|
 |
每次去機場都要食碗魚蛋粉，不過今次渣咗好多。
魚蛋硬實實，又冇咗XO醬，唔知係咪換咗個廚房呢？
|
|
去到登機入閘嘅時候，
空姐竟然撕咗我地張boarding
pass。
原來佢upgrade咗我地去Business
Class，
呢個仲係全新商務客艙，超開心！
|
 |
 |
|
 |
 |
 |
 |
座位可以調校成平臥睡床，
可惜只係飛個幾鐘，
都唔夠時間「玩」晒個位d設施。
先嚟杯welcome
drink，
梗係揀香檳啦！ |
 |
|
 |
 |
 |
|
 |
 |
 |
|
 |
 |
仲有午餐添，經濟位得小食咋！
果然係商務客艙，連舊牛油都靚仔d，
可惜個麪包超唔掂！
我同老婆都揀咗烤羊肩，
好腍滑，好入味，正！
再呷一啖紅酒，一流嘅享受！
朱古力mousse都好出色，
不過短短個幾鐘機程，
影得相嚟都冇乜時間慢慢嘆，
未嘆完杯咖啡空姐已經嚟收嘢。
|
|
 |
 |
|
飛多一陣，見到新竹機場，即係好快就到。 |
|
 |
 |
 |
|
 |
 |
到咗台北桃園國際機場喇！
雖然仲維修緊，不過d設施都好齊全，
而且都幾型啊！
我地坐商務客艙，可以先落機，
所以過關時冇乜人，好快搞掂。 |
|
一落機有幾間兌換店，不過唔好心急，頭幾間兌得少d，攞埋行李出去先「唱」都未遲。 |
|
「唱」完錢梗係去買張上網卡，
雖然我地去四日，
不過都要買5日pass，
NT$500無限上網，實在好抵。 |
 |
 |
|
搞掂晒就去搭巴士，一個鐘左右就去到台北車站。 |
|
 |
 |
 |
|
我地今次住大師會館，呢度其實係酒店式公寓，有爐頭、洗衣機等，都算乾淨企理。
不過上樓就有d奇怪，入到大堂有管理員，跟住要搭車立上平台，平台有信箱(因為真係住宅)，然後再轉車立先上到房。
|
|
 |
 |
 |
|
 |
 |
呢度勝在方便，喺京站
Q
Square上面，
隔離就係台北車站。
唯一美中不足嘅就係要喺京站行出街，
先入到大堂，而最衰就係冇瓦遮頭。
雖然幾步路，不過落大雨都有d唔方便。 |
|
|
|
整頓好就出發，目的地係永康街。
喺捷運買張悠遊卡(台灣八達通)，然後搭去東門站，出口5就係永康街。
一上到地面就見到台北101。
高記 |
 |
 |
 |
一轉入永康街就見到高記，
個friend推介，一定要食生煎包，
就去試下啦！
menu係咪有d誇？
「有生命嘅生煎包」，
咬佢一啖唔知會唔會嗌呢？ |
 |
 |
 |
|
其實個包係以老麪自然發酵，所以份外煙韌。個底煎得香脆，味道都唔錯，
不過煙韌嘅包唔係我杯茶，我都係鍾意個包鬆軟d。10隻生煎包NT$180，仲要加一，唔平。
跟住去食牛肉麪，不過去到啱啱落場，要行一陣先。咁就啱喇！可以行去街尾買完嘢先返嚟！ |
|
 |
行到永康街街尾，有間小店叫Bistro
Le Pont。
呢度有d好邪惡嘅嘢，
就係呢樽黃金鵝油香蔥(NT$230)同埋黃金鵝油香蔥酥(NT$220)。 |
 |
 |
 |
|
樽鵝油真係邪惡到爆，
我地煮咗個蝦籽麪，
畢咗兩匙鵝油落去撈，
成碟麪即刻「立立令」，
香氣四溢，正正正！ |
 |
 |
|
