 |
小弟通常都會去Burger
King食個華堡先上機，
而且都鍾意去過咗海關後嗰間Burger
King，
點知今次入到去，發現已經被M記取代咗，唯有飲杯咖啡食件cake啦！
芝麻cheese
cake好睇唔好食，見佢黑炆炆，不過冇乜芝麻味。
橙味latte就唔錯，總之d橙味嘅嘢就會令人想起「積及橙餅」。 |
|
|
|
今次搭國泰凌晨機飛成田，因為我地最愛嘅JAL已經唔飛凌晨機。
從來對國泰機都冇乜好感：d機又舊又細，d嘢又唔好食，d空姐又唔靚又串，
又冇得打機......不過為咗時間好d，國泰就國泰啦！
上到機，d位一樣係咁窄。不過上飛機餐時就有驚喜，
d嘢食幾靚仔喎，仲幾好味添！有改善！ |
 |
 |
 |
食完飛機餐，睇完套戲，
瞓一陣，都天光喇！即係就到喇！ |
|
|
|
喺成田出新宿，可以搭機場巴士，
不過今次間酒店唔近巴士站，
而且車費都唔平，成3000
yen，
咁不如搭N'EX啦！
仲有張Suica
card添！ |
 |
 |
 |
 |
 |
 |
 |
 |
 |
 |
出面d田白濛濛，好似結咗霜喎！
咁咪好凍？ |
 |
好彩出太陽！ |
 |
 |
 |
 |
 |
車程都要成個鐘喎！都係飛羽田方便d！ |
|
|
|
去酒店放低行李
就去逛百貨公司食品部。
今日去米芝蓮一星嘅壽司店食晏，
不過時間尚早，買d嘢食下先，
見個炸芝士特價，就買嚟醫下肚啦，
點知又係好睇唔好食，凍冰冰，
中間嘅芝士唔流心，渣！ |
 |
 |
|
去到銀座，要搵呢間壽司店都唔算太難，因為有Google
map幫手，如果唔係都幾難搞！ |
 |
 |
鮨いわ
(Sushi
Iwa)
(已搬遷)
→
銀座いわ
(已沒有星)
東京都中央區銀座8-4-4三浦ビル
03-3572-0955 |
|
壽司店好細，只得七至八個位，難怪要預早book位啦！
(事後當然知道呢個唔係主要原因啦！)
師傅識講簡單英文，佢話lunch
menu有兩款，分別係10
pieces同13
pieces。
難得嚟到，梗係13
pieces啦！然後師傅又問sashimi
& sushi定係sushi
only，
都係想試下師傅嘅手勢多d，所以sushi
only啦！ |
 |
 |
 |
前菜─昆布
昆布非常爽脆，酸酸地，好醒胃。 |
|
比目魚
新鮮爽口，味道較清淡，師傅喺中間夾咗d紫蘇葉，
即刻帶出比目魚嘅鮮味。 |
 |
 |
鯛魚
肉質爽口，味道鮮甜。
食完之後仲有淡淡嘅魚香留喺口中，正！ |
|
油甘魚
油脂豐富，魚味較濃，肉質較腍，
口感豐腴，非常美味！ |
 |
 |
鰹魚
鰹魚嘅味道濃郁，如果唔新鮮，陣魚腥味就更加難頂，
所以喺香港都好少食鰹魚。
呢度嘅鰹魚完全唔腥，魚味鮮香，好味！ |
|
漬蘿蔔
食完d濃味嘅魚，師傅就切咗兩舊蘿蔔，等我地清一清味蕾。
蘿蔔超級爽脆，全部客人都食到咯咯聲。
蘿蔔唔太酸，最正係師傅喺上面加咗少少柚子皮，感覺好清新。 |
 |
 |
魷魚
魷魚係小弟唔鍾意嘅魚生之一，因為通常韌到爆，又冇乜味。
呢度嘅魷魚真係掂！師傅嘅手勢亦一流。
魷魚完全唔韌，口感軟糯，又不失咬口。
