|
 |
每次去機場都會去Traveler's
Lounge食碗魚蛋粉，通常都係去1號閘口嗰個Lounge。
不過上次職員話40號閘口嗰邊有另一個Lounge，仲多d嘢食，今次就去試下啦！
|
|
呢邊有牛肉河粉，同咖哩魚蛋河粉，
咁就兩款都試晒啦！
牛肉河粉嘅味道比較濃，都唔錯！
不過同河粉好似唔係好夾，
牛肉都係應該配麪，
唔緊要，去台灣食。
咖哩魚蛋河粉就普通d，
都係1號閘口嗰邊好食d。
|
 |
 |
|
 |
 |
 |
|
另外有沙津、三文治等，仲有湯同埋木瓜雪耳糖水，上機前潤一潤，都唔錯！
|
|
 |
飲品方面，
汽水、啤酒、咖啡、茶......
呢d都有，竟然仲有自助生啤，
都幾開心！
食飽先上機！ |
 |
|
|
|
都預咗個飛機餐唔掂！好彩有先見之明，食飽咗先上機！ |
 |
|
|
|
 |
去到台北機場，過關、攞行李、唱錢......都好流暢，好快搞掂！
不過買電話卡就超多人，要等好耐。 |
|
搞完一輪，終於可以去搭巴士。
今次住西門町，不過竟然冇巴士直達西門町，要去到台北車站再轉車。
等車期間，好彩有得叉電。 |
 |
|
之後就係「慢」長嘅車程，我地揀錯咗搭大有嘅巴士，架巴士喺桃園兜一大輪都未上高速公路，
幾難得先等到佢上高速，又撞啱放工時間勁塞車，瞓醒幾次都未去到台北。
由香港搭飛機去台北都係個幾鐘，點知由機場去市區要兩個幾鐘 ！
終於天黑先去到台北車站，我地都費事再轉巴士，搭一個站捷運去西門町好過。
|
|
福泰桔子商旅 西門店 |
|
 |
 |
 |
|
 |
 |
 |
|
我地住呢間福泰桔子商旅都幾方便，喺西門站一號出口，行一分鐘就到。
|
|
間房都算細，
不過設計得幾好，地方好見駛。
床下底可以擺喼，
床尾就係雪櫃同埋書枱。 |
 |
 |
 |
 |
床頭係洗手盆，
同廁所、淋浴間係分開嘅，
呢個設計都幾好，
朝早刷牙洗面都唔怕阻住老婆去廁所。 |
|
 |
牙刷、鬚刨等物品就喺大堂問職員攞。
放低行李同埋d「軍火」，
就出去食飯。 |
 |
|
|
|
 |
由於都搞到好夜，所以今晚都係留喺西門町。
睇旅遊書見到呢間牛店好似幾掂，就去試下啦！ |
 |
 |
 |
|
等位期間，揀住嘢食先。 |
 |
 |
 |
 |
 |
 |
 |
 |
 |
 |
 |
|
台灣啤酒
&
蘋果西打
|
熱花干
|
牛肚
|
 |
 |
 |
|
豬耳
&
鹵水豆腐
|
牛肉麪
|
滿漢牛肉麪
|
 |
 |
 |
|
牛肉麪
+
蛋
|
秘製辣油
|
盛惠NT$1555
|
|
牛肉麪唔錯，個湯好濃郁，麪夠彈牙，牛展腍滑入味。
滿漢牛肉麪仲多咗牛筋同牛肚，牛筋腍得嚟仍然保持咬口，
牛肚亦爽口彈牙，好味！
枱面有盎秘製辣油，原來係用牛骨髓製成嘅，所以辣得嚟又帶d特別嘅香味。
加落牛肉麪，即刻變成紅燒牛肉麪，完全係另一種食法。正！ |
 |
|
今次嚟台北，其實冇乜特定行程，只係大家都有一d地方想去：團友K想去松菸區新開嘅誠品；
團友P想去cafe hea下；團友G要食豪大大雞扒、蚵仔煎、胡椒餅；
團友W要搵個地方開工；老婆要去微熱山丘；而我就要去打棒球。
自從上次嚟打過棒球，就上咗癮。今晚留喺西門町，食飽又冇乜地方去，就去做下運動啦！
今日舟車勞頓，大家都攰攰地，起初都冇乜興趣，不過見我打咗一局，大家又躍躍欲試！ |
 |
 |
 |
|
大家越玩越興奮，雖然團友G有d小意外，不過仍然一局接一局，high爆！
跟住佢地發現有「筋肉擂台」嘅九宮格投球，繼續挑機！ |
 |
 |
 |
 |
 |
 |
 |
 |
 |
 |
 |
 |
 |
