16浦 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
今次特別d,唔跟時間嘅順序做遊記,而係一個美食排行榜,將今次去過嘅食肆排高低,由尾數返上頭。
(當然只係依小弟嘅口味同各食肆今次嘅表現作排名)
祥記麪家
新馬路福隆新街68號地下 |
 |
 |
 |
首先出場嘅係「祥記麪家」,無錯!係好多旅遊書都話正,米芝蓮嘅精選食肆之一。
我地一行四人其實食飽早餐、食飽晏,不過口痕想試下佢個蝦籽撈。
間舖唔太大,三四十個位,我地四個人坐咗一張圓枱。
由於第一次去,所以睇menu都睇咗一陣,期間d阿姐都問咗我地幾次食乜,有d黑面兼趕客feel。
我地都飽飽地,於是只係叫咗一碟蝦籽撈同埋金沙炸鯪魚球。阿姐見我地四個人只係叫兩樣嘢,更黑面。
先嚟碟蝦籽撈,份量少得可憐,就算小弟已經食飽,都有信心可以再食佢兩三碟。不過唔緊要,志在試下味啫!
呢個時候發現枱上冇筷子,叫d阿姐亦冇乜反應,最後係要隔離枱嘅食客攞俾我地,服務態度差到不得了。
算!試下味先。蝦籽嘅份量都多,炒得香。麪有蛋香,冇鹼水味,不過漉得太腍,冇咬口。
跟住嚟埋碟金沙炸鯪魚球,金沙即係米通,用米通嚟炸,好鬆脆,鯪魚球都好彈牙,好味!
雖然個鯪魚球挽回不少分數,但係一間麪店d麪唔得(除咗黑面)就冇嘢好講啦!
加上又唔係獨市生意,六記(雖然今次冇去,不過之前幾次都好好味)好過佢好多啦!
論服務同味道,祥記都係包尾!
|
煥記海鮮飯店
新馬路福隆新巷1-3號 |
 |
 |
 |
 |
 |
旅遊書有介紹,朋友食過都話得,咁就試下啦!
同朋友約好六點半喺門口等,我地早咗到,入去搵住位先,冇晒細枱,要上樓上坐張大枱,
心諗咁好,四個人都俾張大枱我地咁舒服,點知原來要搭枱,扣分!
本來想叫推介嘅奄仔蟹,不過見人地食緊嘅奄仔蟹冇乜羔,都係放棄啦!
想食翅,不過坐咗好耐都唔見有人叫,亦都放棄,都係叫普通嘢啦!
喺澳門我地必叫豉油王蒸豆腐,因為第一次嚟澳門玩,喺李康記食過,超滑,好好味,所以喺其他飯店都會一試。
而且越簡單嘅菜式,越考廚師嘅功力。呢度嘅完全唔掂!
賣相唔掂:蔥花都唔灑幾粒上面,而且少咗d蔥香,味道亦失色不少。
不過唔緊要,因為佢嘅味道都真係唔掂,多幾粒蔥花亦無補於事。
最怕返大陸食豆腐,唔知係d水嘅問題定係凝固劑嘅問題,大陸d豆腐總有陣燶味。
而呢度d豆腐就係咁,雖然唔係好嚴重,但都食得出燶燶地。
豆腐嘅質地更加唔掂,老婆竟然用筷子夾舊豆腐俾我,可能係老婆功力深厚!
紅燒乳鴿,就係紅燒乳鴿啦!冇乜特別,熱辣辣,皮脆,肉唔係好嚡,一般香港嘅大牌檔或飯店都食到。
我地見推介嘅涼瓜煎蛋冇乜特別,於是叫個花甲肉煎蛋,花甲肉都好肥美,同煎蛋都好夾,
不過份量少咗d,得中間位置有花甲肉,邊位只係普通煎蛋。
煥記每期都有幾款特價菜式,今期係蒸水蛋MOP 5,魚湯浸時蔬MOP 8同埋花菰扒生菜MOP 12,每枱限選一款。
我地揀咗魚湯浸時蔬,魚湯味濃,菜心鮮甜爽脆,八蚊有咁大碟,抵食!
