|
本來農曆新年係約咗兩個小侄女去曼谷，點知今年班紅衫軍又封鎖曼谷。
香港保安局對曼谷仲發出黑色旅遊警示，本來已經book好晒機票同酒店，而家唔去得，
好彩俾少少手續費都可以退到機票同酒店。
兩個小侄女一家去唔到曼谷，就轉咗跟團去韓國，我地對韓國冇乜興趣，唯有留港度歲啦！
後尾同朋友食飯，佢地話年卅晚去澳門比較平，咁就去中旅社問下啦！
果然年卅晚真係平d喎！而且只係得返年卅晚有房。
本來去曼谷係book咗住大倉酒店嘅，而家住唔到曼谷大倉，就住澳門大倉啦！
一晚房間+雙人來回船票要$2715，中旅社個職員話其實係平日嘅價錢，都未係過年價，
佢話年初一之後要過萬蚊，不過都已經冇晒房！
跟住諗諗下，去澳門除咗食之外，都係食架喎！不如去睇水舞間啦！
|