師傅用青檸同海鹽調味，感覺清爽。呢d就係星級嘅功力！ |
|
吞拿魚(赤身)
最普通嘅壽司，最難處理，因為完全取決於舊魚新唔新鮮，
喺香港只係喺「湖舟」同「伊藤」食到好味嘅赤身。
呢度當然冇問題啦！赤身嘅魚味較淡，師傅只係薄薄掃一層醬油，
帶出魚香，好味！ |
 |
 |
中拖羅
入口溶化，味道有層次，先係豐腴甘香嘅油脂，
然後慢慢滲出淡淡嘅魚香，精彩！
其實中拖羅有時比大拖羅更好味，肥美程度恰到好處，唔會太油太漏。 |
|
池魚
池魚又係味道濃郁嘅魚，一般壽司店會用薑蓉同蔥去僻腥，
呢度就用紫蘇葉，喺濃郁嘅魚味當中帶d清爽，配合得啱啱好！ |
 |
 |
白蝦
蝦肉鮮甜，口感軟糯，非常好味！
喺香港食唔到呢d白蝦仔，上次喺築地壽司大食過，
已經覺得好好味，呢度嘅就更加出色啦！ |
|
小柱
小柱鮮甜爽口，最難得係塊紫菜都好好味，
唔單止脆卜卜，仲帶有海水嘅鹹香，同嗰幾粒小柱配合得天衣無縫！ |
 |
 |
 |
 |
|
跟住師傅拎碟海膽出嚟，正！有海膽！然後見佢「畢」咗碗飯，夾咗半碟海膽落去，心諗：唔通其他客人叫咗海膽飯？
跟住師傅就起勢咁撈，將d海膽撈勻碗飯，然後分成五小碟(呢個時候店內只得五個客人，哈哈！即係我地有份食)。 |
 |
 |
 |
|
然後加咗少少wasabi，最後仲「畢」埋三文魚子添！嘩！粒粒飯都係橙色，都有海膽包住，鮮甜無比！
三文魚子就更出色，入口溶化，味道鮮美，一d腥味都冇。
以前覺得三文魚子要「卜卜」聲先好，原來只係雪耐咗，雪到三文魚子嘅表面硬咗。
新鮮嘅三文魚子係會自動溶化架！
呢碟精彩絕倫嘅三文魚子海膽飯，睇得出師傅嘅創意同心思，好彩我地揀咗個貴餐，真係值回票價。
不過老婆嗰碟隻碟係爛咗再補返，似乎有d奇怪！ |
 |
蛋布甸
其實都冇數過食咗幾多件壽司，不過都有d飽，
見師傅遞上一件蛋布甸，心諗應該係甜品。
蛋布甸充滿蛋香，口感軟滑，唔太甜。 |
|
漬蘿蔔
又係漬蘿蔔？不過呢款有d唔同，係用wasabi醃架！
蘿蔔爽口，加埋wasabi嘅少少攻鼻，幾特別嘅配搭。 |
 |
 |
鰻魚
原來未食完喎！仲有鰻魚。鰻魚肥美，而且燒得香，好味！ |
|
味噌湯
味噌湯香濃，有蜆味，而且有大量蔥碎，令碗湯更加香。 |
 |
 |
 |
 |
|
最後見師傅仲喺木盒(睇真d原來表面係木盒，入面係不銹鋼盒)度攞咗件吞拿魚出嚟切條，原來係整手卷。
仲有青瓜卷，小青瓜清新爽脆，好味。手卷捲得緊緻，不過切得唔齊，喺米芝蓮一星嘅壽司店，似乎唔合格喎！
以前去東京一定會去築地排隊食壽司，不過我諗以後都唔會嘥時間排隊。
其實築地壽司大嘅壽司都好味，不過價錢都唔平，差唔多4000
yen。
呢間雖然係米芝蓮一星嘅壽司店，但價錢都唔算係天價，
如果叫個平餐(10
pieces)都只係4725
yen，只係貴過壽司大少少。
當然貴餐(13
pieces)就貴d，要8400
yen，但其實真係值得去試下。
小插曲：其實我地食到一半，已經覺得好掂，想再book多一日，
於是問師傅聽日有冇位，師傅話no，我地死纏爛打再問後日呢，師傅又話no，
不過佢加多句we
