gundam02

　

寰宇風情

 

分類索引

 

Gundam大晒冷

　
fblogo   iglogo

  

道北預備篇

  

上次去道東準備得非常充足，所以成個旅程都近乎完美。今次嘅準備其實都差唔多，不過就撞啱有幾個祭，有d仲撞咗期，所以編行程嘅時候就麻煩d，要編咗幾個version先搞掂。

   

   

    

旅遊書

    

P1070776

睇嚟睇去都係呢本，因為只係買過呢本，好彩道北嘅資料都詳盡。當然都要去書店睇下其他書，不過積丹半島同二世古都係比較冷門，好多書都冇乜詳細嘅資料，所以今次唔係睇好多書，反而睇討論區同blog多d，始終實戰嘅經驗有用好多。

  

  

  

討論區

  

除咗平日睇開嘅本地討論區，今次特別要推介台灣嘅「背包客棧」。感覺上台灣人去旅行比香港人仔細好多(我諗世界各地嘅人都比香港人仔細，因為香港人去旅行實在太容易，而且跟團跟得多，以為自由行都唔駛帶腦去)。

  

呢度無論問嘅同答嘅都好有水準，起碼唔會見到有人問：東京有咩食買玩；有幾日假期想去日本，去邊度好；急！過幾日出發，點編行程......大家係做好晒功課，編好晒行程，先上

嚟問意見。答嘅亦都真係高手，好有經驗，對每個地方，每個細節都瞭如指掌。今次編行程

都係全靠一班高手俾意見，修改再修改，先可以順利走畢全程。所以無論去邊度旅行，呢個

討論區都值得去參考一下。

  

  

  

背包客棧─日本北海道

  

  

  

  

香港討論區─日本

日本自遊易討論區─北海道

  

香港旅遊討論區─日本旅遊熱點

旅遊人生討論區─日本北海道
  

  

  

BLOG

  

今次亦都睇咗唔少blog，不過唔喺度逐一列出喇！自己search都唔係好難啫！

  

  

  

  

觀光協會

  

今次都去好多地方，所以睇咗好多個觀光協會！

  

  

  

札幌觀光協會

積丹觀光協會

二世古觀光協會

  

  

  

洞爺湖觀光協會

登別觀光協會

室蘭觀光協會

  

  

  

苫小牧觀光協會

占冠村觀光情報

南富良野觀光協會

  

  

  

富良野觀光協會

美瑛町觀光協會

旭川觀光協會

  

  

  

稚內觀光協會

禮文島觀光協會

利尻島觀光協會

  

       

  

自駕遊

  

P1110982

首先梗係要申請「國際牌」啦！

  

手續好簡單：

只需填妥「國際駕駛許可證申請書(TD 51)」，連同身分證副本、近照2張及$80，親自交回(可即日取證)或郵寄(大約十個工作天以掛號信形式取證)即可。

  

     

日本自遊易討論區─自助駕車

背包客棧─北海道租車遊
  

日本自駕遊─計劃行程必備資料

  

     

  

租車：

  

ToCoo!

根據上次嘅經驗，都係呢個綜合租車網站比較平。佢入面其實綜合咗好多間租車公司，不過格過價都係日產最平。(就算去日產嗰度租車都唔夠ToCoo咁平)

  

     

  

     

  

其他：

   

國土交通省北海道開發局

  

  

  

北海道數千景點的mapcode
  

日航推介路線，附mapcode

ANA推介路線，附mapcode
  

Google Map Japan

道之駅

  

  

  

  

  

  

  

  

  

物品

  

  

  

一般要帶嘅物品唔多講喇！今次新買咗幾樣嘢帶去，好好用：

2012hokkaido2556a

Wi-fi Router

  

而家一般酒店房間都有LAN線上網，不過智能手機冇得插線，要用Wi-fi上網。有個Router就方便好多，只要插電，再插埋條LAN線，見到盞燈閃閃下就OK喇！

車用電話叉電

  

而家經常用電話影相，好快就冇電，喺街又冇得叉電，自駕就可以喺車度叉電。

2012hokkaido2557a

2012hokkaido2559a

四眼仔太陽眼鏡

  

其實都唔係咩新嘢，只不過之前問人借。見久唔久都用，不如自己買副啦！不過真係好有用，有時真係曬到睇唔到條路，戴住揸車舒服好多。

  

  

  

行程

  

Version 1：

   

札幌

 → 稚內 → 旭川 → 層雲峽 → 富良野 → 小樽 → 余市 → 神威岬 → 室蘭 → 苫小牧 → Tomamu → 札幌

23

 　 24,25 　 26 　 27 　 28 　 29 　 　 　 　 　 　 　 30 　 31 　 1

  (數字係住宿嘅日期)

　

map_v1

  

最先編嘅行程係咁，諗住第一晚可以搭夜車直上稚內，就可以慳一晚酒店。而且「富良野肚臍祭」同「小樽潮祭」撞咗期，所以編咗28號喺富良野睇肚臍祭，29號就去小樽，仲book到小樽間酒店有煙花景，應該perfect啦！

  

之後check清楚d JR時間，原來已經冇咗夜車上稚內。咁都好簡單啫，住一晚札幌，第二日先上稚內囉！不過背包d高手就覺得喺稚內嘅時間太短，如果去埋禮文島同利尻島就實唔夠時間。咁又係，千里迢迢去到，冇理由唔去島架！於是又再諗。

 

 

Version 2：

                                                                                                                

札幌

 → 余市 → 神威岬 → 室蘭 → 苫小牧 → Tomamu → 層雲峽 → 富良野 → 小樽 → 旭川 → 稚內

23,24

 　 　 　 　 　 　 　  25 　 26 　 27 　 28 　 29 　 30 　 31,1

 

map_v2

  

今次個package係香港飛新千歲，然後可以喺北海道飛東京，再返香港。既然係咁，就編稚內喺最尾，由稚內飛東京，就可以減少一程長途車啦！

  

富良野同小樽固定咗喺28、29號，稚內就編喺最尾兩日，咁其他地方就順路咁編喺其他日子就搞掂啦！

  

不過好多段車程都好長，而且都係兜嚟兜去，唔多順路。最重要係agent講返原來唔可以喺稚內飛東京，即係稚內唔可以編喺最尾。唉！再諗！

 

   

Version 3：

                                                                                                                      

札幌

 → 余市 → 神威岬 → 二世古 → 洞爺 → 室蘭 → 苫小牧 → Tomamu → 富良野 → 美瑛 → 稚內 → 旭川

23,24  

 　

25

 　 　 　 　 　 　 　 　 　 26 　 27 　 28 　 　 　 29,30,31 　

1

 

map_s

  

之前編嘅行程都係圍繞住兩個祭嚟諗，其實去完富良野，再返小樽真係超級唔順路。既然係咁，唯有放棄啦！小樽主要都係睇煙花，喺香港都睇到唔想睇啦！加上去小樽都好方便，總有機會再去嘅！

  

其實今次嘅行程最主要應該係稚內，呢d咁偏遠嘅地方，如無意外都唔會去第二次，所以應該編多d時間喺稚內先啱，咁就stay三晚啦！

  

背包嘅高手亦指出由余市去到苫小牧先住宿，應該唔夠時間，所以中間停一晚二世古先。而層雲峽一嚟唔多順路，二嚟夏天去冇乜特別，秋天有紅葉會靚好多，咁就唔去住啦！

  

幾經辛苦，終於編好個行程！

 
 
可以出發喇！

 

  

 Back

 　

2012hokkaido1017aa

 　

 Day 1