥味，
反而有些少鮮甜嘅肉味。
估唔估到係咩呢？ |
 |
 |
|
 |
另外，呢舊都係我地想試嘅嘢！
呢舊嘢相信大家都食過，不過就唔係咁嘅樣，
我地通常係用嚟炒，或者整糖水。
開估：上面嗰碟係「牛心刺身」，呢舊係「炸百合」。係咪好特別呢？
話說我地叫呢碟「牛心刺身」，隔離位嘅日本情侶都好驚奇，
因為menu係冇嘅，我地都係睇雜誌介紹先知。
見佢地未試過，就請佢地食兩片啦！佢地都不停oishii！oishii！
喺香港食百合都係白色細細塊，呢度就成個炸，
出面脆卜卜，入面仍然粉粉地，點鹽食，仲惹味！
我地係咁食，都唔記得影下入面添，
可想而知真係好食到停唔到口。 |
|
 |
|
 |
 |
整多碟「成吉思汗」，即係炒羊肉。
老闆嘅手勢真係掂，夠晒鑊氣。
銀芽洋蔥仍然爽脆，羊肉少少羶，
好味！ |
|
其實全程都同其他食客有講有笑，
大家都好驚奇，兩個香港人喺北海道自己揸車旅行。
席中有個叔叔d英文幾好架(合照最右)！
所以同佢傾得好開心，跟住佢知我地跟住雜誌嚟呢度，
佢就問我地借嚟睇，然後指住張相。
我地飲大兩杯，都唔知佢做乜。
於是佢指下張相，又指下自己，
嘩！原來佢就係「屋台之父」久保先生。
哈哈哈！佢著晒西裝影相，真係唔認得佢，
不過真係好開心！好開心！梗係要合照啦！
大家不同國籍，互不相識，甚至言語不通，
但係就完全冇隔膜，呢d就係屋台嘅魅力！ |
 |
|
 |
|
|
|
 |
 |
 |
|
 |
 |
本來仲想試多檔，
不過買咗好多嘢食，
聽日離開帶廣喇！
所以今晚要清下嘢！ |
