|
草津都唔算好多景點，都係得湯畑、熱之湯、西之河原公園等，遠少少有個滑雪場。
不過勝在各樣嘢都好方便，起碼有舖頭行，夜晚都有間7-11喺附近。不過就人多d，典型嘅旅遊景點。
輕井澤
回程返東京嘅時候順路去輕井澤行下，上次去輕井澤個outlet已經冇乜收穫，今次俾多次機會佢啦！不過都係失望而回。
下次去輕井澤應該唔會去outlet，都係去睇下景。其實今次本來想去石之教會，不過太遠，唔夠時間，下次再安排。
東京幕張Aeon
Mall
喺東京幕張新開嘅Aeon
Mall，絕對係強烈推介，地方大，店舖種類繁多，一日都應該行唔晒！
交通檢討：
起初都有d擔心，因為除咗火車，仲要搭巴士。通常巴士d班次都好疏落，比較難預算。
加上唔係好人去過呢兩個地方，網上嘅資料都唔多，就算有，都唔會好詳細，所以有d都係估估下。
好彩巴士公司嘅網頁都好清楚，時刻表都好清晰，編排上都算方便。
由於有d地方係第一次去，d交通安排唔係太熟悉，所以編行程時都預得鬆動d，費事有咩阻滯，搭唔到d車就麻煩。
好似第一日，羽田→東京→高崎呢段，正常05:26有車由羽田去品川，05:45就到品川；
買埋pass，再去東京，應該半個鐘搞掂；去到東京，應該可以搭到07:08班新幹線去高崎。
不過都預咗會有阻滯，所以預多一個鐘，編咗係搭08:04班新幹線去高崎。
果然喺品川買唔到pass，去到東京都要搞一輪，真係要搭08:04班車。
不過我當然再預到好鬆動，之後去到伊香保其實冇行程，所以再遲d都冇影響。
所以編行程嘅時候，交通要預多d時間，寧願早到，
仲可以周圍行下影下相，或者搵個地方坐下，都好過遲到趕唔到下一個行程。
飲食檢討：
我深信喺日本係好難搵到一間食肆d嘢係唔好食嘅
(雖然之前都見識過，不過去咁多次先遇到一兩間，都算係咁啦)，
不過今次竟然俾我一次過遇到兩間，仲要兩間都係酒店嘅餐廳，豈有此理！
|
