|
尋晚太夜，都見唔到原來酒店旁邊有條小溪。 |
|
 |
 |
 |
|
|
|
 |
 |
 |
|
 |
 |
 |
|
 |
朝食(早餐)簡簡單單，不過味道依然一流！ |
|
今朝非常趕，食完早餐就要check-out，都冇時間浸多次溫泉。職員都係非常恭敬咁出嚟送客。
呢間酒店真係非常正！雖然距離二世古市遠少少，但係自成一角，好清幽，最緊要係服務同食物都係一流。 |
 |
|
Niseko Adventure Centre |
|
 |
 |
 |
|
 |
 
咁趕因為要去玩激流！ |
|
天公造美，今日係成個旅程中最好天嘅一日，朝早仲見到羊蹄山山頂。
羊蹄山係日本百大名山之一，喺北海道好出名架！因外形似富士山，所以有北海道富士之稱。 |
 |
 |
 |
聽完教練簡介同分組，我地嗰組嘅教練係靚女Mika，能操流利英語，所以溝通上冇大問題。
跟住就去攞裝備，其實唔係好凍，唔著風褸都ok，不過件風褸嘅主要功能係防曬，最衰冇長褲，曬燶咗個對腳！ |
 |
 |
我地要搭車去尻別川，玩激流嗰條河。
喺搭車期間就特別鳴謝鄭sir借出防水防撞相機，雖然我知你想我撞爛或浸壞佢，等你有藉口換新機，不過唔好意思，部機真係幾堅，下次我會再粗暴d。 |
|
去到目的地，Mika簡介下隻橡皮艇，然後大家就夾手夾腳搬佢落水。 |
 |
 |
 |
其實都唔難控制，得幾樣指令：
Front：划前，Back：划後，
Jump：當隻艇去到d淺水地方，大家就要狂「un」隻艇，
Hold on：當就嚟撞石嘅時候，要揸實d繩，身體傾向艇內。
好！學識，出發！ |
 |
 |
 |
 |
 |
 |
 |
 |
|
 |
 |
 |
 |
 |
 |
 |
 |
 |
|
|
 |
 |
 |
 |
 |
 |
攝影師一路跟住我地，幫我地影相，都要幫襯下嘅。
Mika教漏咗一種技巧呀！打水戰！隔離艇嗰三條o靚仔起勢咁潑，我地梗係唔會放過佢地啦！ |
 |
 |
 |
 |
 |
去到水勢平靜d嘅地方，仲可以游下水，不過都幾冰涼，Mika話水溫約9-10˚C，都ok，曬到㷫烚烚，划到熱辣辣，落水過下冷河都幾爽！ |
 |
晏咗，起咗霧，睇唔到羊蹄山嘅山頂！ |
 |
 |
 |
 |
 |
 |
 |
 |
 |
 |
|
去到航程嘅大半，大家都停低上岸休息下，一眾教練就忙於擺陣。 |
 |
 |
 |
 |
 |
|
|
 |
 |
 |
 |
 |
|
上返艇，划多一段平靜嘅河段，就到終點喇！影返張合照先！
|
 |
返到centre，搵攝影師幫我地同Mika影張相，佢竟然先自拍一張，咁搞笑，就幫襯佢買多張相啦！ |
 |
 |
 |
Mika好nice，經常都嘗試同我地溝通，而且各樣安排都好細心：起初一落艇，佢問邊個想坐船頭，我梗係第一時間舉手啦！之後佢亦安排大家調下位，等大家可以坐下前，坐下後，皆大歡喜！ |
|
今次玩激流好好玩，同上次玩獨木舟完全唔同feel，刺激好多。二世古係滑雪勝地，原來夏天嘅二世古一樣咁精彩！
本來諗住去附近嘅牧場食lunch，不過見樓上有Jojo's
Cafe，咁就費事走嚟走去啦！ |
 |
 |
 |
 |
 |
 |
 |
 |
起初坐入面，不過有d焗，
反而坐出面仲涼爽，仲有
靚景，仲可以睇住架車添！
(冇人抄牌嘅！唔駛驚！) |
 |
 |
 |
 |
 |
 |
1000yen左右一個set，都算抵。
味道都唔錯架！體力勞動完
就更覺味美啦！ |
 |
 |
|
難得見到藍天，影多幾相張啦！ |
 |
 |
 |
 |
 |
 |
 |
 |
 |
|
揸咗個幾鐘頭，終於見到洞爺湖喇！
洞爺財田自然体験ハウス |
 |
 |
 |
 |
 |
 |
 |
今個旅程其中一個目標就係蓋埋幾個印，上次已經蓋咗七個印，銀獎達成，今次蓋多三個印就有金獎喇！呢個係第八個。
當然唔會淨係蓋印啦！d自然中心其實好多嘢睇架！呢度喺洞爺湖旁邊，梗係行去湖邊睇下啦！原來呢個財田湖畔係洞爺湖八景之一。 |
 |
 |
 |
 |
 |
 |
|
咦！有隻天鵝喎！仲有一大一細喺湖中暢泳。應該係阿媽帶阿仔出去玩，老豆就喺度睇住。