最後係豉油王煎中蝦,海中蝦新鮮爽口,煎得夠乾身,味道唔錯!
四個人食,每人50蚊,其實都好抵,不過感覺上冇乜特別,可能下次食海鮮會出色d。
由於今次嘅對手實在太強,所以煥記都只係排尾二。
梓記牛什
新馬路營地街市綜合大樓3樓 |
 |
 |
 |
本來想去街邊檔楊六記,不過時間唔啱,又唔順路,所以上去營地街市嘅熟食中心,都好,有冷氣,可以坐得舒服d。
聽講老闆娘有「剪神」嘅稱號,咁勁!梗係要試下佢剪嘅牛什啦!牛什嘅款式好多,好入味。
除咗一般嘅牛肚、牛肺、牛腸、牛膀等,仲有特別d嘅牛天梯,牛心頂。
牛天梯好似軟骨咁,好爽口;牛心頂有d似擦膠,好煙韌,要成舊放入口慢慢「趙」,不過都幾過癮!
索價MOP 30,唔平!所以排第十。
行下街,消化下,一陣再繼續倒數。澳門威尼斯人咁出名,我地未去過點得呢!橫掂搭穿梭巴士又唔駛錢,就去逛下啦! |
 |
 |
 |
 |
 |
 |
 |
 |
 |
 |
 |
 |
 |
 |
 |
勁大!不過冇咩好逛,都係d金舖、連鎖服裝店等,又冇嘢好食。
有d後悔去咗,早知搵多幾間好嘢食,或者喺酒店游下水好過!
繼續倒數
甜香園
新馬路福隆新街32號 |
 |
 |
 |
第二晚食完煥記,唔係好掂,要食個糖水先上船。
本來諗住跟旅遊書推介去杏香園,不過去到門口發現冇乜人氣,個menu又唔多吸引,都係算啦!
好在行過少少有間糖水舖甜香園,就試呢間啦!
我同老婆叫咗馬蹄沙同腰果糊,馬蹄沙唔太甜,好多馬蹄,唔錯!
腰果糊亦好出色,好滑,同石磨坊有得比,只係唔夠香濃。
友人叫咗南瓜龍眼椰汁馬蹄沙同埋蛋白馬蹄沙,都係一致讚好!
Boa
Mesa
新馬路板樟堂巷16A號舖 |
 |
 |
 |
朋友推介嘅葡國餐廳Boa
Mesa,喺門口睇d相都幾吸引,加上入面都有幾枱客,就試下啦!
先嚟一渣Sangria,紅酒味唔重,同行唔飲酒嘅友人都話ok!
入面嘅生果係連皮嘅橙同檸檬,感覺上唔新鮮,我寧願佢用罐頭什果。
一行四人又係食飽早餐,雖然老闆極力推介各款美食,
不過實在食唔落,又想留肚食其他嘢,所以只係叫咗葡式炒蜆同埋烤野豬肋骨。
葡式炒蜆好大碟,蜆肉好肥美,冇沙,用咗大量蒜蓉同檸檬去炒,好惹味!
豬肋骨燒得夠香,但仍然保留住肉汁,所以唔會乾柴柴。野豬肉有咬口,好味!
呢度嘅食物唔錯,不過環境麻麻,唔夠冷氣,仲有蚊滋飛嚟飛去。
老闆都算nice,見我地冇乜食嘢都唔算黑面,只係有d失望。
埋單MOP 300,每人75,頗貴,所以排第八。
間葡國餐廳就喺呢個聖母噴水池旁邊,行上一小段斜路就係玫瑰堂。 |
 |
 |
 |
 |
 |
 |
住16浦包埋自助早餐,都幾好! |
 |
 |
 |
 |
 |
 |
 |
 |
 |
 |
 |
 |
食物嘅款式唔多,都係一般嘅腸仔、煙肉、中式點心、cereal等,都有人煎蛋煎庵列,
不過就冇「波蛋」,我問佢有冇poached
egg,佢以為我要班戟。
最正係有香檳,雖然唔係咩貴價香檳,不過香檳早餐,感覺上即刻高貴晒!
