今次住君怡酒店，仲有馬場靚景。

二龍喉公園

因兩條龍頭水喉而命名

有吊車搭，都係3蚊一程

大大鑊兒童遊樂場

最厲害係個沙池有鏟泥機

公園內仲有動物，

呢隻係黑葉猴，國家一級保護動物，

不過佢郁黎郁去，影唔到個樣，

淨係影到隻BB猴。

隔離仲有隻好憂鬱嘅馬騮。

本來公園有隻熊，

係澳門回歸時，中國送的。

不過佢好懶，成日喺屋入面，

唔走出黎，所以同佢緣慳一面。

聖母雪地殿(左)

東望洋燈塔(右)

國父紀念館

盧廉若公園

新開張嘅文化會館

樓上就係「金庸圖書館」

竹林盡是金庸著作嘅書名

只要申請左金庸圖書館嘅圖書証，

就可以閱讀金庸嘅著作，

原來金庸嘅著作已翻譯成多國文字，

真犀利！

冠男軒茶樓

魚皮角

用魚肉搓成皮，再包鯪魚肉，正！

半肥瘦叉燒

好似係一半肥叉，一半瘦叉，

不過配合得好好。

肥叉好甘香，一d都唔覺得油膩；

瘦叉一d都唔韌，但又有咬口。

加上美味蜜汁，仲有例湯送，

都係三十幾蚊，抵！

豬腦豬雜麵

d豬腦食落有d似豆腐，不過黏d，

相信唔係個個都頂得順，

夠膽就去試下啦！

西灣安記(第一分店)

以奇怪食品名見稱

(其他分店見唔到)

風雨鴛鴦同露(左)

天上一舊雲，地下兩頭騰(右)

除左怪名特別外，食品質素都唔錯。

菠蘿油(上)

沙爹駱駝峰包

禮記─自家製雪糕

花生雪糕

半磅重的朱古力雪糕磚

紅豆雪條

六記紅豆餅

剛炸起，熱辣辣，好正！

陶陶居

雞煲翅個湯底唔錯，

但d翅好滑，似粉絲，

缺少魚翅應有的咬口，食落冇口感。

我俾「李康記」d翅有5粒星，

呢度我俾3粒星，

其中2粒星係俾個湯底，

1粒星係d翅嘅份量。

可以不試。

紅鶴餐廳

位於五星級凱悅酒店嘅紅鶴餐廳，

價錢唔算貴，可以一試。

特色食品─葡國白豆

餅乾Mousse

朱古力Mousse

Cafe Mocha (前)

Cafe Latte (後)

六記粥麵

三個字講晒：正正正！

仲有網址

http://go.to/lokkei

可以去睇睇

第一個正：竹升雲吞麵

冇鹼水味，雲吞d麵更加冇得頂。

可算係「最強雲吞麵」。

d麵由師傅用碌竹戥出黎，麵質彈牙。

雲吞皮都係咁戥，但又可以整到又薄又滑，淨係食師傅嘅功夫都值回票價。

第二個正：米通鯪魚球

米通鬆脆，鯪魚球爽口彈牙，

加上惹味蜆芥醬，

而且廿幾蚊有十大粒，去邊度搵。

第三個正：7:00pm-4:00am，冇錯，係半夜三更先有得食，啱晒我呢d貓頭鷹。

菠蘿包配鵝肝牛油

已抵港嘅「黃枝記」，小弟梗係要去總店試試。

燒鵝粥

粥底煲得好綿，又有米香，

配合燒鵝，幾特別。

雲吞麵

梗係唔夠六記咁正啦！

洪馨專賣椰汁同椰子雪糕。

淨係睇個名咁古惑，梗係要去試下啦！

椰子雪糕好香椰子味，

唔係太甜。

最後，小弟都係要去「李康記」食雞煲鮑翅。

簡直冇得彈，下次可以食好d，食雞煲勾翅。

百家昌涼茶飲品，好多靈茶妙藥，

好似能醫百病咁，唔試都要睇下。

曼球果膏

食落冇乜味，要加糖水。

據說清熱去濕，都幾過癮！

食飽飯，又未夠鐘上船，梗係周圍逛。

點知俾小弟 喺d巷仔發現呢間潘威記，

賣芝士蛋糕，$3.5一舊仔，

咁抵梗係要試啦！

芝士蛋糕根香芝士味，

又唔係好“漏”，正！

小弟去到碼頭都仲要搵野食，喺碼頭旁邊，賽車看台下面有間意大利餐廳。

小弟就入去食埋甜品先走。

意大利雪糕

巴夫配朱古力醬