其實台北好多地方都有得賣，通常大百貨公司嘅超市都有。香港嘅City
Super都有，不過要八九十蚊一樽。
買完鵝油，差唔多夠鐘去食牛肉麪，於是慢慢行返去街頭。途中經過呢間東海萊姆園，都有d人氣，就去睇下啦！
原來係賣萊姆(lime)飲品，有原味萊姆汁、萊姆鳳梨汁、萊姆百香果汁、萊姆醋等。
我地要咗杯萊姆鳳梨汁，第一啖入口超酸，不過嗒落就甜甜地，因為開始飲到d鳳梨味，仲有鳳梨肉添！
幾醒胃！喺台北食到飽飽滯滯，飲返杯就啱晒！(小杯NT$50，大杯NT$60) |
 |
 |
 |
|
永康牛肉麪 |
 |
 |
 |
|
我地叫咗一碗紅燒牛肉麪，一碗紅燒半筋半肉麪。
果然同佢講嘅一樣─「重口味」，碗湯好濃郁，辣辣地，正！
牛肉其實係用牛展部分，炆得腍滑入味；牛筋腍得嚟仍然有咬口，好Q彈呀！
(大家唔好誤會，我唔係講粗口，Q係台式講法，係煙韌彈牙嘅意思。) |
 |
|
永康街仲有間度小月，不過喺飛機食完個羊肩，嚟到又食咗生煎包同牛肉麪，都飽飽地，
今晚仲約咗朋友食飯，所以都係放棄度小月。時間尚早，都係返酒店休息下先。
酒店隔離係台北轉運站，嗰度都有d賣手信、賣嘢食嘅舖頭，其中一間就係順成蛋糕。
呢度個核桃派(NT$70)好出名，另外見佢嘅芝士蛋糕(NT$93)都幾靚仔，就買埋啦！ |
 |
 |
 |
|
核桃派好好味(掛住食都唔記得影相，要借用網上圖片)，d核桃脆卜卜，入面有大量提子乾，濕潤d，平衡個口感。
不過成個派「實的的」，都幾飽肚。芝士蛋糕都唔差，芝士味濃郁，但唔會好heavy。
不過兩樣嘢都頗貴，平返一至兩成會合理d。
今晚約咗個friend去「周杰倫餐廳」食飯，地點係華山1914文化創意產業園地。
附近有間Animate，見時間尚早，就上去兜下啦！俾老婆發現兩本有趣嘅漫畫。 |
|
 |
 |
 |
|
呢本兔仔漫畫嘅作者係咪有d熟呢？安倍夜郎，冇錯！就係深夜食堂個作者。
呢本兔仔漫畫係安倍夜郎出道前嘅作品，當年用嚟參加新人賽，不過冇人賞識而落敗，直到而家成名後先得以面世。
|
|
 |
 |
 |
|
呢本《北極熊cafe》都幾得意，有d似深夜食堂，不過係動物cafe版。
華山1914文化創意產業園地
呢度以前係釀酒廠，後尾改建成呢個文化創意園地。入面有展覽館、戲院、食肆、精品店等，絕對可以喺度消磨一日。 |
 |
 |
 |
|
 |
 |
 |
 |
 |
 |
|
其實撞啱有個叫
「香港•味道」嘅展覽，
仲諗住睇下有咩香港名廚
嚟大顯身手添，
點知聽日先開始。 |
 |
 |
 |
 |
 |
 |
 |
 |
 |
 |
 |
 |
 |
d創意擺設都幾得，價錢仲得！ |
 |
 |
 |
|
個friend今日去咗十分，
不過返嚟班火車delay，
唔知趕唔趕得切呢？ |
 |
 |
|
 |
 |
Deja Vu (已結業)
呢間餐廳係周杰倫、劉謙
同埋佢地一位朋友一齊開嘅，
主打自然係音樂同魔術表演啦！ |
|
 |
 |
 |
|
 |
 |
 |
 |
 |
 |
|
環境唔錯，樓底超高，都幾舒服。而且仲展出咗好多「姐倫」拍完戲嘅道具，連蝙蝠車都有架！
|
 |
 |
 |
 |
 |
 |
 |