我上次都冇試過，今次又玩下啦！
佢有九個格，投中就有20分。每次都有一格有閃燈，投中閃燈嗰格再加50分。
可以列印自己嘅成績，仲有最高球速添！ |
|
第一局好多球都投唔中，第二局好d喇！
投中6球，其中有一球投中閃燈格，
仲「付碌」投中打斜三格，Bingo咗！好玩！ |
 |
|
玩完一輪又開始肚餓，去買宵夜。 |
 |
 |
團友K唔舒服，食緊藥，
唔飲得酒，於是陪佢去買珍珠奶茶。
俾我地發現有啜得嘅布甸，
買咗香蕉牛奶味。
淡淡嘅香蕉味，布甸亦好滑，唔錯！ |
|
酒店大堂有塊告示板，上面有職員推介附近嘅美食，我地就去咗繼光香香雞，延續星星熱潮！ |
|
 |
 |
 |
|
香香炸雞好鬆脆，雞肉唔鞋，好味！黑炆炆嘅係義式墨魚甜不辣，賣相實在不堪入目，不過食落又唔同講法喎！
外皮鬆脆，墨魚軟糯得嚟有咬口，微微嘅鹹香，送酒一流！
|
|
呢度d房實在太細，
所以冇twin
bedroom。
不過就有碌架床房，
佢刻意將下格床貼地，
咁上格床就多d空間，唔會頂頭。
各自嘅床尾係書枱同電視，
其實好似capsule
hotel咁！ |
 |
 |
|
19/4/2014 (六)
個package包早餐，餐廳喺地庫，大堂後面有樓梯行落去。 |
 |
 |
 |
|
 |
 |
原來唔係餐廳，係食堂。
地方都好寬敞，而且係24小時開放，
早知尋晚落嚟宵夜啦！
唔駛六個人迫喺間房度，
不過唔緊要，仲有幾晚，嘻嘻！ |
|
 
呢度設備都好齊全，有微波爐、咖啡機、多士爐、雪櫃......
最正係多士、牛奶、咖啡同埋生果係任飲任食！ |
 |
|
|
|
早餐除咗任食嘅多士之外，
仲有火腿、烚蛋、芝士同埋焗蛋糕，
今朝嘅係蘋果肉桂蛋糕，好味！ |
 |
 |
|
|
 |
 |
 |
 |
 |
喺酒店門外見到
一條活潑可愛嘅臘腸周圍走！ |
|
今日去永康街，第一站係呂桑食堂。 |
|
 |
 |
 |
|
 |
 |
 |
|
呢度斟茶係自助形式，d茶係金棗茶，即係金桔茶，酸酸甜甜，醒胃消滯。
|
 |
 |
 |
|
相機食先
|
味噌大腸
大腸幾厚肉，都係食到鹵水味多d，
唔係好食到味噌味。
|
龍鬚菜
有似番薯苗，以涼拌形式處理，
口感清爽。
|
 |
 |
 |
|
味噌燉鯖魚
普通，魚一舊，冇乜特別印象。
|
梅菜過貓
過貓即係蕨菜，
係台灣獨有嘅山間野菜，
食落有少少苦澀味，
不過連埋梅菜一齊食，
就可減輕苦澀味。
|
宜蘭棗餅
其實係甜品，有d煙韌，因為有糯米。
除咗糯米，仲有d一粒粒嘅嘢，
咬落好清香，原來係棗(桔)皮。
|
 |
 |
 |
|
宜蘭粉肝
唔似平日食開爽口嘅豬膶，
反而似潮州舖嘅鹵水鵝肝，
粉嫩軟糯，好味！
|
三星卜肉
上面一條條嘅係炸豬肉，
不過炸粉太厚。
反而下面嘅炸三星蔥，鬆脆香口！
|
滷肉飯
滷肉好肥，基本上係豬油撈飯。
不過就係大量豬油先好味！
|
 |
 |
 |
|
金沙涼瓜
涼瓜少少苦，
不過配埋鹹蛋黃就啱啱好。 |
切仔麪
普通，麪一碗。
|
總括嚟講，價錢相宜，味道又唔錯。
三位團友都食得滿意！
|
|
食飽就行下街當做運動，我地行到去街尾嘅Bistro
Le Pont
(此分店已結業)買鵝油。 |
 |
 |
上次買咗普通裝嘅
黃金鵝油香蔥(NT$290)，
今次見佢多咗款Premium版(NT$350)，
所用嘅材料都靚d，只係貴少少，
又買嚟試下先。 |
 |
 |
 |
|
由街頭(鼎泰豐嗰邊)行到街尾，又由街尾行返街頭，不過行到街中間又要搵嘢食喇！
La Douceur品悅糖
(此分店已結業) |
 |