幾款芝士都唔錯,原來yogurt好滑,好好味!仲有macaron添!淨係飲香檳,食芝士、yogurt同macaron,已經好滿足!
呢度嘅食物質素真係麻麻,應該係包尾幾位,不過有香檳、芝士、macaron等,
而且yogurt好好味,即刻加晒分,都可以排第七。
coffee shop出面就係泳池。 |
 |
 |
 |
 |
 |
 |
 |
 |
 |
泳池對出就係河(其實唔知河定海,當住河先啦),河嘅對面已經係大陸,不過條河都污染得幾勁。
三元粥品專家
新馬路白眼塘橫街44號地舖 |
 |
 |
 |
第六位係三元粥品專家,呢度嘅肉丸粥好正架!
不過今次晏咗去,肉丸賣晒,唯有叫碗腰膶粥+蛋(MOP
22)啦!
粥底好綿,冇味精,豬膶爽口,不過豬腰麻麻,加隻蛋令碗粥更香更滑。
頤德行
(已結業)
新馬路新埗頭街19號D地下 |
 |
 |
 |
 |
 |
 |
第五位係頤德行嘅豆腐花,呢度碗豆腐花超滑,熱嘅滑d,凍嘅冇咁滑。
才MOP 6一碗,抵食!不過喺d橫街窄巷,冇地圖都幾難搵。
最香餅家
新馬路夜呣街12號B地下A座 |
 |
 |
 |
 |
 |
 |
 |
 |
 |
去開d橫街窄巷,順便買埋手信,朋友拜託要去最香餅家買膽固醇杏仁餅,即係蛋黃肉心杏仁餅,
佢話上次好多人排隊,買唔到,於是我地第一日朝早就走去買啦!
見冇人排隊,仲以為賣晒添,原來係未出爐,要每日下午三時先出爐,咁要睇下邊日嘅三點喺附近先可以嚟買。
第一日嘅三點去咗威尼斯人,所以要第二日先得,
我地兩點九左右去到,已經有幾個人排隊,等到三點就放人入去買,
其實都有好多盒,唔係太多人排隊嘅話,都應該買到。
我地順便買幾盒普通杏仁餅做手信,嘩!乜價錢差成倍架!
普通杏仁餅MOP 19,蛋黃肉心要成MOP 45,有冇咁勁呀,買盒自己試下先!
嘩!真係好食到唔停得口,一盒有十個,一開我地兩公婆已經食咗六個,如果唔係趕住出去食飯,一定俾我地清晒!
個杏仁餅好鬆化,蛋黃有少少鹹香,最勁係個肉心,其實係一層薄薄嘅肥豬肉,不過d豬油香到不得了,超好味!
嗰幾間鉅乜、咀乜乜真係行埋一邊。
|
 |
 |
 |
 |
次次嚟澳門都去大三巴,
都唔知隔離有間哪吒廟同古城牆。 |
 |
 |
 |
 |
 |
原來下面仲有一條戀愛巷。 |
 |
 |
 |
 |
第三位
Don
Alfonso
新口岸葡京路2-4號新葡京酒店3樓
咁華麗嘅大堂,應該都唔會陌生,無錯!就係新葡京。 |
 |
 |
 |
 |
 |
 |
今次試一間意大利餐廳Don
Alfonso,雖然唔係港澳版米芝蓮嘅星級餐廳,
不過喺南意大利榮獲米芝蓮星級餐廳最高評價,來頭不小啊! |
 |
 |
 |
 |

嚟得高級餐廳,無謂就住啦!
既然唔開酒,點都開支San
Pellegrino啦!