close，跟住佢話今日已經係last
day。
原來臨近年尾，築地都收爐喇！師傅話no
fish，所以順便休息五日，唯有下次再嚟食過。
|
 |
食完呢餐好滿足嘅星級午餐，就喺銀座逛下。
不過食得咁飽，加上今朝凌晨機，其實都好攰，
有d想瞓，於是喺Starbucks休息下。
見呢件Caramel
apple bar都幾吸引，就試下啦！
原來看似好漏，其實都ok，
因為成舊都好似apple
crumble上面嗰層脆脆咁，好鬆化，係唔錯嘅甜品。
坐喺地下嗰層嘅落地大玻璃前，睇見街上嘅人匆匆忙忙，
自己就悠悠閒閒嘆咖啡，我諗呢d就係享受生活！ |
|
享受一輪之後，出發去六本木，因為要去第二間米芝蓮食肆，呢間都係一星架！
|
|
与太呂 (已結業)
東京都港區六本木4-11-4六本木大廈1樓
03-3405-5866 |
 |
 |
 |
呢度一樣細細間，只得十四個位左右，
由川口師傅一家三口打理，
呢種家庭式嘅經營，感覺好溫馨。
今晚主要係小川口師傅招呼我地，
因為佢識英文。 |
 |
 |
 |
|
呢度冇menu，
亦都唔駛點菜(飲品除外)，
因為呢度只得一款set，
就係「鯛料理」。
所以你一坐低，
師傅就會整嘢比你食。 |
 |
 |
 |
 |
和牛壽司
和牛嘅雪花均勻，口感軟滑，
油脂豐腴甘香，
而且飯糰調好味，唔駛再點醬油。
小川口師傅話用咗和牛臀部嘅肉嚟整，
因為肉質較腍滑，真係非常好味！ |
|
鯛魚刺身
肉質爽口，好味！酸汁亦好出色，
因為加咗柚子皮，好清香。
最難得係墊底嘅蘿蔔絲都好新鮮爽脆，
而且仲撈咗紫蘇葉，好好味！ |
 |
 |
 |
 |
跟住係天婦羅，
聽聞呢度係以天婦羅入選米芝蓮嘅，
要試真d先得。 |
|
蝦多士 |
炸蝦 |
|
 |
 |
 |
|
鳳尾魚 |
仲以為係番薯，咬開先知原來係墨魚。 |
 |
 |
 |
|
蓮藕 |
冬菇 |
茄子 |
 |
 |
 |
|
再嚟兩隻炸蝦 |
小青椒 |
咩嚟架呢？ |
 |
原來係小洋蔥
點解張墊底紙咁多油嘅？ |
 |
|
呢度d天婦羅好特別，表面唔係好脆，不過層炸漿就好似保護膜咁，將d食材完全包實，
所以d蝦仲爽口鮮甜，d蔬菜仍然爽脆多汁，唔錯！但係能夠以天婦羅入選米芝蓮，唔應該咁油架喎！
負責炸天婦羅嘅老川口師傅仲要幫我地加多一張墊底紙，我覺得今晚係有d失手。 |
 |
 |
 |
|
不過唔緊要，主角而家先出場。用原條鯛魚去煲飯，已經好吸引，只見老川口師傅戴上眼鏡，攞起筷子去起魚骨，
嘩！真係服務周到！老川口師傅撈一撈d飯，然後冚蓋，再焗一焗。 |
 |
 |
 |
|
焗咗一陣，小川口師傅幫我地「畢」飯，嘩！粒粒飯都充滿魚香，ichiban
oishii！ |
|
其他客人都食唔晒煲飯，
不過老川口師傅會用木盒仔裝起d飯，
比客人拎走。不過我地拎返酒店，
凍晒都食唔到，唯有食晒佢啦！
「畢」到煲底，有咁香口嘅飯焦，
即刻整碗茶泡飯先。
每人足足食咗四碗飯，飽晒！ |
 |
 |
 |
 |
 |
|
最後到甜品，係紅豆糕。小川口師傅話呢個甜品係佢喺京都學師時，得到d靈感而發明嘅！