食物ok啦！不過咁大個酒吧，只係得幾款普通嘅cocktail，
紅白酒要成支開，冇得一杯杯叫，有d失望。
搞到我要飲朱古力沙冰，仲要整咗成半粒鐘先嚟，
老婆嗰杯乳酪沙冰仲delay咗成個鐘 ！ |
 |
 |
 |
|
終於有人表演喇！
首先係自彈自唱嘅Peter
Chu，
把聲唔錯喎！聲底厚，有磁性。
之後有魔術師趙鈞毅逐枱去表演，
竟然俾佢喺我手上變走咗隻牌，可惡！ |
 |
 |
|
 |
總括嚟講，呢度都係一個唔錯嘅地方，
不過唔係嚟食飯，係嚟坐下，食d小食，吹下水，睇下表演咁囉！ |
|
食完晚飯，就各自返酒店。不過諗諗下得四日行程，其實唔係好多時間，要買嘢就要把握時間，所以再出發去饒河街夜市。 |
 |
 |
嚟饒河街夜市只為兩樣嘢：
合和堂
(已結業)嘅鳳黃酥。
不過個鳳黃酥好似有d退步，
個蛋黃冇以前咁漏油。 |
 |
 |
 |
 |
 |
 |
|
第二樣就係胡椒餅，
不過落雨濕濕，
買咗就即刻打的返酒店，
返到酒店可能焗腍咗，冇咁好食。
其實台北車站附近都有分店，
方便好多。 |
|
 |
|
4/4/2013 (四)
|
 |
 |
今日約埋個friend去貓空，
所以一早就喺台北車站會合。 |
|
不過台北車站嘅食肆未開，
所以都係食老麥早餐，
仲喺隔離買咗兩個生煎包同米漿。 |
 |
 |
|
搭捷運去到動物園站，原來呢兩日係台灣嘅清明節假期，所以好多人去拜山，順便郊遊。
由捷運動物園站行去纜車站都有一段距離，雖然多人，不過好快就排到上車。 |
 |
 |
 |
 |
 |
 |
 |
 |
 |
|
我地只係搭普通嘅貓空纜車(單程去到尾站才NT$50，超抵！)，
呢款「貓空之眼」水晶車廂雖然車費一樣，不過就要網上預約乘搭時間或者乘搭前抽取號碼牌，
然後依照號碼牌上指定嘅時間去搭。
|
 |
 |
 |
 |
 |
 |
|
睇住d纜車喺山上轉晒彎咁，都幾遠架喎！原來全程差唔多要半個鐘。
|
 |
 |
 |
 |
 |
 |
 |
 |
終於到咗貓空喇！
呢幾日係咁落雨，雖然唔方便，
不過洗下d空氣都好。
喺山上，d空氣真係清新d。 |
 |
 |
 |
|
|
 |
沿途都好多茶室、食肆，
每間都有自己嘅特色菜，好似呢間咁，都有樣嘢幾特別：羊奶頭雞湯。
究竟係「羊奶頭•雞湯」，定係「羊奶•頭雞湯」呢？ |
|
喺香港就成日見「紅掌」，
原來有「白掌」架！
雖然冇「紅掌」咁艷麗，
不過「白掌」清淡簡潔，
都幾優雅。 |
 |
 |
 |
 |
其中一間茶室，環境都幾舒適。 |
|
 |
除咗茶室，都有間cafe架！
就喺山邊，景觀一流！
天恩宮 |
 |
|
離開天恩宮行遠少少，就有一個茶研發推廣中心。 |
 |
 |
 |
 |
 |
 |
 |
 |
茶葉分類
1)
不發酵茶
2)
半發酵茶
3)
後發酵茶
4)
全發酵茶 |
 |
 |
不發酵茶
綠茶類，黃茶類
如：龍井，碧螺春 |
 |
 |
半發酵茶
清茶類，白茶類
如：台灣鐵觀音，文山包種茶 |
 |
 |
後發酵茶
黑茶類
如：普洱 |
 |
 |
全發酵茶
紅茶類
如：阿薩姆紅茶 |
 |
 |
 |
|