(事後埋單發現支水才MOP 30,
雖然係細支,不過都超抵啦!) |
 |
 |
 |
先嚟餐前小食,淨係賣相已經好吸引,
原來車厘茄入面仲釀咗吞拿魚,
圍邊嘅紅黃椒鮮甜,同紅酒醋好夾,
好味! |
跟住侍應奉上牛油,
橄欖油同埋意大利黑醋。
牛油加咗芝士,好香滑。
不過橄欖油同黑醋更出色,
橄欖油芳香濃郁,黑醋更是極品,
用上陳年古法釀製嘅黑醋,
馥郁醇厚,點麪包一流! |
 |
 |
 |
 |
 |
麪包籃好豐富,全部都熱辣辣,軟嘅包好鬆軟,硬嘅包好脆口。
最好味係印有招牌1890嘅薯仔包,好香薯仔味,點橄欖油同黑醋真係無得彈。
另外,有粒車厘茄嘅香草包都好好味!雖然叫咗個full
course,理應留肚,不過d麪包實在太美味,每款試晒都清咗大半籃。
|
 |
頭盤:地中海章魚沙律配豆蓉及海蜆雲吞
Mediterranean octopus salad on a fine
puree of cannellini beans and cold ravioli of sea clams
其實一向對章魚嘅興趣都不大,因為大部分都處理得唔好,好似「趙」車呔咁。
不過見好多食評都推介呢個頭盤,就放膽一試啦!章魚處理得好,唔韌。
粒海蜆雲吞唔係有雲吞皮包住嘅,而係用透明嘅啫喱包住,粒海蜆好鮮甜。不過整體上冇乜特別。
|
 |
 |
 |
頭盤:軟心蛋配時菜、麪包粒、芥末及黑松露
Warm egg on a
rainbow of fresh vegetables, croutons, mustard seeds and black truffle
老婆揀咗軟心蛋配黑松露。賣相非常吸引,隻軟心蛋好靚仔,黑松露份量都算多
。 |
不過黑松露唔係黑色架咩?(右圖為之前喺松本食嘅黑松露鵝肝蒸蛋)
唔理喇!食過咪知囉!果然聞起嚟唔香,食落更加冇黑松露獨有嘅香味,唔掂! |
 |
反而隻軟心蛋及其他配菜都好出色,軟心蛋唔係好流心,不過蛋味好濃郁。其他配菜好爽脆。呢個頭盤唔合格!
|
 |
湯:意大利豌豆湯伴帶子及特色香料
Cream of chickling vetch with scallops
and spicies
冇得揀佢嘅招牌番茄湯,於是揀咗豌豆湯伴帶子。
豌豆湯豆味好濃,隻帶子非常出色,輕輕煎香,半生熟啱啱好,味道鮮甜,一流!
不過成碗湯好杰身,飲完都好飽。
|
 |
湯:意大利椰菜湯伴水牛芝士及銀魚柳
Borage soup with fresh burrata cheese and
anchovies from Cetara |
老婆唔鍾意豆湯,menu得兩款豆湯同一款菜湯,所以只能揀椰菜湯。
不過唔知點解椰菜湯咁「綠」嘅!淨飲啖湯試下,菜味濃郁,不過始終有陣蔬菜嘅「葉青」味 /「寡」味。
加埋水牛芝士同銀魚柳就啱啱好,芝士同銀魚柳嘅鹹味剛好辟咗陣「寡」味。
兩個前菜同兩碗湯都唔係好啱我地嘅口味,個心都寒咗一寒,唔係咁唔掂掛!
|
 |
Middle course:天使幼麪伴地中海蝦
Angel hair with
citrus zests and sautéed Mediterranean shrimps
聞起嚟好清香,天使麪有咬口,完全係al
dente。咁幼嘅天使麪,煮嘅時間都控制得咁好,果然係星級大廚。
天使麪好香橄欖油嘅味道,亦滲出淡淡嘅橙皮清香,平衡返d油膩感。地中海蝦鮮甜爽口,無得彈!
|
 |
Middle course:意式雲吞釀黑豚肉配開心果露
Home-made ravioli stuffed with black pork ragout in "Genovese" style and
coulis of pistachio from "Bronte"
雲吞皮薄,黑豚肉肉味香濃,配合埋特別嘅開心果醬汁,好味!
|
 |
Main course:牛仔柳釀水牛芝士伴豬面頰配香草、意大利西蘭花及紅酒汁
Veal loin stuffed with buffalo mozzarella, pork cheeks and sage, served
with "broccoletti" and red wine reduction
牛仔柳有咬口,有d牛羶味。
入面嘅豬面頰好嫩滑,加埋水牛芝士同紅酒汁,全部嘅味道都好濃郁,不過又配合得恰到好處。
配菜嘅西蘭花清甜爽口,可以中和返主菜嘅濃味;炸得香脆煙肉片,也好味!