老婆同團友G排隊買青檸汁，我周圍逛嘅時間就發現呢間cake
shop，
白嘅門面，加上小女孩公仔，幾討人喜歡，就過去八卦下啦！
眼見都好多人買cake，於是諗住買幾件返酒店食，
不過個焦糖蘋果千層酥即叫即製，拎到返酒店焗腍咗又唔好食喎！
都係食埋先走。 |
|
 |
 |
 |
|
 |
 |
 |
|
 |
 |
 |
|
 |
焦糖蘋果千層酥
即叫即製，酥皮熱辣辣，好鬆脆！
焦糖吉士香甜濃郁，底層嘅蘋果粒有淡淡嘅酒香，兩層嘅味道配合得啱啱好！
堂食果然係明智嘅決定。 |
|
Nino莓莓
係星期五、六、日嘅限定商品。士多啤梨超甜，餅底比較實淨，不過都好脆。
最後所有團友一致裁定，呢條嘢嘅外貌都係似蟶子王多d。 |
 |
|
 |
檸檬泡芙塔
每粒puff入面都有檸檬味嘅cream，仲要雪凍咗，好似檸檬雪糕咁，
檸檬味好香，酸度啱啱好。 |
|
克勞蒂
基本上係一舊Brownie，用咗dark
chocolate，所以朱古力味好濃郁。
中間有d
raspberry醬，酸酸地，正好中和返朱古力嘅甜膩。
可惜表面嘅脆米唔脆，令口感更加膩。所有團友亦一致裁定呢件最渣。 |
 |
|
思慕昔
搭捷運嚟永康街，喺東門站落車。東門站鋪天蓋地都係思慕昔嘅廣告，所以一早已經鎖定目標，要食返碗雪花冰。
本店喺永康街15號，不過好多人，見佢喺前少少嘅9號開咗分店，就去分店啦！ |
|
 |
 |
 |
|
呢度嘅雪花冰好綿滑，好味過香港嗰d好多。份量好大，我同老婆兩個人先KO到一碗。
正記美食 南京板鴨 |
|
 |
 |
 |
|
上次嚟都見好多人喺度買鹵味，不過上次得我同老婆，食唔到咁多，所以冇試到。
今次咁多團友，可以買多d唔同種類，今晚返去宵夜。
跟住就分頭行事喇！團友W同團友G先返酒店，團友P同我兩公婆就去下一站。 |
|
搭捷運去到龍山寺站，誤打誤撞嚟到艋舺嘅剝皮寮。
艋舺除咗係一齣電影外，其實係台北市萬華區的舊稱。
而剝皮寮就係呢度嘅一條老街。雖然修葺過，不過仍然保留住當時嘅風貌。 |
 |
|
 |
 |
 |
|
李錦利 |
|
 |
 |
雖然香港嘅Sogo都有得買，
不過台灣起碼平三分一，
亦都順便嚟朝下聖。 |
|
 |
 |
 |
|
平時買開嘅係普通包裝，呢度有樽裝賣，而且係陳年嘅，顏色比較深。店員好友善，主動俾我地試食。
陳年嘅八仙果比較軟身，冇咗普通版嘅硬粒纖維。
味道較濃，嗒兩嗒，喉嚨即刻有一陣冰涼嘅感覺，好潤喉，好舒服！陳年過係唔同d，即刻入貨。
團友P約咗朋友，所以要離團......一晚咁多啦！啱晒！佢唔食辣，咁我地今晚就去食麻辣火鍋。
出發前喺香港已經搵定資料，見郭富城都去太和殿，我地又去威下啦！
不過諗諗下，太和殿唔係任食，係逐碟叫，好似比較貴，
所以都係去返馬辣好d，一嚟係任食，二嚟有Häagen
Dazs同Movenpick雪糕，淨係食雪糕都抵啦！ |
|
 |
 |
 |
|
宵夜 |
|
 |
 |
 |
|
今晚係鹵味夜，開支柚子梅酒就啱晒！呢支柚子梅酒係喺香港機場嘅Duty
Free買嘅！
飲落好清爽，柚子味好香，不過唔會太搶，亦有梅酒嘅酸甜味。不過酒精度都高架！成23%，唔覺唔覺好易醉！
20/4/2014 (日)
團友K話想去松菸區嘅誠品，既然大家冇其他提議，今日就去做個文化人啦！ |
 |
搭捷運去到市政府站，然後都要穿過d橫街窄巷。
雖然冇乜指示，不過跟住人潮嘅方向行都唔錯得去邊。 |
 |
 |
 |
 |
 |
 |
|
流線型嘅建築。
原來呢度唔單止係書店，係誠品生活，即係乜都有。
一入到去，就見到好多設計師嘅品牌，有服裝嘅、生活用品嘅......
