|
我見冇乜事，就落車睇下啦！撞成咁，其實都冇咩好睇，叫人報警啦！
另外個司機都唔係好嚴重，自己都落到車，不過都仲攬住個肚。
老婆都冇乜事，於是去執返d貴重物件先。
過咗一陣，救護車嚟到先，我同老婆見冇乜事，唔去醫院喇！
d救護員都好好，盡量用身體語言，指手劃腳咁問我地有冇事，最後仲千叮萬囑我地有唔舒服要go
to hospital。
另外個司機就跟咗車去醫院。
跟住有兩個警察嚟到，不過完全溝通唔到，佢地只係check下我d車牌、護照等，
我話俾佢地知架車係租嘅(rental
car)，要打電話去租車公司，佢地都好好，幫我地打，可惜已經太夜，冇人聽。
租車公司有張form，如果有交通意外一定要填好，先可以claim到保險，我地又唔知地點，梗係叫警察幫我地填啦！
但係佢地又唔係好想填，於是擾攘咗一陣。
跟住消防車都嚟到，消防員倒d沙，檢查下，冇乜特別嘢又走咗。
我地仲叫警察幫我地打電話去酒店，話我地遲d先check-in。
老婆好醒目咁打電話返香港嘅旅遊保險24小時熱線，有人聽喎！
於是講返個情況，不過原來旅遊保險唔包揸車嘅意外，好彩佢都好好人，搵到個翻譯幫我地同警察溝通。
其實我地只係想個警察幫我地填好張form啫，但係講極佢地都唔填，仲話要拖走架車。
唔得喎！租車公司話填好張form先claim到保險，而家拖車走人，咁我地點算？
嗰兩個警察又醒目喎！搵到個識講普通話嘅同事過嚟，咁就好辦事啦！
普通話警察叫嗰兩個警察填個警察局地址同電話落張form度，
佢叫我地請租車公司嘅職員直接同警察聯絡，警察會詳細講個情況俾佢地知。
咁冇辦法啦！唯有係咁啦！
租車公司話如果有交通意外要拖車，我地要自己俾錢拖車。
不過d警察叫咗拖車嚟拖走架車，我見佢地搞掂就算啦！
不過我地而家點算呢？又唔知呢度係咩地方，半夜三更又冇車。
好彩普通話警察好好人，叫我地坐警車去酒店。
由十點幾炒車，搞到一點幾先去到酒店，搞咗成晚，攰到爆！沖個涼瞓覺。
沖涼先發現原來手腕有d痛，可能雙手揸住軚盤撞車，手腕食晒d力，扭親手腕，不過唔係好嚴重，算啦！
原來老婆都整親，佢心口同盆骨位置都瘀咗，應該係俾安全帶「肋」親，不過亦都唔係好嚴重。
22/7/2011 (五)
Day 2
佐賀 → 佐世保 → 長崎
第二日，食完早餐，就去租車公司佐賀嘅分店，交代完件事(其實都冇咩講，只係話car
accident)，
職員就打電話去福岡空港店，等佢地打去佐賀警察局問清楚，再睇下點搞。
等咗一陣，職員話保險已經包咗架車嘅維修費，
我地只係要俾50,000yen，係還唔到車去目的地嘅費用，俾完錢就告一段落。
但係我地冇車，點繼續行程呢？
於是又即刻問租車公司有冇車，不過職員話d車full晒，
我地仲問係咪因為撞車black
list我地，佢地又話唔係，只係咁啱冇車。
於是過隔離問其他租車公司，都冇車，唯有買JR
Pass，搭火車繼續行程啦！不過就要大改個行程！ |