|
 |
 |
 |
Main course:牛仔膝配特色意大利飯
Ossobuco in gremolada with
marrow and saffron risotto
牛仔膝炆得腍滑。
意大利飯亦非常出色,粒粒肥美飽滿,煙韌有咬口,用上藏紅花,令意大利飯有獨特嘅甘香味道。
最正梗係一節牛骨,用小匙羹舀出牛骨髓,骨髓油脂豐腴,牛羶味濃郁,
一入口即刻溶化,油香隨即滲滿整個口腔,絕對係極品!
|
 |
 |
 |
甜品:熱朱古力蛋糕配香蕉雪葩及橘子果醬
Hot chocolate
cake with banana sorbet and tangerine marmalade coulis
熱朱古力蛋糕味道香濃,不過略嫌個流心唔夠澎湃。香蕉雪葩好特別,感覺清新。
|
 |
甜品:意大利芝士蛋糕
Tiramisú
造型一流,上面插住嘅係兩隻匙羹形狀嘅餅乾,好特別。
味道亦係一流,d
cream好滑,好香濃,酒味亦啱啱好,係一流嘅Tiramisú。 |
 |
 |
 |
 |
 |
 |
 |
 |
 |
仲有自助嘅petit
fours,樣樣都好吸引,最後揀到一碟都係,真係唔好意思!個人覺得d朱古力、鳥結糖同無花果最正。
|
 |
 |
最後嘆埋杯咖啡,唔錯唔錯!
埋單MOP 1089,每人約500就
食到米芝蓮嘅星級美食,實在好抵! |
網上有menu,仲可以網上訂位,非常方便!
不過有dress
code,都係smart
casual啦!男士記得要著有領嘅衫。
|

夜晚嘅舊葡京都幾靚 |
 |

附近仲有pizza
hut嘅細佬 |
第二位:南屏雅敘
新馬路十月初五街85-85A號地下
下午四點幾嚟到,樓下冇晒卡位,大家都喺度嘆茶,等位都冇用,阿姐好好人,叫我地上樓上睇下有冇啦!
果然仲有卡位,咁就可以hea得舒服d。 |
 |
 |
 |
叉燒蛋治烘底,冇想像中咁厚身,不過都好味喎!係我地掛住影相,等到凍咗,記得要襯熱食。
|
 |
 |
 |
見蛋球淨返幾個,即刻叫一個先,蛋球脆脆地,有蛋香。
不過太實心,似一大舊麪包,冇咗鬆化嘅口感,麻麻地。
齋啡唔錯!香濃唔酸,唔加糖都ok!
|
 |
 |
 |
其實未夠鐘食晚飯,諗住喺度hea到夠鐘,所以食完頭round,坐下嘆下再叫第二round,今次叫蛋治同地捫咖啡。
蛋治超級厚,基本上係日式嘅玉子燒,有蛋味,口感軟滑,正!
地捫咖啡即係加咗奶嘅咖啡,冇乜特別,都係齋啡好d。埋單才MOP 42.5,平靚正!
|
 |
 |
 |
呢類懷舊嘅冰室,喺香港都冇幾多間,要影幾張復古feel嘅相襯返!
16浦有亞洲唯一嘅MJ
Gallery |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
精品廊d嘢都唔算貴,有d好靚嘅charms都係二三百蚊左右,合理價錢。
跟中旅買package仲有50蚊coupon,或現場職員都會派20蚊coupon。 |
第一位:8
新口岸葡京路2-4號新葡京酒店2樓 |
 |
 |
 |
餐廳位於新葡京嘅二樓,一出電梯就見到接待處,不過仍未見到餐廳嘅格局。
原來接待處嘅旁邊係鏡面自動門,門一打開,就見到神秘嘅流水金魚通道。
盡頭嘅自動門再打開,就見到典雅高貴嘅餐廳。
|
 |
 |
 |
 |
 |
 |
 |
 |
 |
一踏入餐廳,最矚目嘅一定係中央嘅大玻璃球水晶吊燈,玻璃球高貴得嚟又唔會太俗氣,
而且同水中嘅倒影形成8字圖案,貫徹餐廳嘅主題。
牆上嘅絲絨金魚刺繡,生動靈巧,令優雅嘅餐廳增添幾分生氣。
|
 |
 |
 |
 |
唔好俾呢個咁瑰麗嘅環境嚇親,其實價錢一d唔算貴,
普通開壺茶,普洱、鐵觀音等,茶錢才每位MOP 10,仲有火暖住壺茶,
咁嘅價錢,美心、翠園等都唔得啦!
