|
 |
食完早餐就分頭行事，老婆執嘢check-out，我就去攞車。 |
|
|
|
 |
 |
|
通常我都係租1200-1300cc，日產通常都係俾架March。唔知點解今次咁好，俾咗架1500cc嘅
Note俾我，好力好多，上斜都唔會唔夠力。而且尾箱好大，可以放晒我兩個大喼。仲要唔大食，我揸咗八日，行咗一千四百幾公里，都只係入咗三次油。租車連入油大約七千蚊，抵玩。
第一站余市蒸溜所
(中文正字應該係「蒸餾」)
由札幌揸車去，大約一個鐘，途中會經過小樽，不過之前嚟過，今次唔玩小樽喇！ |
|
 |
 |
 |
|
 |
 |
 |
|
 |
 |
|
 |
第一時間去試飲先，諗住飲完先慢慢參觀，等d酒氣可以散
緊d先揸車走。其實蒸溜所有d貼紙俾駕駛人士嘅，貼住喺
身上就唔可以試飲，當然冇人貼啦！
我絕對唔鼓勵醉駕，不過飲幾多先醉就因人而異，總之適可而止，小心駕駛啦！ |
|
 |
 |
 |
|
上去一樓嘅試飲室，真係開心到暈！斟好晒d酒等你試，仲要逐杯冚好蓋，避免香氣流失。
|
|
 |
 |
有三款酒可以試飲，第一款係余市10年，色澤呈淡黃色；聞起嚟酒精味濃郁，較攻鼻；入口較辛辣，有d嗆喉。 |
|
第二款係鶴17年，琥珀色，帶蜜糖香氣，入口比余市10年醇厚好多，餘韻甘甜持久。 |
 |
 |
|
 |
 |
第三款係蘋果酒，濃郁蘋果香，易入口，不過好甜，適宜加冰或加水。 |
|
加冰或者加水，自己搞掂。 |
 |
 |
|
 |
 |
 |
|
 |
 |
樽
試飲完，落返地下，發現餐廳有好嘢食喎！鴛鴦鍋shabu
shabu，仲要係紅酒+威士忌湯底，唔駛諗，食！ |
|
 |
懷舊玫瑰暗花枱布
上菜喇！分量都幾多喎！ |
 |
|
煲嘅時候酒香唔太濃，相信係清水湯底，象徵式加咗少少紅酒同威士忌。 |
 |
 |
|
 |
 |
 |
|
淥緊肉嘅時候發現有d羶味，原來唔係牛肉，係羊肉。好味喎！淡淡嘅酒香同微微嘅羊羶味又幾夾喎！估唔到嚟咗北海道三日就食咗三餐羊肉。
食完嘢，正式去參觀下。先去余市原酒直売所 |
|
 |
 |
 |
|
 |
 |
 |
|
呢度有齊各個年份嘅原酒(一般威士忌喺陳年之後係要調和、稀釋，然後先入樽出售，所以酒精度低d，大約40%，以迎合市場。原酒就係陳年之後冇調和，冇稀釋，直接入樽，所以酒精度大約50-60%)，不過冇得試飲，只可以試「聞」。但係都好正，平時只係開一支酒嚟飲，冇得比較。呢度可以聞晒唔同年份嘅酒，就可以比較到年份低嘅酒係攻鼻d，年份高嘅酒真係香醇好多。
跟住就去隔離嘅威士忌博物館 |
|
 |
 |
 |
|
 |
 |
 |
|
 |
 |
 |
|
 |
 |
 |
|
 |
 |
 |
|
 |
 |
 |
|
 |
 |
 |
|
 |
 |
 |
|
 |
 |
 |
|
 |
 |
 |
|
原來呢度有得試飲架！不過要俾錢，由幾百至二千幾yen。難得嚟到，就試d貴嘢啦！ |
|
 |
 |
 |
|
 |
 |
 |
|
 |
余市原酒25年
深琥珀色，聞起嚟有橡木香，入口少辣，始終係原酒，