行一陣都覺得自己嘅品味提升咗！
3樓先係誠品書店，當然要打下書釘啦！ |
 |
|
之前行到2樓，已經發現呢間Cadeau
(信義店已結業)
d cake 幾吸引，當然唔可以放過佢啦！ |
 |
 |
 |
 |
小巧克力松露蛋糕
呢件係人氣no.1嘅蛋糕，朱古力味濃郁，蛋糕濕潤，唔會好乾身。
入面仲有榛子碎，幾脆口！ |
|
白天使慕斯蛋糕
呢件係人氣no.2嘅蛋糕，牛奶mousse好香濃，
中間仲有一層raspberry啫喱，酸酸地，中和返，唔會太漏！ |
 |
 |
小番薯蒙布朗
本來食兩件都夠，不過店員話叫三件就送一個puff，咁梗係買多一件啦！
起初諗住試埋個人氣no.3，不過又係朱古力，於是就揀咗呢舊番薯。
番薯嘅口感柔滑，味道香濃，唔錯！ |
|
香草泡芙
泡芙嘅表面用咗菠蘿包嘅做法，所以份外鬆脆。
中間嘅雲尼拿cream好軟滑，奶味濃郁，
不過就唔見有雲尼拿籽，亦冇乜雲尼拿味，送嘅就算佢合格啦！ |
 |
|
其實搞完一輪，已經三點幾，不過我地仲未食晏，雖然食咗甜品先！
團友K話春水堂好出名，淨係聽個名都啱晒我地呢班吹水團友啦！ |
 |
 |
 |
 |
 |
 |
|
 |
 |
 |
|
呢度最出名係珍珠奶茶，不過我從來對珍珠都冇乜好感，
由以前嘅仙跡岩、仙踪林，到而家嘅貢茶、Comebuy等，
冇一款珍珠係好味嘅，又話Q彈，我都唔知有乜Q咁彈，次次o趙到牙骹都甩咁滯！
所以我都係要杯鐵觀音奶茶。
雖然對珍珠冇好感，不過我都唔會抗拒去試嘅！起碼都要試下佢有幾難食。
於是啜咗老婆杯珍珠奶茶一啖，d珍珠腍身d，冇以前食過嘅咁硬，佢腍得嚟又煙煙韌韌，
我諗呢d先係真正嘅Q彈，果然係珍珠奶茶嘅始祖！唔錯！
|
 |
 |
 |
 |
 |
 |
 |
 |
 |
|
呢度主要係食點心同麪類。當一班餓鬼突然發現到咗三點幾都未食晏，自然有d失控。
腐皮卷同台式香腸都唔錯！豬血糕就比較辣同埋漏，所以最後都KO唔到。
|
 |
 |
麪食方面就比較遜色，
麪身係彈牙嘅，不過d餸就渣d。
炸醬麪d肉碎唔鹹又唔辣，
完全唔夠惹味！
牛肉麪d牛肉好腍滑，
不過又係唔夠香濃。
真心講句，
我真係覺得味味一品嘅
原汁珍味牛肉麪好味好多！
我地一行六人，
食咗四百幾蚊港紙，貴！
如果淨係嚟食少少嘢，
飲杯奶茶，係可以接受嘅！
不過其實都係自己衰，
話咗嚟吹水之嘛，食咁多嘢做乜！ |
 |
 |
|
食飽又再分道揚鑣，我同老婆去微熱山丘，團友G、P、K就去五分埔shopping，
可憐團友W就要自己返酒店繼續開工(雖然大家都一致覺得佢其實係去酒店附近嘅女僕cafe)。
睇地圖，行過去好似好遠，又唔知搭咩車，咁就搭的士唔駛煩。
一上車，我地話去微熱山丘，司機已經好熟地埗，佢話我地識貨，好多人都去買手信。
幾分鐘車程，大約NT$120，都OK！ |
|
 |
 |
 |
 |
入面好多人，
店員安排我地坐喺窗邊嘅位置。
嚟到嘅顧客，
每人都可以試食一件鳳梨酥，
仲有杯茶添！ |
 |
|
 |
 |
呢度嘅係土鳳梨酥，
即係純用鳳梨做餡料，
可以見到一絲一絲鳳梨嘅纖維。
普通嘅鳳梨酥就會加入冬瓜餡。 |
|
 |
 |
 |
|
呢度除咗有鳳梨酥，仲有鳳梨汁，不過係玻璃樽裝，太重，拎唔到返香港，所以只係買咗一樽今晚返酒店飲。
買完嘢，時間尚早，未夠鐘匯合班團友，咁就搵個地方hea下啦！
微熱山丘喺民生東路五段，印象中民生東路三段好似有個好地方，咁就一路行，一路諗啦！
其實都係一條大直路，不過都幾遠，好彩今日冇乜太陽，唔係好熱，所以行咗廿幾三十分鐘都唔係好攰。