學完d理論嘢，梗係要實戰一下啦！呢度都可以品茶，其實係附近嘅茶農帶埋佢地種嘅茶葉喺度做推廣同售賣。
呢兩隻杯好得意，高身嗰隻係聞香杯，矮嘅係品茗杯。
首先將茶斟落聞香杯，然後用品茗杯蓋住佢，再將成套杯倒轉。
等茶香充滿喺聞香杯內，就可以攞起隻聞香杯嚟聞。由於聞香杯杯口較窄，令茶香能更集中。
然後就可以品嚐品茗杯入面嘅茶。
我地試咗包種茶同鐵觀音。包種茶聞起嚟好清香，不過飲落較為淡口。
鐵觀音就香濃好多，而且feel到有回甘，飲完之後嗒好耐個口都仲有茶香，咁就買罐鐵觀音(NT$450)返去啦！ |
|
 |
 |
 |
|
再繼續行就會行到去下一個纜車站，所以都係行返轉頭。
加上之前經過一間得獎食肆─大茶壺，都幾吸引，就返去食晏啦！ |
 |
一樓冇位，
侍應叫我地上二樓，仲好啦！
個景仲靚，仲睇到101添，
不過天氣唔好，矇矇地。 |
 |
 |
 |
 |
|
呢度開茶係要自己沖嘅，都幾好玩。
|
 |
 |
 |
 |
 |
 |
 |
問侍應有咩得獎菜式，佢支吾以對，不過都介紹咗幾味餸俾我地。
隻雞係走地雞，雞皮爽脆，肉質結實，好有咬口。
茶葉炒飯有淡淡茶香，都唔錯。 |
|
最搞笑係我地食完先發現一樓有條banner，
原來一樓先係得獎嘅大茶壺，二樓係大茶壺茶棧，同一樓係無關嘅 ！
難怪一樓坐滿晒，二樓冇乜人啦！ |
 |
 |
 |
食完就搭返纜車落山，
再轉捷運返出去。
好彩全程都冇乜落雨，
係落到嚟先開始落。 |
|
|
|
Piece of
Cake (已結業)
我地搭到去中山站，因為有friend介紹呢間卷蛋，
我見旅遊書都有介紹，報稱係台北最好味嘅卷蛋，咁勁？
梗係要試下啦！
間舖都幾隔涉，喺後巷嘅後巷，好彩都有指示牌。 |
 |
 |
 |
 |
 |
 |
 |
 |
 |
 |
|
由於晏去到，好多款式已經賣晒，只係得返水果卷同朱古力卷，都好啦！
呢度有cake
set，一件卷蛋
+ 一杯飲品才NT$180，都幾抵。
味道都唔錯，不過又未好食都咁誇張，都係一件有蛋香嘅卷蛋囉！ |
|
|
|
 |
食完tea，就各自逛街，之後再約喺寧夏夜市等，今晚掃街。
不過附近冇乜特別嘢逛，所以最後都喺新光三越撞返。
不過個friend要血拼，我同老婆就食住雪糕等佢地啦！
呢間Cold
Stone
d雪糕都幾好味，
我地試咗日月潭紅玉茶雪糕，唔太甜，茶味甘香，推介！ |
|
寧夏夜市 |
 |
 |
 |
|
里長伯嘅臭豆腐真係超級臭，老遠已經聞到。不過食落就完全唔臭，即叫即炸，熱辣辣，脆卜卜，好味。
蚵仔麪線都唔錯，蚵仔肥美飽滿，麪線帶d煙韌，唔會一pet糊咁。
|
|
食完臭豆腐見對面馬路有檔賣菠蘿嘅，
台灣d菠蘿都好出名，就買一盒啦！
果然甜到漏！
不過老闆話唔係日日開檔，
要睇下大家有冇「食運」喇！ |
 |
 |
|
 |
豆花莊
呢度最出名係花生豆花。
食拖羅同和牛會入口溶化我就試得多，
呢度d花生竟然都係入口溶化嘅，真係第一次試到！正！ |
|
其實沿途都食咗好多嘢，不過落緊大雨，一隻手擔住遮，另一隻手拎住d嘢食，都冇手影相。
寧夏夜市真係唔錯，d嘢食款式多，最緊要嘅係啱口味。
掃完街就撇甩個friend，因為我地仲有下場......