佢話係用一種vegetable整嘅，叫我地估下。我地見個紅豆糕咁煙韌，都係米或者糯米之類啦！
小川口師傅話個名「う八」，就好似中文嘅「穴」字咁，有「窿」？
唔通係Lotus
root(蓮藕)？正確，老婆估中咗！小川口師傅話係用蓮藕磨咗粉，再搓成嘅，好特別呀！
煙煙韌，清清地，唔太甜，好味！
小川口師傅仲話因為個名叫「う八」，所以設計咗八款貼紙，好有心思！佢仲每人執咗一套比我地留念，好nice呀！
呢餐比較貴，每人13650
yen，不過從用料、師傅嘅廚藝同心思，其實OK嘅！
今晚只係OK啫！如果天婦羅整得好d，呢個價錢就物有所值喇！
由於呢度只得一個set，所以未必會次次都嚟，不過一定會再嚟嘅！希望下次樣樣都好味啦！
29-12-2010 |
 |
酒店樓下就有間Seattle's
Best Coffee，食個早餐先。
日本嘅食肆冇特別禁煙，不過就有分吸煙區同非吸煙區，
人地嘅吸煙區係一間玻璃房，唔會好似香港咁低能，
呢枱就吸煙區，隔離枱就非吸煙區。
以前係咁，而家巴士站又係咁，畫條線就分到吸煙區同非吸煙區。
你班官員個腦死嘅，就以為所有嘢都係死嘅，
你估d煙真係死嘅咩，淨係喺吸煙區，唔會吹過去非吸煙區嘅，
呢d咁嘅政策，白痴嘅都知唔work啦！
但偏偏香港一而再，再而三都仲係咁，唉......！ |
 |
|
吉祥寺Satou |
 |
 |
 |
|
越嚟越鍾意去吉祥寺，
除咗有好嘢食之外，
d橫街窄巷都幾好行，有好多平嘢賣。
嚟吉祥寺必食嘅松阪牛肉球，
今次唔算好多人排隊，
不過d人一買就十個廿個咁，
都等咗幾盤先買到。 |
 |
 |
 |
 |
樓上係食鐵板燒，
午餐由1000
yen至2000
yen，
視乎牛肉嘅質素而定。
我要咗1500
yen嘅Satou
steak，
老婆就要咗2000
yen嘅Special
steak。 |
 |
 |
 |
 |
 |
 |
 |
←Satou
steak (1500 yen)
Special steak
(2000 yen)→
果然係一分錢一分貨，
老婆份Special steak係腍滑d，好味d。 |
 |
 |
 |
由於樓上鐵板燒唔係好多位，
所以有位就要食咗先，
之後先食個牛肉球。
不過個牛肉球都好勁，
隔咗一陣先食，依然熱辣辣，
脆卜卜，好味！ |
|
|
|
いせや 総本店
記得杜如風介紹過有間食串燒嘅就喺吉祥寺，幾串串燒啫！
唔會好飽嘅！嚟到一於去睇下啦！
其實老遠已經見到呢度濃煙密佈，唔知仲以為火燭添！
呢度有「立吞」，不過對住個炭爐，我地唔想燻到成身油煙，
都係坐入面(其實係冇乜分別嘅)。 |
 |
 |
 |
唔知點解釘住咁多錢喺度喎？
置身喺煙霧瀰漫嘅仙境食串燒，
別有一番風味！ |
|
食串燒，梗係啤一啤啦！
炖豬腸，個個都叫，一定係好嘢。
果然冇錯！
豬腸炖得腍，蘿蔔亦都入晒味，
加埋大量蔥花嘅香，正！ |
 |
 |
 |
←串燒就叫住兩串試下先，
豬膶同雞肉。
加埋杜如風推介嘅燒粟米→ |
 |
|
↑豬膶切成丁方，咬落爽口，
而且燒得香噴噴，好味！
雞肉都好味，不過燒得乾咗d。
燒粟米真係值得推介再推介，超甜，