嗰個好地方就係Gabee。 |
 |
 |
 |
 |
 |
 |
 |
 |
 |
 |
 |
店內擺滿各式各樣嘅咖啡杯，
同埋咖啡用具...... |
|
......當然唔少得各類型嘅
獎項同證書啦！
Gabee嘅創辦人林東源
曾獲多個咖啡師大賽嘅獎項，
喺行內出晒名，
好多香港嘅咖啡師都會遠赴台灣，
拜師學藝。 |
 |
 |
 |
 |
 |
|
呢度本menu用咗特別嘅摺紙技巧。
|
 |
 |
 |
|
一場嚟到，梗係要試下佢d得獎咖啡啦！
|
|
 |
啡你莫薯 |
係2004年咖啡大師比賽嘅冠軍之作。
要先食上面嘅焦糖番薯，
然後飲啖咖啡，
最後要攪勻底層嘅番薯蓉再飲。
焦糖番薯香甜鬆軟；
奶泡綿滑細緻，咖啡香濃；
幼滑香甜嘅番薯蓉混和埋咖啡，
可以中和咖啡嘅苦澀，順喉味美！ |
 |
 |
 |
|
Orange Day
係2008年咖啡大師比賽亞軍嘅作品，杯口有糖圈，侍應好細心咁提醒我地要轉住隻杯嚟飲。
從來都覺得好難用橙去配搭其他食材，就算配朱古力都唔係好吸引，估唔到佢同咖啡可以咁夾。
香濃嘅咖啡，配合清甜嘅橙汁同柑橘類果汁，感覺份外清新。
|
|
唔好以為係得獎咖啡就賣天價，每杯只係NT$180，絕對係物超所值！
雖然地點唔就腳，不過鍾意咖啡嘅朋友一定要去試下。 |
 |
|
嘆完咖啡，就搭捷運返西門町，不過行返去中山國中站都有d迂迴。返到酒店，等齊d團友又出發。
團友P之前一日約咗個台灣朋友食飯，呢個台灣朋友介紹佢去食小籠包，當然唔會係鼎泰豐啦！
金品茶樓 |
 |
 |
 |
 |
 |
呢度都幾企理，好有港式酒樓feel。 |
 |
 |
 |
|
小籠包
皮夠薄，湯汁豐盈，熱辣辣，
餡料鮮味，唔錯唔錯！
|
蝦仁炒豆苗
豆苗鮮嫩，可惜份量較少，
難得一班食肉獸想食下菜，
竟然蝦多過菜！
|
西芹海蜇頭
其實係涼拌「爽口」拼「爽口」，
兩樣嘢都非常爽脆，
撈咗些少麻油，幾香！
|
 |
 |
 |
|
醉雞
賣相有d奇怪，
原來係去咗骨嘅雞肉卷。
酒味好濃，雞肉嫩滑肥美，
皮肉之間有層「啫喱」，正！
|
菜肉餃
今次超多菜，多到唔係好食到肉，
不過味道唔錯，好有菜油嘅香味。
|
蝦鬆生菜包
已經分好晒每人一份，感覺上企理d。
蝦鬆同馬蹄都好爽口，
最正係加咗大量「炸碎碎」，
有d似油炸鬼碎，總之好香口！
|
 |
 |
 |
|
灌湯小籠包
呢度d點心都唔錯，就叫多兩款試下啦！
問侍應呢個灌湯小籠包同普通小籠包有咩分別，佢話灌湯小籠包細隻d，
同埋有湯囉！吓？普通小籠包都有湯啦！唔理啦，試下就知咩料。
咪又係小籠包，入面仲冇湯添！侍應跟住就拎碗湯嚟，話可以自己加湯 ！
原來係懷舊灌湯餃(湯喺入面)同新派灌湯餃(湯喺出面)嘅分別。
|
蔬菜餃
叫多個蔬菜餃試下啦！
咦？同頭先嗰籠一樣嘅？
原來頭先佢嚟錯咗，
之前嗰籠已經係蔬菜餃，
唔怪之得冇肉啦！
|
 |
我地好夜先去到，所以走嘅時候人地都差唔多打烊。
呢度d小籠包都幾好味，多一個選擇啦！唔駛成日都係鼎泰豐咁悶。 |
|
食飽飽，慢慢散步去寧夏夜市。 |
|
 |
 |
 |
 |
 |
先由街頭行到街尾，巡視下有咩吸引，
然後去豆花莊食碗花生豆花
同埋芋圓豆花，我同老婆都好欣賞，
不過團友們似乎興趣不大。 |
|
|
|
成個夜市，得呢檔大排長龍，
咁就分頭行事，
我就負責排隊買呢檔，
其實團友就買其他。 |
 |
 |
 |
 |
 |
 |
 |
基本上完全唔駛理佢賣乜，
淨係睇見佢個邪惡嘅「蛋黃山」
已經冇得輸！ |
|
|
|
宵夜點可以冇鹵味呢！ |
 |
 |
|
|
 |