鼎王麻辣鍋
呢間麻辣鍋喺台北都幾出名，無時無刻都有人麻辣緊，食飯時間一定爆滿，想食記得預早book位。
我地今朝先book位，要十點後先有位，都冇所謂，就十點啦！我地十點去到，門口都仍然企滿人，勁！ |
 |
 |
除咗麻辣鍋，仲可以揀酸菜鍋，
我地當然揀鴛鴦鍋啦！
可以試晒兩款湯底。
呢度係按人頭收費嘅，
每人約NT$100，鴛鴦鍋再加NT$150，
我地兩公婆最低消費已經NT$350。
淨係個湯底已經成百蚊，
雖然好似好貴，不過其實佢好足料。
麻辣鍋入面有大量鴨血同豆腐，
酸菜鍋亦滿晒酸菜。
等個鍋水滾，
侍應又即刻過嚟加水同加料，
其實淨係食個湯底都好飽。 |
 |
 |
|
台灣嘅麻辣唔同四川麻辣，唔會食到成個口痺晒。
呢度個麻辣鍋好香，我地揀咗小辣，啱啱好，辣得嚟又食到火鍋料嘅鮮味！
酸菜鍋酸酸地，中和返d辣味，而且有大量菜，可以慳返唔駛另叫蔬菜。
|
 |
 |
 |
|
由於之前掃街已經飽咗一半，
所以都係象徵式叫d嘢試下：御選小羔羊肉，綜合鮮餃，同埋竹香蟹黃膏。
羊肉唔太羶，淥一淥就食得，好味。
綜合鮮餃都唔錯，最正係蛋餃，蛋皮又香又滑，推介！
竹香蟹黃膏就麻麻，冇乜蟹膏，淥完一舊實咁，又冇乜味，唔掂。 |
 |
|
整體上呢度係值得推介嘅！如果我下次唔係去日本，而係再嚟台北，相信呢個麻辣鍋係其中一個重要嘅因素。
5/4/2013 (五)
今日我地留返喺台北車站附近逛，第一件事梗係搵食啦！
尋日見到台北車站二樓有好多食肆，就上去巡視下。
去唔到日本，所以更加掛住d日本菜，俾我地發現呢間食炭燒炭牛脷嘅，梗係唔會放過佢啦！
TAN
(已結業)
原來呢間係乾杯其中一間食肆，主打炭燒牛脷，風格近似炭燒牛脷嘅發源地─日本仙台。
雖然呢度唔係用日本牛脷，而係用澳洲牛脷，不過味道都唔差架！ |
 |
 |
 |
 |
 |
TAN原創牛脷可樂餅
脆卜卜，仲有流心芝士，
啱晒重口味嘅我。 |
 |
TAN炭燒牛脷套餐
menu明明有個超值牛脷套餐，
雖然一日限定十份，但係我地喺開門冇幾耐就入去，
睇晒成間舖都唔夠十個人，不過侍應都話冇。
唯有叫個貴d嘅套餐。 |
|
TAN特製和風寄世鍋套餐
燒牛脷就食得多，燉嘅牛脷就比較少食。
呢度d牛脷燉足四個鐘，腍滑鬆化，又另有一番風味。 |
 |
 |
 |
 |
 |
 |
 |
|
套餐跟沙律、茶碗蒸、漬物同埋五穀飯。侍應仲會俾壺湯你，等你自己整泡飯。唔錯！
既然喺台北車站，就去視察下喺邊度搭巴士去機場。
原來就喺新光三越對面，沿地下街一路行過去，搵返K12出口就得喇！都好方便！
又既然去到新光三越，隔離個商場─五鐵秋葉原就有高達旗艦店，冇理由唔去朝聖架！
Gundam Base Taipei |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
|
點解變成咁架？睇人地d
blog，明明好靚架！
門口有幾個人咁高嘅高達，入面仲分晒區：有情景模型陳列區、商品販售區、成品展示區、電玩體驗區等，
點解而家乜都冇架！幾乎細過百貨公司嘅玩具部。之前有晒玻璃飾櫃展示d製成品，而家好似亂咁擺咁，失望！
都係去返京站逛。今個旅程其中一個任務就係幫朋友買洗頭水，要阿原嘅苦瓜洗頭水。
通常喺誠品都有阿原，香港嘅誠品都有，不過應該貴d。京站都有分店，咁梗係方便好多啦！ |
|
 |
 |
 |
 |
 |
 |
|
本來好快買完走得，不過呢樣又試下，嗰樣又聞下，都搞咗一輪。
加上京站可以買嘢換coupon，買NT$2000化妝品就有NT$200 coupon，
咁又要搵埋個friend一齊買，卒之買夠NT$4000換NT$400
coupon。
買咗咁多嘢，售貨員都好識做，送咗樽漱口水俾我地。