勁好味！仲好食過我喺北海道食嗰d。 |
 |
見我地要追加，就知oishii啦！
再嚟雞肉丸，豬心，豬肚同豬脷
(由上至下)。
樣樣都好味，而且只係80
yen一串，
係粟米貴d，不過都係250
yen啫，抵食！ |
|
|
 |
其實今日有行程架！就係去「調布」嘅「鬼太郎茶屋」。
本來見到有巴士去調布，不過驚住巴士兜得耐，都係搭火車穩陣d，
但係就要喺「明大前站」轉一次車，全程約半個鐘。
諗住鬼太郎咁出名，應該好易搵啫，
點知去到調布站，完全見唔到鬼太郎嘅蹤影，
於是走去Parco嘅詢問處問下啦，不過個姐姐又唔知我問乜喎，
好彩佢攞咗張地圖比我，教我地去觀光案內所，於是去睇下啦！
點知去到，又已經閂咗門，唯有再睇下張地圖啦！
好彩搵到鬼太郎茶屋原來喺深大寺附近，於是就去搭巴士。
(所以千祈唔好懶，唔做足功課好易撞板) |
 |
 |
 |
|
喺巴士站見到鬼太郎巴士，不過唔係去深大寺嘅，唔好搭錯呀！ |
 |
 |
 |
|
去到總站深大寺落車，竟然仲見到紅葉！ |
 |
 |
 |
 |
 |
 |
 |
 |
 |
 |
 |
 |
 |
 
200 yen扭一個襟章似乎太貴，影低算啦！ |
 |
 |
 |
 |
 |
 |
|
鬼太郎茶屋其實係賣手信嘅地方，同埋可以坐低嘆下茶咁啦！如果唔係好鍾意鬼太郎嘅，其實唔嚟都冇損失。 |
 |
 |
鬼太郎茶屋仲有一樓可以上去，
不過要俾100 yen，
既然嚟到，俾就俾啦！ |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 
俾100 yen就係睇以上嘅嘢，值唔值就見仁見智喇！ |
 |
|
向深大寺進發 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
|
深大寺兩旁都有d檔口 |
 |
 |
 |
 |
 |
 |
 |
 |
 |
 |
↑煎過嘅蕎麥大福都幾好味！
買咗嘢食，可以坐下，
飲啖茶，休息下，慢慢嘆！
|
 |
|
|
 |
 |
行返出去搭車，又經過鬼太郎茶屋。
原來架鬼太郎茶屋車好得意架，
盞車頭燈係鬼眼老爹個頭。 |
|
呢度有巴士直接去吉祥寺，既然唔趕時間，又試下啦！上到車，一覺瞓到尾，都幾好喎！
|
|
返到吉祥寺，
比我地搵到一間大超級市場，
d嘢都幾平。好！食完嘢先嚟掃貨。
而家買杯Haagen-Dazs食住先。
呢杯心太軟好味喎！真係流心架！ |
 |
 |
|
|
 |
喺d橫街窄巷有間舖頭專賣豆腐產品，
見d豆腐好似好滑，
買兜試下先(原來酒店有微波爐)。
Nu Bra豆腐？→ |
 |
|
|
 |
 |
今晚食咩呢？
有平靚正串燒，梗係食多餐啦！
仍然係煙霧瀰漫。 |
 |
←大大粒燒賣
大堆頭串燒→
今次叫多咗大蔥同雞皮，
大蔥燒得香，但唔會過火，
入面仲爽脆多汁，一流！
反而雞皮就燒得唔夠乾身，
唔夠脆口，感覺肥膩。 |
 |
|
當然唔少得燒粟米啦！→
叫多兩串大蔥同豬脷，今次試汁燒，
不過都係鹽燒好味d。
其實仲encore咗一碗豬腸，
不過唔記得影。 |
 |
 |
