2012道北



		到喇！千辛萬苦就係上嚟呢度睇雲海，不過......



てんぼうカフェ高處不勝寒，買碗南瓜湯就最恰當！
	仲覺得凍都唔緊要，有風褸、大褸借俾你！呆等期間，可以寫下明信片，因為呢度有郵箱，可以免費幫你寄。


今朝嘅天氣實在太差，只係有時有d風，吹散下d霧，先清晰返少少。
		睇唔到雲海，唯有睇住明信片先。

		冇嘢睇，唯有返落山食早餐。

去返尋晚嗰間餐廳，坐返尋晚個位。早餐都幾豐富，最正係有六種富良野果醬園嘅果醬；有北海道薯仔，仲有宗谷海鹽。

食完早餐，才七點幾，梗係返房休息下先啦！睇下倫敦奧運開幕禮，就瞓咗喇！瞓到十點幾、十一點先起身check-out。今日去富良野，途經南富良野嘅幾寅駅。



		呢度明明係幾寅駅，點解個牌又寫住幌舞駅呢？因為呢度係電影《鐵道員》嘅拍攝場地，喺片中呢個駅就叫幌舞駅。






跟住去富良野果醬園
今朝食早餐嘅時候都試過d果醬，所以嚟呢度嘅目標其實係麪包超人館。















看圖作文







		超級可愛嘅小女孩！
搽完果醬，去芝士工房食芝士。
		本來想喺度食pizza，不過撞到個舊同學，佢話pizza係即叫即焗，要等好耐，咁就食杯雪糕算啦！
食鴛鴦味，連張卡都係鴛鴦色。芝士味 + 粟米味


	芝士工房會介紹佢d芝士送咗去邊d餐廳，整成咩菜式。好多都好吸引喎！最近就係芝士火鍋嗰間餐廳，就去試下啦！順路先返酒店check-in。

旅館ふる郷荘富良野市北の峰町14-50 Tel：0167-22-2612
	其實唔係酒店，係旅館啫！冇辦法，今晚有肚臍祭，大部分酒店都full晒，只係剩返大酒店嘅貴房，同埋d偏遠少少嘅旅館，見自己揸車，偏遠少少都冇問題啦！老闆仲好熱情咁俾咗間大房我地，又幫我地影相留念。
出發，先去北海道中心標，有最東南西北嘅地標，原來連最中心嘅都有。


		影影下就開始落雨，唯有撤退。
都落好大雨，紅雨咁上下啦！不過應該係過雲雨，就喺停車場泊好車，喺車上避下雨先。避雨期間，又鳴謝下背包客棧論壇嘅高手先，因為有祭典，唔知架車泊邊度好，雖然睇資料見官方都開放好多臨時停車場，不過背包d高手建議泊火車軌嘅另一邊。雖然遠少少，不過呢邊有間醫院，停車場有好多位。而且有行人天橋過返會場嗰邊，都好方便。加上散場時好多人，喺遠少少揸車直出公路，唔駛撞到d人潮，方便好多。果然係非常好嘅建議！
雨後彩虹，好靚呀！

富良野駅

	有肚臍祭，個公仔(左)就會化好妝。上次嚟冇祭，個公仔(右)青靚白淨好多。


		Yamadori (已結業) 嚟到呢間食芝士火鍋嘅餐廳，熄晒燈，又冇人，唔通有祭唔開？正想走之際，老闆娘就出嚟開門，原來落咗場，啱啱先開門。

呢度熱到爆，一嚟「吽」緊落雨，二嚟啱啱開舖，都未開冷氣。唔理喇！叫杯大生啤先。睇個格局都預咗佢冇芝士火鍋，果然估中，咁食燒肉啦！
		呢個豬牛羊拼盤，乜都有d，都唔錯喎！後尾要追加多碟。
	秘製蒜蓉同辣醬，用嚟點肉超好味！雖然冇芝士火鍋，不過有呢個鐵板芝士，上面焗到燶燶地，入面香濃軟滑，正！
食物唔錯！不過喺冇冷氣嘅情況下(開咗等於冇開)，對住個火爐，確實有d難頂！不過都好彩，食緊嘢嘅時候又落大雨，食完就停雨。食飽就去踩場，係肚臍祭嘅會場！由於富良野係北海道嘅中心點，就好似北海道個肚臍咁，所以呢度個祭典就叫肚臍祭。
	d橫街有好多檔口，賣嘢食嘅又有，賣玩具嘅又有，經典嘅撈金魚都有。睇條街都估到頭先有幾大雨！
































巡遊隊伍就係咁圍住條街行，去到後街就可以休息下，兜返出大街就繼續跳住行。不過都唔夠呢兩位叔叔嬸嬸勁，佢地真係現場唱足成晚，冇咪咀，勁過好多歌星。
		見到d crêpes咁靚仔，就整件啦！哎呀！點解唔係麪包超人餅乾架！

走嘅時候行返行人天橋去攞車，咁啱見到遠處放煙花。


		可能係中富良野嘅薰衣草祭花火大會，不過條行人天橋太多人行，震下震下，所以d煙花都係震下震下。

尋晚放佢一馬，今晚要處決佢。
	喺芝士工房買咗呢舊芝士，睇圖以為係蒜味，原來係洋蔥味，都好味！買咗兩件麪包BB衫做手信。