|
|
換咗NT$400 coupon，就攞去食雪糕啦！
Cold
Stone有promotion，NT$270就有兩杯雪糕同一杯凍紅茶，好抵。 |
 |
|
 |
另外，Edwin都有promotion，d牛仔褲半價。
雖然唔係日本製，有d係中國製，有d係台灣製，
不過三四百蚊一條，理得佢邊度製吖！我買咗一條，老婆買咗兩條。
買服飾都有得換coupon，不過就NT$4000先換NT$200 coupon。
買下呢樣，買下嗰樣，夾單又夠換coupon。
有coupon又要繼續買嘢，真係無底深潭！ |
|
我都有收穫，買咗兩頂賊仔帽。 |
 |
 |
|
|
|
 |
老婆提議今晚去欣葉，都好喎！試下古早台灣菜，
點知原來呢間欣葉係食buffet。 |
|
 |
 |
 |
|
 |
 |
 |
|
飲品任飲，連酒類都係任飲。雖然唔係好貨色，不過可以任飲，仲想點！
|
|
 |
 |
 |
|
 |
 |
 |
|
食物種類都好多，刺身都唔錯！燒牛肉都有，仲可以欣賞埋師傅嘅刀功，連燒牛肉都可以薄切，勁！
不過真係要讚一樣嘢，就係燒牛肉竟然有得配岩鹽，少少岩鹽更加能夠帶出牛肉味，讚！
咁多樣嘢食，最正嘅居然係燒雞翼，真係皮脆肉嫩，同自己BBQ嘅一樣。
|
|
 |
 |
 |
|
 |
 |
 |
|
生果同甜品都有好多款式，有朱古力噴泉，有甜品師傅即燒creme
brulee，
不過最正嘅又係估佢唔到，就係四四方方嗰舊蛋糕，
其實係普通焗蛋糕，不過好鬆軟，入面仲有d
cream，飽咗十二成都要食多兩三個，絕對好食過嗰間卷蛋！
總結：抵食！才二百蚊左右有咁多嘢食，仲有酒水任飲，去邊度搵！
香港d爛鬼三星酒店buffet都要三四百啦！仲要冇啖好食！
|
|
任務二：
要買煨麪，所以打的去家樂福。
不過冇得賣，買d勁嘢啦！
當歸雞絲麪，補補佢！ |
 |
 |
|
6/4/2013 (六)
今日要返香港喇！最後衝刺，整多餐麻辣啦！今次試間吃到飽嘅！
上網搵下，發現呢間嘅口碑唔錯，喺西門町有分店，都好方便。
馬辣頂級麻辣鴛鴦鍋 |
|
 |
 |
 |
|
 |
 |
 |
|
呢度有個膠原蛋白鍋，真係有四粒報稱係海洋原生膠質精華。
味道好特別，鹹鹹地，好似用海水打邊爐咁，唔怪之得佢推介用嚟淥海鮮啦！
|
|
 |
 |
 |
|
海鮮要自己出去夾，質素都唔錯，d蟹隻隻都爆膏。
|
|
 |
 |
 |
|
肉類就要落order，不過一盤都有好多，唔孤寒。
|
|
 |
 |
 |
|
飲品都係自助形式，
汽水、果汁、綠茶、
奶茶、咖啡等一應俱全，
你鍾意嘅，自己沖花茶都仲得。 |
 |
 |
|
 |
 |
 |
|
 |
 |
甜品係呢度嘅賣點，
因為有Häagen
Dazs
同Movenpick雪糕任你畢，
其實唔食火鍋，
淨係食十杯八杯雪糕都回本。 |
|
其實呢間價錢比較貴，人地NT$4xx已經吃到飽，佢要NT$5xx，不過佢用料真係唔錯，物有所值嘅！
計返港幣每人都係貴三四十蚊，出得嚟玩，對自己好d啦！
|
|
食得咁飽，要郁動一下。
隔離街誠品樓上
有個大聯盟棒球打擊場。
其實好耐之前去日本已經想試下，
不過日本嘅棒球打擊場好偏遠，唔方便，
所以一直都冇試過，
今次終於可以大展身手喇！ |
 |
 |
|
|
 |
 |
|
成個場其實好似筋肉擂台咁，有棒球投球投中九格嘅遊戲，有射籃球射中九個籃等，
一邊室外嘅就係棒球打擊場，佢按球速分咗幾格：140km、120km、100km、80km，最慢係時速80公里嘅投球。
吓！都有車速咁快喎！唔理啦！試下先啦！
頭幾球真係打空氣，波皮都「high」唔到，後尾好少少，「high」到個波喇，