 |
同枱有位日本叔叔搭枱，佢知我地係香港人，就話佢以前都去過香港。
佢仲好好人，叫咗兩串串燒請我地食。其實中日關係都唔係好差啫！
起碼我地去到邊，d日本人都對我地好nice。
(不過我地懷疑其實日本人唔係好清楚香港同中國嘅關係)
小插曲：見枱枱都有呢樽嘢，起初以為係辣椒油，開嚟聞下又酸酸地喎！
見日本叔叔倒少少落杯酒度飲，於是問佢係咩嚟，
佢都唔識講，只係話好似Yomeishu
(養命酒)嘅嘢。 |
|
食完嘢，去大超級市場掃貨，因為之前行過高島屋、小田急等百貨公司嘅食品部，
d嘢實在太貴，所以呢度標價又平，仲再特價添，連公價嘅Haagen-Dazs都平過人，梗要買多d啦！
次次嚟日本，Haagen-Dazs都有新嘅期間限定。 |
 |
 |
 |
|
合桃都幾香，不過普通d。
另一款唔知係蘋果乜嘢，
不過d味就令人好懷念。
大家有冇食過一款圓形嘅西餅，
上面有pet橙色果醬架呢？
呢杯Haagen-Dazs上面嗰d醬就係咁嘅味，
中間有d脆脆，幾得意！ |
 |
 |
|
|
 |
返到新宿，去歌舞伎町逛逛先。
梗係要去我地最鍾意嘅信濃屋睇下有咩酒啦！
竟然比我見到「十四代」，不過唔係清酒，係燒酎。
可惜價錢比較貴，自己又唔識品酒，都係唔好嘥咗佢。 |
|
跟住見到有位女士，摸住呢支酒，
同男朋友講oishii，不過男朋友冇理佢。
我見得返最後一支，佢唔買就我買啦！
呢支酒淡淡地，易入口，
口感圓潤柔順。老婆喜歡熱飲，
香味隨住酒精揮發出嚟，更香醇。 |
 |
 |
|
|
 |
 |
Shinjuku Park
Hotel都幾好，都近JR站，
而且設備都好齊全，係間房細d。
原來有微波爐，
早知唔駛食晒個鯛魚飯，
拎返嚟叮咗做早餐都好吖！ |
|
最正係飲品機d嘢好平，
樽裝飲品100
yen，
大罐啤酒150-200
yen，
平過便利店好多，
不過呢個價錢係期間限定。 |
 |
 |
|
30-12-2010 |
 |
 |
 |
 |
 |
今日先去惠比壽，因為好友Pizza介紹
我地去惠比壽38樓展望台食嘢。
我地去到，d食肆未開，
於是喺38、39樓兜嚟兜去，
睇下食咩好，最後決定喺39樓嘅
「火の音水の音」食。
(已結業) |
 |
 |
 |
 |
 |
 |
 |
 |
 |
|
呢個set係每日限定，1800
yen有咁多嘢食，仲有靚景，都幾抵！
|
|
涉谷就喺惠比壽隔離，
搭一個站JR就到。
嚟呢度係要搵杜如風介紹嘅Donut店。 |
 |
 |
 |
 |
 |
 |
本來係嚟搵杜如風介紹嘅
「終極朱古力donut」，
不過見唔到，可能係期間限定。
呢個朱古力donut個樣已經係最接近，
味道都唔錯！ |
 |
 |
 |
老婆揀Patisserie
donut set，
個donut脆卜卜，中間有舊雪糕，
上面有一大「pet
」cream，
加埋d焦糖，啱晒我呢個甜魔！ |
|
秋葉原 |
 |
 |
 |
|
今日約咗個老朋友喺秋葉原嘅Gundam
Cafe見面，不過Gundam
Cafe太多人排隊等位，所以都係去附近嘅Starbucks坐下。