叫好少少嘅太湖碧螺春、黃山毛峰等,MOP 38*;
西湖龍井、凍頂烏龍都係MOP 48*。
當然仲有d最頂級嘅武夷山大紅袍、珍藏48年普洱茶餅係時價。
*menu冇寫明係每位計定係每壺計,記得自己問清楚。
(文中價錢係2011年嘅,而家貴為米芝蓮三星嘅餐廳,
價錢當然上調咗......好多啦!不過小弟都覺得仍然係合理嘅水平!) |
點菜嘅時候,經理殷勤有禮地推介菜式。
(其實從來都唔鍾意d侍應推介菜式,因為一定係hard
sell自己嘅貴價菜,而且又唔熟悉時令嘅食材,所以成日都冇好介紹。)
喺呢度當然冇咁嘅情況啦!我地想叫蒸蟹拑,每隻MOP 88(兩隻起),相信其他餐廳嘅侍應一定照落單。
不過呢度嘅經理諗一諗,就話唔建議我地叫蟹拑,佢話d蟹唔合時,d蟹拑好細隻,唔似d相咁有成隻碟咁大。
當我地叫乳豬焗飯嘅時候,經理亦建議我地叫半隻就夠。
最後叫甜品嘅時候,經理亦能觀察我地飽嘅程度,作出合適嘅推介。
喺香港好少見咁有質素嘅經理:與廚師有良好嘅溝通,對食材嘅高度了解,亦明白顧客嘅心態,
更能親切、有禮、用心地推介,服務梗係滿分啦!
|
先嚟餐前小食,豬肉粒酸酸甜甜,好醒胃,
米盞鬆脆,係一道恰到好處嘅餐前小食。 |
 |
 |
法國鵝肝金錢雞
Barbecued Pork
with French Goose Liver
懷舊嘅燒味菜式,不過以鵝肝代替雞肝,食起嚟更豐腴美味。
鵝肝豐腴軟糯,肥肉甘香爽脆,叉燒蜜味香濃有咬口,三者配合得天衣無縫,
如此極品竟然只係MOP 28一件,物超所值! |
|
 |
 |
 |
椒鹽龍脷仔
Deep-fried Macau Sole with Spicy Salt
龍脷仔炸得鬆脆香口,一d都唔油膩,可見師傅嘅星級功力。椒鹽味道啱啱好,少少香辣,送酒一流!
伴碟亦絕不馬虎,車厘茄有兔仔造型,十分精緻。而且份量不少,都只係MOP 68,抵食!
|
肉鬆欖菜炒法邊豆
Wok-fried French
Bean with Minced Pork and Preserved Vegetable
一般都係炒四季豆,不過四季豆有條硬邊,處理得唔好就嚡口有渣。
呢度用法邊豆代替,法邊豆清甜爽口,炒得有鑊氣,
欖菜帶d獨特嘅鹹香,帶起成碟菜嘅味道,好味!
早前同朋友去超市買法邊豆,要十幾蚊一包。
呢度份量十足,起碼有兩包,才MOP 68,超抵! |
 |
|
 |
黃金帶子釀鵝肝醬
Steamed Minced
Scallop Filled with Goose Liver Pate and Coated with Shredded Ham, Sea
Moss on the Bed of Carrot Sauce
食唔到蟹拑,於是諗過另一款海鮮菜式。見呢款幾特別,份量又唔太多,就試下啦!