 |
另外台灣嘅三星蔥都好出名，
呢個三星蔥肉捲當然不能錯過啦！ |
|
採購完畢，就慢慢散步去雙連站，搭捷運返酒店。
|
|
今晚就飲Baileys，
同微熱山丘嘅鳳梨汁。
雖然同d食物唔係好夾，
不過冇所謂啦！
最緊要大家飲得開心。 |
 |
 |
 |
 |
你兩包鹵味吖！真係鹹到腎衰竭！ |
|
呢三舊就係要排隊先買到嘅蛋黃芋餅。
表面炸得鬆脆，入面嘅芋蓉香濃粉糯，
餡料除咗蛋黃，仲有些少肉鬆，好味！
只係拎到返酒店凍咗d，
如果即場食一定仲正！ |
 |
 |
 |
 |
團友G未出發已經話要試蚵仔煎，
不過我地全團一致反對。
團友G唔心息，
俾佢喺夜市發現有蚵仔包，
就俾佢買一個試下啦！
相信大家唔駛食落肚，
齋睇相已經估到味道如何！ |
|
三星蔥肉捲同燒魷魚都好正！
如果有啤酒就更加夾！ |
 |
 |
 |
 |
 |
|
微熱山丘嘅鳳梨汁好味！偏甜，加冰或溝soda
water比較合適。雖然甜咗d，不過幾清新，唔係人工甜味。
香港嘅City
Super有時做台灣食品節嘅時候，都有微熱山丘嘅鳳梨酥同鳳梨汁賣，
不過鳳梨酥貴咗一倍有多，鳳梨汁都貴起碼50%，有機會去台灣就要試下。
號外 |
 |
 |
 |
|
上次有friend喺台灣買過呢隻咖啡返嚟做手信，好味喎！
上次佢買咗黑色嘅炭焙咖啡，咖啡味香濃，仲有淡淡嘅炭燒焦香，正！
今次親自去買埋其他款式試下。(其實仲有藍色，唔記得影相，就飲完掉咗。不過唔緊要，唔係幾好味。)
奶茶都麻麻地，最正都係「黑白雙殺」！喺7-11有得賣，不過貴少少。如果去開家樂福，就入貨啦！
21/4/2014 (一)
|
 |
今日要「大長征」，其實唔係好長啫！不過就要搭火車囉！
要長征，梗係要買定d糧餉啦！
呢間cheese
cake成日都排晒長龍，今朝時間尚早，冇乜人，咁就買個啦！ |
 |
 |
 |
|
|
|
最鍾意順成蛋糕嘅核桃派。 |
 |
 |
|
|
 |
 |
 |
 |
 |
 |
|
行行下，見到呢隻樣衰衰嘅魔鬼仔，又八卦下啦！阮的肉干，原來賣肉干嘅！
「阮」喺台語係我/我地嘅意思，而「肉干」可算是台灣嘅代表美食之一。
竟然敢用「我的肉干」嚟做店名，相信店主對自己嘅出品都信心爆棚！
除咗袋裝嘅肉干，仲可以買一串即刻食架喎！
見店員攞咗幾串出嚟，係厚切肉干，仲要即刻燒熱，然後加上味粉，非常吸引，就買一串上車食。
大鄉里第一次搭台灣嘅火車。 |
 |
 |
我地買咗紫菜wasabi味嘅肉干，
少少攻鼻，幾刺激！
厚切嘅肉干比較多汁，
咬落亦多d質感，唔錯唔錯！ |
|
都唔駛半個鐘就去到瑞芳車站。
本來諗住即刻轉車去十分，
不過啱啱走咗班車，
下一班要等一個鐘，
咁就改一改行程，去咗九份先啦！ |
 |
 |
|
|
 |
搭巴士去到九份，人山人海，亦都冇乜吸引嘅舖頭。 |
|
整杯白苦瓜汁先。 |
 |
 |
|
|
 |
嚟九份嘅目的就係飲茶。
呢度好多茶室，不過我諗間間都差唔多，
見呢間冇乜人(齋飲茶啫！冇人氣都冇所謂啦！)，
靜靜地，又有海景，都幾舒服！ |
 |
 |
 |
 |
 |
 |
 |
 |
 |
|
不過坐咗冇幾耐就起霧，
有時矇下矇下都幾好吖！
可以搏下大霧！ |
 |
 |
 |
 |
 |
 |
 |
唔理喇！開壺茶先。
不過掛住影相，
都冇留意團友叫咗咩茶葉。
第一次就請店員示範下先。 |
 |
 |
 |
 |
 |
 |
|
可以用cheese
cake送茶。果然係人氣cheese
cake，質地濕潤鬆軟，而且好輕身。
芝士味唔算好濃郁，所以食落唔會太漏，我相信我可以自己KO一個。