不過都未能成功擊中一球靚嘅！非常挫敗！
|
|
|
 |
 |
|
|
正想離開嘅時候，發現原來有幾格寫住「慢球速」，俾多次機會自己啦！
第一球真係嚇親，個波......竟然係拋物線咁飛過嚟，仲要過晒龍，壞球！
之後定返d就好好多喇！球球都打到「punk
punk聲」，爽到爆！
NT$30有二十球，抵到爛，強烈推介！ |
|
跟住就去完成埋最後一個任務：偷運「冰」返香港。
|
|
其實一到埗，我地已經打電話去鼎王
order咗一個麻辣鍋拎返香港。
佢地已經做到慣晒，
佢地會將個鍋底雪到變冰，
仲要係完全結冰，連個心到雪到實晒，
所以要預早四五日落order。
咁last
day先去攞，
攞完就hand
carry上機，
咁就冇問題喇！
|
四人份量，都好重架！
偷偷喺機場磅過，足足6kg。 |
 |
|
|
 |
 |
|
|
攞完就行去搭捷運，經過呢間台北犁記，好多人買嘢喎！
我地梗係唔執輸啦！買咗個鳳黃酥試下。
佢有膠袋獨立包裝，可以保存得耐少少。
鳳黃酥係橢圓形，唔同平時見到四四方方嘅一舊。
鳳黃酥入面都係原隻蛋黃，不過個蛋黃好大個，好靚仔。
其實冇乜鳳梨餡，不過就啱晒重口味嘅我。 |
|
返酒店攞埋行李就搭巴士去機場。
桃園機場有Hello
Kitty精品店。 |
 |
 |
 |
 |
|
 |
 |
 |
 |
 |
 |
|
 |
 |
 |
|
去到候機室，色彩繽紛，好特別喎！
原來桃園機場希望令旅客對台灣留下深刻嘅印象，所以喺每個候機室都整咗一d特別嘅裝置，以展現出台灣嘅風情。
我地呢個候機室嘅主題就係「花漾視界候機室」。d花係用膠樽砌成，入面仲有LED燈。
唔好睇小呢d膠樽呀！佢地大有來頭架：d膠樽係回收返嚟再加工過，好實淨架！
喺2010台北國際花卉博覽會入面，有一座環保展館─「環生方舟」，
就係用咗152萬個呢d膠樽建成，仲贏得七項世界第一添！
|
|
 |
上機喇！冇俾人搣飛，即係冇得upgrade。
經濟位嘅小食得呢個肉醬包咋！好掛住烤羊肩呀！ |
|
後記
舊「冰」點算？由台北搭完飛機，返到香港，再由機場返到屋企，都只係表面溶咗少少。 |
|
 |
 |
 |
|
再補充一下啦！
個鍋底係按人頭計，大約一人NT$150，呢度四人份量要NT$600。
不過除咗鍋底，仲要買返同價值嘅火鍋料，
咁我地就買咗蛋餃，大腸頭同綜合手工丸。 |
 |
|
 |
 |
 |
|
第二日就即刻去個friend度解決咗佢，個鍋底真係堅，攤咗成日幾先溶到。其實四人份量係超多，我地九個人都夠食。 |
|
 |
 |
 |
|
 |
 |
我地呢班牛魔王，
自然要買大量牛肉啦！
喺鵝頸橋街市有檔肉檔唔錯，
有牛頸脊同牛腩邊，
都係98蚊斤，抵食。 |
|
|
|
 |
 |
 |
|
 |
 |
 |
|
 |
喺家樂福買酒都算平，Glenmorangie
Original
(1L)
都係二百蚊左右，仲送酒辦。
不過之前飲過，想試d新嘢。
見呢支Ballantine's有96分，又係二百蚊左右，送酒辦，不過有1.5L，大件夾抵食。
雖然唔係Single
Malt，不過可以同芝華士、Johnnie
Walker等作比較。 |
|
Kavalan
Kavalan係台灣本土生產嘅威士忌，不過唔係周圍都有得買，要喺大百貨公司嘅超市，或者專門賣酒嘅地方，
例如橡木桶，先有得買。不過我費事周圍搵，臨走去到機場先買。 |
|
 |
 |
 |
|
 |
 |
 |
|
 |
 |
 |
|
今次去台北其實冇乜期望，不過越唔志在，就越多意外，反而又感覺良好喎！
不過物價都唔平，同香港差唔多。如果有短假期都可能會考慮再去台灣，不過而家d
yen咁低，都係諗日本啦！ |