橙色嘅係甘筍汁,六粒丸子上面鋪上雲腿絲同海苔絲,色彩鮮艷,賣相一流。
丸子係用帶子同蝦肉剁成,十分彈牙。入面釀有鵝肝醬,味道濃郁,亦能帶出丸子嘅鮮味。
墊底嘅甘筍汁鮮甜清爽,減輕鵝肝醬嘅油膩,好味!
(MOP 128)
其實都飽咗七成,不過主角一登場,食指又即刻大動! |
 |
 |
 |
 |
 |
 |
原隻乳豬焗飯
(半隻)
Suckling Pig
Stuffed with Fried Rice and Preserved Meat
出發前搜集呢度嘅資料,已經覺得呢隻豬仔好吸引。
起初擔心兩個人食唔到一隻豬,後來知道可以叫半隻,正!一定要試!
侍應將乳豬端出嚟嘅時候,見佢細細隻,燒到「立立令」,一定皮脆肉嫩。
侍應問我地要上庄定下庄,老婆話要下庄,因為上庄個豬頭冇乜肉食,又啱喎!
(稍後時間見侍應拎咗份上庄去第二枱,原來唔一定有得揀,睇你好唔好彩。)
侍應切去豬手同豬腳,再從豬身中間一開二。
然後小心翼翼咁切咗四圈出嚟,分成兩碟。兩圈剛好拼成8字,真係好嘢!
淨返嘅飯都仲有一大碗,切埋嘅乳豬足足有一碟例牌咁多!
果然皮脆肉嫩,皮肉之間嘅脂肪薄薄地,好甘香。
入面釀嘅糯米飯炒得乾身,亦充滿油香,無得彈!
食晒兩圈,已經好飽,老婆食多一件乳豬已經投降。
其實小弟應該食得晒嘅,不過無謂去到咁盡啦!
所以只係爬埋碗飯,食多兩件豬就收工!好滿足!
(半隻MOP
240)
|
經理見我地已經投降,就好醒目咁幫我地包起碟乳豬。
(最後,我地買罐啤酒,返酒店食埋盒乳豬當宵夜。酒店冇微波爐,凍晒點食?
老婆好醒咁用風筒吹返熱d乳豬,皮當然唔脆啦,不過暖返d肉都好好味喎!) |
 |
 |
題外話:我地發現澳門嘅超市都幾平,特別係酒類,差唔多平30%-50%。
後來睇返張收據,又發現d奇怪嘢:
喺超市買雪凍嘅飲品,要收「冷凍付加費」兩毫子。 |
經理執好枱,沖埋茶,再攞甜品menu俾我地。
佢見我地飽到上心口,亦唔心急幫我地落單,等我地坐下,唞下,嘆啖茶先,慢慢揀甜品,真係非常體貼!
最後我揀咗脆鬆餅,老婆揀咗椰汁雪蛤。經理話兩款甜品都好「漏」,提議我地叫柚子凍,酸酸地比較消滯。
不過小弟係甜魔,梗係唔會放過呢個朱古力脆鬆餅啦!老婆就轉咗要柚子凍。
|
 |
"8" 脆鬆餅配君度橙酒
Golden Crunchy Cake "8"
Served with Orange Segment and Cointreau Sauce
朱古力好香濃,中間嘅mousse好滑。鬆餅脆脆地,同朱古力好夾。嗰幾舊橙好鮮甜,中和返d朱古力。
唯一可以彈嘅就係個君度橙酒醬唔夠酒味。
|
 |
清香柚子涷
Chilled Pomelo with Lemon and Cointreau
柚子凍酸酸地,果然消滯又醒胃。 |
|
臨尾,侍應再奉上一杯「招牌奶茶」,叫我地唔駛加糖。
聞起嚟幾香,飲一啖試下,口感幾滑,似港式嘅絲襪奶茶。
不過超甜,雖然小弟係甜魔,食完個朱古力甜品,都仲覺得好甜。
因為呢杯係「茶走」,係落煉奶嘅!好彩細細杯,啱啱好。 |
 |
貴為米芝蓮二星嘅餐廳,我覺得環境滿分,服務滿分,食物滿分。
咁完美嘅晚餐,埋單才MOP
700!!!
呢個第一位真係實至名歸,亦暫時係小弟心目中嘅第一位中菜。 |