|
 |
 |
 |
|
核桃派d核桃好香脆，味道其實唔錯！
不過蛋糕就比較乾身同結實，一搣開就散晒，要就share就狼狽d。
另外仲係順成買咗個香芋大福，糯米皮好薄，煙煙韌韌。
香芋餡料好足料，好香滑，正！
淨係食自己嘢好似唔係幾好，叫件油多啦！ |
 |
|
嘆完茶，完成埋去九份嘅指定動作：喺呢條紅燈籠樓梯影張相。 |
|
 |
 |
|
|
|
 |
見呢間食丸嘅舖頭好似好勁，老闆娘周遊列國，
又同好多明星影相，就幫襯下啦！ |
 |
 |
 |
 |
 |
 |
 |
 |
 |
|
d丸都唔錯！幾彈牙！
成個九份嘅食肆都有狗狗，d狗狗就去到客人嘅腳邊，
雙眼流露出飢餓、可憐、乞求嘅目光，等人餵食。
可惜佢地比較污漕，難以惹人憐愛！ |
 |
|
買完手信，就搭返巴士去瑞芳車站，再搭火車去十分。 |
 |
 |
 |
 |
 |
 |
|
細小嘅十分車站，冇先進方便嘅配套，乘客只能徒步橫過路軌；
冇出入閘機，只係由車站職員人手收票，繁忙嘅時候甚至冇人收票。
不過就係呢種簡約純樸嘅鄉土風情，吸引到一群又一群繁忙嘅都市人，遠道而來，享受一下悠閒。 |
 |
 |
 |
 |
 |
 |
 |
 |
 |
 |
無聊玩草嘅貓貓
vs
盡責吸引遊客嘅狗狗 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
|
千里迢迢去十分，梗係要放天燈啦！ |
 |
 |
 |
 |
 |
 |
|
跟住又搭火車去瑞芳車站，轉巴士去基隆。 |
 |
 |
 |
|
|
|
天黑就去到基隆，
即刻去廟口夜市搵食。 |
 |
 |
 |
 |
巡視下「業務」先！
呢度都幾多特別嘢！
檔檔都好吸引喎！
手臂咁長嘅八爪魚鬚！ |
|
 |
 |
 |
|
|
|
 |
 |
 |
|
終於俾團友K搵到豪大大雞排！
|
|
 |
 |
 |
|
我同老婆都覺得隔離檔鹽水雞吸引d，仲起埋骨添！
|
|
團友W就鍾情於蔥抓餅。
而我就睇中呢檔豬扒三文治。 |
 |
 |
|
 |
 |
 |
|
 |
 |
 |
|
|
 |
 |
 |
 |
 |
 |
 |
買埋咁多嘢，冇地方食都唔係辦法。
既然呢個夜市主打螃蟹羹，就搵檔坐低食，順便掃埋d自攜食物。
螃蟹羹有d似香港嘅蛇羹，不過佢就用咗蟹肉，都幾鮮甜。
佢嘅油飯其實即係糯米飯，不過濕潤d，都幾好味！ |
|
唔夠喉，再試埋台南嘅名物鐤邊趖。 |
 |
 |
|
鐤邊趖嘅做法好特別，先喺鑊底煮熱少少水，然後將米漿倒喺鑊邊(鐤邊)，
米漿喺鑊邊慢慢(趖)向下流，但又唔可以流落水中，所以倒米漿都好講技巧。
米漿接觸到鑊邊嘅一面遇熱烤熟；另一面就靠水蒸氣蒸熟。
|
 |
 |
 |
|
然後就將鐤邊趖鏟起，攤凍後剪成小塊，連同其實配料再煮成湯粉。
由於鐤邊趖兩面遇熱的程度不一，所以再煮嘅時候就會捲曲。
鐤邊趖質地煙韌Q彈，幾過癮！
鐤邊趖本身冇乜味道，全靠d湯。成碗鐤邊趖都好足料，好味！ |
 |
 |
 |
 |
|
掃完街，有d口渴，就買杯木瓜奶啦！不過唔記得影相。果汁檔有個笑口常開嘅西瓜。 |
|
|
|
 |
飲飽食醉就返歸，搭巴士返台北都好快！夜晚唔塞車，唔駛一個鐘就返到去。 |
|
返到西門町，兜個圈先返酒店，
見老天祿未閂門，買埋宵夜先。
果然係老天祿d鹵味好食，
d鹵水夠香，唔會死鹹，正！ |
 |
 |
|
22/4/2014 (二)
今日last
day，今朝又各自各精彩！我未試過欣葉呢間老字號嘅台菜，就去試下。 |
|
 |
 |
 |
|
 |