呢位識咗差唔多卅年嘅老朋友，移居加拿大多年，但只係返過香港兩三次，今次能夠約佢喺東京聚一聚，真係開心！
離開秋葉原，返池袋逛下東武西武，然後就食晚餐。
其實一早都想嚟「鳥良」(池袋3号店已結業)試下，不過次次都安排唔到，今次終於可以試下。 |
 |
 |
 |
 |
←呢個指定嘅前菜都幾貴，
索價450
yen。
蜜糖威士忌→
Double Ginger威士忌 |
 |
|
日本嘅雞真係好好味，
所以嚟日本叫雞係指定動作，
今次叫咗個雞鍋。
雖然唔算平，不過好足料，
有雞肉、雞膶、免治雞肉同埋
大量蔬菜，夠晒飽肚。 |
 |
 |
 |
 |
 |
 |
 |
當然唔少得燒雞翼啦！
不過好似唔夠「幻之手羽先」咁好味。 |
|
呢個係杜如風介紹嘅超滑豆腐，
上面再淋咗d豆漿，豆味濃郁。
最緊要係滑，而且係超級滑，
係小弟食過最滑嘅豆腐。 |
 |
 |
 |
 |
 |
|
另一樣我地喺日本必食嘅係「月見雞軟骨串」，日本嘅雞蛋好大隻，好靚仔，用嚟點雞肉串，好好味！
另外，紫蘇雞肉串同露荀豬肉卷都唔錯！
|
 |
返到酒店，仲有宵夜。芝士同火腿本應配紅酒係最夾，原來配清酒都唔錯喎！
不過呢個藍芝士又貴又唔好食，其實唔係唔好食，只係冇blue
cheese嗰種獨特嘅「香」味，味道同明治/雪印嘅芝士冇乜分別。 |
|
另外，喺池袋東武發現呢間餅店，
睇d
cake好似普普通通，冇乜特別，
不過最特別係個價錢，
1050
yen四件，超抵呀！
可能係年尾收爐大特賣，
店員執好晒四件一碟，
你就自己揀要邊碟咁囉！
當然四件係有平有貴，
不過一定超過1050
yen。 |
 |
原來都好好味喎！
d生果好甜，一d都唔酸，正！ |
|
31-12-2010 |
 |
 |
赤坂 ふきぬき
每次嚟新宿，
都必食高島屋14樓嘅「今半」sukiyaki。
不過其實呢度仲有間食鰻魚飯嘅，
今次就放棄今半，嚟呢度試下。 |
 |
 |
 |
 |
←有英文menu架，
仲教埋你正確嘅食法。
叫咗串鰻魚肝→
魚肝粉嫩，魚腸爽口，
不過有d苦味。 |
 |
 |
 |
鰻魚飯
鰻魚燒得香，不過唔夠肥美，
另有一小壺湯比你自製泡飯。
碗湯好清，不過魚味濃郁。↓ |
 |
 |
 |
|
|
 |
今日去入間嘅outlet，不過日本呢幾年嘅經濟都好差，
outlet都冇乜好平嘅嘢，加上d
yen咁貴，d嘢都買唔落手。
今次只係買咗對波鞋，約200蚊港紙，返工粗著都ok啦！
老婆都買到d衫，不過都要左諗右諗先決定買唔買，
唔似以前兌7蚊咁，乜都唔諗，可以狂買。 |
|
|
|
逛完outlet，
出返池袋逛埋d百貨公司先食飯啦！
不過今日係「大晦日」(日本嘅大除夕)，
百貨公司都提早關門。
搭JR返新宿，見到池袋站迫滿人，
仲以為有事故，點知原來有隻貓貓
喺貓頭鷹嘅頭頂瞓覺，好kawaii呀！
唔怪得之咁多人圍住影相啦！ |
 |
 |
|
燒肉大和畜產(已改名) →
まんぷくカルビ |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
|