酒精度52%。味道頗複雜，不過我呢d初哥分唔到係咩味。 |
|
余市12年Woody
& Vanillic
琥珀色，聞起嚟有忌廉味，入口較嗆喉，但嗒落有朱古力味。 |
 |
|
 |
竹鶴25年
深琥珀色，聞起嚟有d水果嘅香味，入口香醇，同余市原酒25年分別好大，淡淡嘅煙燻味，醇厚，唔嗆喉，我鍾意呢支多d。 |
|
 |
 |
 |
|
博物館呈U字形，分成兩部分，頭先行嘅係Whisky館，跟住就係Nikka館，主要係介紹Nikka創
辦人竹鶴政孝嘅事跡。(對佢嘅事跡興趣不大，加上係日文，唔知佢寫乜，所以都係佢d舊酒吸引d) |
|
 |
 |
 |
|
 |
 |
 |
|
 |
 |
 |
|
 |
 |
 |
|
 |
 |
 |
|
 |
 |
 |
|
機械人都整埋？ |
 |
 |
|
 |
 |
 |
|
 |
 |
 |
|
其實仲有好多地方，不過已經比預定時間遲咗好多，所以冇得行。
|
|
 |
 |
 |
|
買埋紀念品就要走喇！ |
|
 |
 |
 |
|
 |
 |
 |
 |
 |
 |
|
一眨眼已經去到下一個景點，其實眨咗一個鐘頭眼。 |
|
中村屋
北海道積丹郡積丹町日司
Tel：0135-45-6500 |
 |
 |
 |
 |
 |
 |
 |
 |
|
 |
 |
 |
|
估唔估到我老婆講咩呢？估中有獎！
|
 |
 |
 |
|
見到d咁可愛嘅公仔，梗係要幫襯下啦！ |
 |
 |
 |
 |
 |
|
積丹嘅海膽真係掂！嗰碗海膽飯......真係冇嘢好講！
見大家都咁醒，估到我老婆講乜！就獎勵下大家啦：如果大家忍唔住，要親自去挑戰呢碗海膽飯，記得print佢個網頁，可以有5% off (已經沒有了)。
喺余市蒸溜所睇耐咗，所以要cut一個景點。由於積丹岬唔順路，唯有放棄佢啦！(我相信會再嚟嘅)咁就直去神威岬威下啦！ |
 |
 |
 |
|
 |
 |
 |
 |
 |
 |
|
 |
 |
 |
 |
 |
 |
|
 |
 |
 |
 |
 |
 |
|
 |
 |
 |
 |
 |
 |
|
今日超大霧，已經唔係好睇到d景，仲要禍不單行，行行下，封路！因為沙石崩塌，條路有危險，所以禁止通行。去唔到睇燈塔添！
|
 |
諗諗下其實都幾危險，見到d山坡都係一忽忽咁冧咗，d土壤都幾鬆散。 |
 |
 |
 |
 |
|
 |
 |
 |
 |
 |
 |
|
 |
 |
 |
 |
 |
 |
|
原來入口嘅路牌有顯示封路，都冇留意添！
|
 |
set好個GPS就去酒店，部GPS好正呀！黃昏嗰陣天空會轉橙色架！
積丹半島有好多隧道，如果有一條係時光隧道就好喇！ |
 |
|
由神威岬去二世古嘅酒店要兩個幾鐘，途中有超市梗係停車休息下啦！
嘩！有麪包超人公園！原來係附近間幼稚園有活動，真開心！ |
 |
 |
 |
休息完，起程。
嘩！五連髮夾彎！正！即刻藤原拓海上身！ |
 |
 |
 |
 |
|
|
 |
 |
|
彎多都唔係問題，駛唔駛咁大霧呀！
|
|
