寰宇風情

分類索引

Gundam大晒冷

我地揀咗一個Classic Eggs Benedict，唔駛多講，睇相都見得到嘅美味！

另外仲叫咗

Basque Chorizo and Sweet Pepper Frittata，

蛋餅軟滑，蛋味香濃，

加上甜椒醬汁，配合得天衣無縫。

個蛋餅仲可配一款包點，

本來想試鬆餅，不過好似太飽，

於是揀咗牛角包。

牛角包非常鬆脆，

加上濃厚嘅cream同埋橙皮果醬，

好吃！

見到隔離枱食pancake，好靚仔喎！

又叫份期間限定嘅綠茶pancake啦！

賣相唔錯，只係pancake熱辣辣，熱溶咗上面d cream啫！

pancake鬆軟得嚟又帶少少煙韌，

綠茶味啱啱好，唔太苦澀，加埋黑糖漿，正！

最特別係d綠色豆豆，煙韌粉糯，不過食完好飽！

尋日過新年，大部分百貨公司都唔開門，所以今日就好多人出動買福袋。

我地掛住食早餐，遲咗少少去睇Bao Bao。

去到個counter，已經冇晒人，因為已經冇乜貨，得返最普通嘅款式，

仲要係最普通嘅顏色：黑、白、象牙白。似乎冇返到新貨喎！咁就算啦！

之前買咗兩罐竹鶴嘅期間限定highball，

本來想原罐帶返香港留念，

不過個喼真係冇位，

唯有飲咗佢，

淨係帶兩個吉罐返嚟啦！

今朝食到咁飽，都唔駛食晏。

最後買埋d手信，早少少食晚餐，然後就出機場。

情熱ホルモン

咁就近近地去食燒肉啦！

次次都唔記得邊d嘢好味，

都係估估下，今次叫啱晒！

豬鼻、牛脷、喉嚨、牛心、

雞橫隔膜、漬牛肋肉等，正！

食飽飽，返酒店攞行李，然後搭機場巴士去羽田空港。

新春佳節，羽田空港特別安排咗一d表演。

仲複製咗日本橋，重現江戶時代嘅情景。

過咗關，即刻入去Duty Free買酒，

可惜已經遲咗一步，

大部分有年份嘅威士忌已經「蘇勾」！

好彩仲掃到一支余市20年，

咁就買多兩支清酒啦！