諗唔到食乜，記得好友P介紹歌舞伎町有間食燒肉放題嘅，又去搵下啦！款式都多，味道ok啦！
最正係佢碟醬，其實唔係醬，係用油浸住d鹽，再加咗d芝麻，點燒肉非常惹味！
|
 
高島屋後面仲有少量燈飾。 |
 |
|
今晚嘅宵夜非常豐富。 |
 |
 |
 |
|
特大杯麵好味；芝士脆脆好好味，芝士味濃郁，好食到停唔到口。 |
 |
 |
 |
|
呢兩件cake係發現特價cake之前買嘅，雖然冇特價cake咁抵，
不過喺東京都算係平cake，而且味道唔錯！
我地都鍾意去御徒町呢間吉池超市買嘢，
因為2樓係全層賣酒嘅，種類都好多，今次買咗樽「有機豆漿酒」。
呢樽豆漿酒好「杰」身，真係好似飲緊豆漿咁，豆味濃郁，
再慢慢散發出酒精嘅刺激，好飲！ |
 |
 |
 |
 |
|
1000 yen四件cake咁抵，梗係要encore啦！件puff睇落好普通，不過單買都幾貴架！
就試下有咩咁特別先，一切開，點解有d液體流出嚟嘅？原來puff嘅底層係索滿Rum酒，好好味呀！
1-1-2011
新年快樂呀！今日係日本嘅新年，大部分商舖都休息，不過池袋Parco有開，大家都會去搶購福袋。
又再一次證實日本嘅經濟真係差，因為日本人搶購福袋嘅情況比舊年又嚴重咗。
舊年我地十一點幾先去(十點開門)，一d出名嘅店舖都仲有福袋剩；
今年我地已經早咗，十點三左右已經去到，不過d福袋已經比人掃得七七八八。老婆都買唔到福袋，小弟就買咗袋T-shirt。 |
 |
 |
 |
|
5000 yen有六件Tee，加一件格仔裇衫，超抵！淨係一件裇衫都已經5000
yen，基本上嗰六件Tee係免費。 |
 |
 |
 |
|
見到其他香港人都有買，梗係叫佢地開嚟比較下啦！人地嗰袋有件絨褸喎！
於是又去買過，今次揀袋重d嘅！終於得手喇！老婆買唔到福袋，不過都買到d特價衫。
返酒店pack好d嘢就要出機場喇！
因為今次班機比較早，飛四點幾，而且羽田開咗新嘅國際線大樓，要早d去視察下，同埋要搵嘢食。
新嘅國際線大樓好大，check-in都好快。
其中一層有條「江戶小路」，其實係食嘢同買手信嘅地方，
不過可能今日過新年，d日本人都會去旅遊，所以條「江戶小路」迫爆人。
於是即刻搭接駁車去返Terminal
2食嘢。 |
 |
 |
 |
 |
 |
呢間吉烈豬扒又係必食嘅，
因為超級鬆脆。
今次仲散叫咗吉烈蠔同吉烈蝦，
臨走要食好d。 |
|
起飛嘅時候已經日落。 |
 |
 |
 |
 |
 |
 |
|
國泰換咗批新機，座位寬敞好多，而且調較椅背係唔會影響到後面
(因為佢只係調較座墊嘅前後，其實冇以前咁舒服)，揭開托盤仲有得叉電添。 |
 |
 |
膳食飲品亦進步好多，
有樽裝清酒。食物都好味！
今次嘅飛行，
令我地對國泰機完全改觀。 |
 |
 |
 |
|
另外，機上嘅Duty
free酒類都幾平喎！ |
 |
 |
 |
 |
 |
 |
 |
 |
 |
|
今次五日四夜，真係唔多夠，有d地方諗過去，不過都冇去到。
當然我地hea下hea下，所以每日去嘅地方都唔多。
不過試到米芝蓮級數嘅食店，令我地對食物質素嘅要求都提升咗，下次要再試下其他星級食店。 |