|
 |
|
 |
矇查查咁揸到落山腳，原來頭先喺山上嘅仙景中揸車！
呢隻狐狸仔都算醒目，喺山腳搵食，如果喺仙景度，真係可能睇佢唔到。 |
 |
 |
 |
 |
|
ホテルあしりニセコ
北海道虻田郡ニセコ町ニセコ393
Tel：0136-59-2323 |
 |
 |
遲咗一個鐘先去到酒店，
職員幾驚我放飛機，
真係唔好意思！
稍事安頓，即刻落去食飯。 |
 |
 |
 |
|
 |
先付
三文魚子、玉子豆腐、
意大利青瓜(Zucchini)
顏色：橙黃綠，質感：爽滑爆
味道：清甜濃
簡單嘅前菜，三款食材各有特色，但又配合得天衣無縫，變化多端，簡直係一絕！ |
 |
 |
 |
酢の物
海參、青瓜、長芋、
蔬菜海老啫喱
蔬菜啫喱感覺清新，作為前菜，非常醒胃；長芋超級爽脆；舊青瓜都好勁，係刀功勁，切晒花，但係冇斷嘅！ |
|
お造り
平目、帆立貝、牡丹海老
刺身非常新鮮，平目魚邊油脂豐腴，肥美爽口，一流！連隻碟都好講究，四個角通晒花，好靚！ |
 |
 |
 |
焼き物
大助味噌ネーズ燒、熊笹餅、南瓜蓉、枝豆
銀鱈魚西京燒就食得多，大助(三文魚)味噌燒真係第一次食。熟嘅三文魚一向唔係我杯茶，不過呢度燒得啱啱好，魚肉仍然軟滑，薄薄一層味噌，甜甜地，好味！ |
|
油物
茄子、南瓜、無花果
炸得乾身鬆脆，唔油膩。茄子夾住肉碎嚟炸，係日式炸物crossover港式煎釀三寶，幾特別。最過癮係熱辣辣、脆卜卜，又好清甜嘅炸無花果，oishii！ |
 |
 |
 |
冷し炊き合せ
大根土佐煮、海老酒煮、
帆立貝時雨煮、茄子麩、
人參、蒸し雲丹
蘿蔔好清甜，日本嘅新鮮蔬菜真係好好味！蒸海膽亦美味非常，海膽同蛋嘅比例接近1:1，自然鮮甜無比。menu話有人參(紅蘿蔔)，不過搵唔到！
少少嘅一碗煮物，每款食材都用咗唔同嘅煮法，可見大廚係花盡心思嚟烹調。 |
 |
 |
 |
 |
 |
|
鍋物
sukiyaki
和牛嘅雪花均勻，唔太肥，啱啱好。 |
 |
 |
お食事
+
香の物
白飯
+ 兩款漬物
用咗二世古產嘅ななつぼし米，其實食唔出同其他米有咩分別，總之日本米就好味d啦！ |
 |
留め椀
清仕立
清湯，加咗とろろ昆布，口感滑潺潺，幾得意！
甘味
車厘子
+ 椰果 |
 |
|
通常酒店嘅一泊二食，d夕食(晚餐)都係普普通通，不過呢間嘅真係掂，星級水準！超級oishii！
|
 |
食飽飽，正想返房之際，職員攞住碟嘢，喺廚房撲出嚟，佢話係small
gift，竟然係釀魷魚，真係非常感激！不過太飽，落去浸下溫泉先，一陣先食！
男湯冇人，可以偷拍幾張相。女湯同露天溫泉就可以睇官方網頁。 |
 |
 |
 |
|
宵夜 |
 |
 |
 |
|
今晚嘅宵夜除咗釀魷魚，仲有甜品。呢盒係新千歲空港間Royce'嘅限定品，係一大舊朱古力Brownie，不過入面有紅豆同年糕，係日式風味嘅Brownie。好味，但好「漏」，佢跟咗我地半個旅程，先KO到佢。
今日嘅收穫 |
 |
 |
 |
|
少有地今日嘅收穫大部分都係我嘅！嗰兩把扇係酒店20周年嘅紀念品。 |