 |
本來睇中鹽水土雞，不過尋晚先食過，
所以揀咗蔥油肥雞。
雞肉頗嚡口，亦冇乜雞味，
又貴又唔好食，唔掂！
早知叫鹽水土雞啦！ |
|
|
|
 |
 |
 |
|
蒜香醃蜆仔超級好味！蜆仔隻隻肉厚肥美，鮮味無比。
以蒜頭、酒、醋等醃製，惹味之餘又唔會蓋過蜆仔嘅鮮甜，一碟真係唔夠喉！
|
|
 |
 |
 |
|
煎豬肝係欣葉嘅招牌菜，豬膶粉糯爽口，火候控制得恰到好處。能夠成為招牌菜，當然唔可以只靠火候取勝。
豬膶嘅表面仲包咗一層薄薄嘅醬汁，醬汁甜甜地，帶少少酒香。
一入口，完全係食緊鵝肝嘅味道，我地懷疑大廚係咪用鵝油嚟煎嘅。好好味，十級邪惡！
一塊接一塊，唔駛三兩分鐘就清晒！不得不提伴碟嘅醃蘿蔔，非常爽脆！
味道酸酸地，可以中和返豬膶嘅油膩感。
|
|
 |
最後仲送甜品：擂沙湯丸。
雖然呢餐都算貴，不過環境舒服d，菜式亦比較精緻。想食好d，不妨一試。 |
|
|
|
食完晏，打的去鼎王攞埋個麻辣湯底。
順路經過犁記買埋手信。 |
 |
 |
|
返去酒店放低d嘢，未夠鐘集合，就去家樂福買嘢。家樂福下面就有Cold
Stone雪糕店，俾我發現有特價下午茶套餐，正！ |
|
 |
 |
 |
|
 |
 |
 |
|
食完雪糕，仲有時間，去南美咖啡嘆埋杯咖啡先。 |
|
 |
 |
 |
|
叫了特選南美咖啡同埋冰釀冰咖啡，咖啡香濃，果酸度唔高，係我地嘅心水。
最正係包餅，甜甜地，好鬆脆，送茶送咖啡都一流！不過今次太多嘢拎，下次先買包返香港。
酒店附近冇機場巴士站，不過就有接駁巴士去。都好啦！只係上車落車，唔駛拖住個喼走嚟走去。
點知我地係接駁巴士嘅第一站，架車兜埋其他酒店，成半個鐘都未離開西門町。
終於可以去機場巴士站，原來要去行天宮搭飛狗巴士，去到又等一輪先有車。
幾經辛苦先去到機場，咁又搞咗兩個鐘。
早兩日想網上check
in咗先，不過check
in唔到。我地都心知不妙，諗住早d去機場睇下咩環境，又搭錯慢車。 |
|
|
去到國泰嘅counter
check in，佢夠膽死話冇機位，要我地搭遲一個鐘嘅華航。
我地梗係話唔得啦！職員話銷售部超賣，佢都冇辦法，今晚所有國泰機都full晒！
唔搭華航冇得走添！
我同團友P第二日就要返工，唔走唔得。
團友W同團友G仲大鑊，佢地預咗返到香港，
即刻搭凌晨機再飛首爾，唔可以遲飛添！
職員話計過d時間係趕得切嘅，我地梗係唔信佢啦！
擾攘一輪，職員話點都搵兩個位俾團友W同團友G，等佢地即走，
其他人就賠返NT$200飲食coupon，轉搭下一班華航。
咁都冇辦法，唯有係咁啦！ |
|
雖然人多，不過過關都算順利。攞住張coupon，都冇乜嘢食到，只係夠食碗牛肉麪，都算啦！
點知個個都係攞住張coupon食牛肉麪，要等十幾廿分鐘，我地驚食唔切，就叫佢外賣俾我地。 |
|
|
 |
 |
|
後尾佢都好快出到個麪，咁就坐低食埋先上機。麪質彈牙，牛肉腍滑，其實都唔錯！不過趕頭趕命，食龍肉都冇味啦！
終於上到機，不過都唔好咁開心，架機喺停機坪轆咗成個鐘先起飛！ |
|
|
 |
 |
|
都冇乜印象食咗d乜！
團友W同團友G順利搭到國泰班機，雖然冇得坐埋一齊，不過都順利搭到凌晨機飛首爾。
我地就比原先國泰班機遲咗兩個幾鐘先返到香港！
|
|
|
 |
 |
|
|
好彩都買到平威士忌！
之前買咗紅色同藍色嘅Royal
Salute，爭支綠色一直都冇機會買，
今次喺台灣機場見到，仲要超平添！
不過個絲絨袋就渣咗好多。 |
|
|
 |
 |
|
另外，呢支Bowmore亦都想買好耐，見冇乜其他更吸引，就買呢支試下啦！ |
