寰宇風情
分類索引
Gundam大晒冷
伊豆 & 長野
Day 10 池袋 → 海濱幕張Outlet → 池袋
之前買JR East pass嘅時候數錯日子,
我以為喺長野松本得四日,咁買五日pass,返到東京仲有一日可以用。
點知原來數漏咗頭尾其實係五日,應該買四日flexible pass先啱!
搞到蝕咗張pass,今日仲要俾錢搭車添!真失策!
之前都係住新宿,今次係第一次住池袋,所以唔係咁熟路。
今日想去outlet,記得迪士尼附近好似有,不過唔確定,
又唔知點去,於是落酒店大堂問啦!
個姐姐好努力咁幫我地搵資料,不過佢話好遠,咁就諗吓先啦!
我地又想去今半食sukiyaki或者去三田屋食牛扒,
唔知池袋有冇,於是又去問姐姐,
個姐姐開始唔耐煩(始終係言語不通,好難解釋得好清楚俾我地知),
求其喺電腦篤幾下就話冇,然後就介紹我地去附近一間都係食sukiyaki地方。
不過我地離開酒店,
行幾步就俾我見到三田屋嘅招牌。
(已結業)
最後我地都係唔理個姐姐嘅勸予,出發去迪士尼附近嘅海濱幕張Outlet 。
今年係東京迪士尼廿五週年,喺新木場站有特別嘅唐老鴨印,
其他站就有米奇同美妮印。
搭車會途經迪士尼,
唔入去都影張相啦!
呢間酒店係一個月前先開,
好似好豪華喎!
Mitsui Outlet
個Outlet以前叫Garden Walk Outlet,
而家改咗名。
不過唔理佢叫咩名,
最緊要有小弟最愛嘅品牌。
仲有crepe (已結業)添!
今次一定要食咗先,
如果唔係一陣又唔記得。
行到月亮都出嚟!搭車返東京。
呢個Outlet正過輕井澤好多,除咗遠d之外,其他都冇得彈。
我地嘅收穫非常豐富,因為d嘢真係平,
我地喺Adidas買咗四對鞋,大約15000yen,即係二百幾蚊一對,
仲要係香港冇嘅款,正!
Asics Tiger嘅運動衫褲當然唔少得啦!老婆亦掃咗好多嘢!
正當我地喺火車睇緊d戰利品嘅時候,咦!點解個袋有個牌嘅?
噢!老婆買咗條牛仔褲,擺低咗改褲腳唔記得攞添!
個Outlet已經關門,返轉頭都冇得攞架喎!
但又冇理由唔攞,唯有我聽朝一早去攞啦!
返到池袋,去土風炉居酒屋食晚飯。
(已轉型)
食完蛋糕早d瞓,
聽朝一早要去Outlet攞褲。
Back
Day 9
Day 11