|
 |
 |
 |
 |
 |
 |
 |
 |
 |
 |
 |
 |
 |
 |
 |
 |
影影下，隻天鵝老豆向我行過嚟，越行越埋，似乎唔對路喎！我一調頭走，老婆就喺遠少少嘅地方叫咗一聲。
原來佢見到我調頭走之際，隻天鵝老豆就伸條頸想啄我，好彩我走得快啫！我地只係影相啫，都冇搞你，駛唔駛咁惡呀！ |
 |
 |
 |
 |
 |
 |
|
原來係因為隻天鵝媽媽帶阿仔返上岸，老豆要清場，所以趕我地走。唓！出聲咪得囉！
不過今次學到嘢喇！原來天鵝屈埋條頸，係憤怒嘅狀態，準備攻擊，屈埋條頸就好似彈弓咁，可加快彈直條頸去啄中敵人。既然趕客，咁就去第二個中心啦！今次去湖嘅另一邊。 |
 |
|
洞爺湖ビジターセンター |
 |
 |
 |
 |
 |
 |
 |
 |
第九個喇！
其實全日本差唔多有一百個地方可以蓋印，我嗰d全部都喺北海道蓋嘅。因為只係喺北海道有揸車，先可以去到咁偏遠嘅自然中心。 |
|
附近有觀光中心 |
 |
 |
 |
 |
 |
 |
 |
不過冇嘢睇，係唔知點解有隻高達手喺度。 |
|
都係去湖邊睇風景好過！今日好天，睇到羊蹄山。 |
 |
 |
 |
 |
 |
 |
 |
 |
 |
|
離開洞爺湖，去室蘭。經過一個停車處可以睇到昭和新山，仲噴緊煙！ |
 |
 |
 |
 |
 |
 |
|
過咗呢條白鳥大橋就去到室蘭喇！ |
 |
 |
 |
 |
 |
 |
|
一落橋就去到道之駅，不過太晏，而且閂咗門，冇得蓋印。 |
 |
 |
 |
 |
 |
 |
 |
喺海邊圍d鐵欄就可以游水。
呢度可以睇晒成條白鳥大橋，佢係東日本最大嘅吊橋，全長1380米。↓ |
 |
 |
 |
 |
 |
 |
 |
 |
 |
 |
 |
 |
 |
|
就快日落喇！要快d去地球岬。 |
 |
 |
 |
|
一去到地球岬，就見到個地球，原來係電話亭。
|
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
|
|
 |
出發去苫小牧，太陽已經落山，所以GPS都變成天黑。 |
|
天黑黑，喺海邊嘅公路揸車，方圓數十公里都冇乜車，唔覺唔覺就踩快咗，其實都唔係好快，只係八、九十公里左右。突然見到倒後鏡有紅色閃燈，仲開大聲公唔知講乜，都係叫我停車之類啦！大鑊！唯有停埋一邊，熄匙啦！
警察叔叔行過嚟：嘰哩咕嚕(一堆日文)
我真係唔識聽，唯有：Sorry！ Sorry！ What？
警察叔叔：繼續嘰哩咕嚕(一堆日文)
我：Sorry！
I don't
know Japanese.
警察叔叔(指住路牌)：Fifty......You......over
我：Oh！ Sorry！ I
don't know. Sorry！ Sorry！
警察叔叔(諗咗一諗)：Slower......Safety
driving......OK？
我：OK！OK！Sorry！Sorry！
好彩！好彩！
之後唯有全程都係五十公里。其實仲高難度，唔踩油架自動波都自己行三四十啦！少少向下暗斜已經要踩住個brake。本來仲有十幾分鐘車程，最後要四十幾分鐘先去到。
去到苫小牧東橫inn，定一定驚，安頓好，就去搵食。
苫小牧都有屋台，不過規模就冇帶廣嘅北之屋台咁大，都去睇下先啦！
呢度只係一條短短嘅屋台通，兩邊有檔口，夾埋都唔夠十檔，兩邊檔口中間就擺咗枱櫈，咁就可以叫唔同檔口嘅嘢食。
檔口已經唔多，仲要冇乜好揀：成吉思汗唔食啦！一檔食關東煮同一檔食鍋物嘅，又冇人幫襯；壽司店又打烊；得返一檔串燒、一檔炸物同一檔食意大利嘢嘅最多人。
意大利嘢唔喺度食啦！串燒，遲d都會去鳥貴族或者吉祥寺食；咁就淨返炸物，是但啦！反正好少食，就試下啦！ |
 |
 |
串喜
檔口細細，得七八個位，有d深夜食堂feel。
一如以往，全檔都好驚奇，做乜會有兩個香港人嚟幫襯？不過大家都好友善，有個叔叔嘗試同我地傾計，仲幫我地影相。 |
 |
 |
 |
 |
 |
 |
|
全日文menu，不過唔緊要，老闆介紹有個950yen嘅set，有一杯飲品
+ 五串炸嘢。
好！就兩個set啦！十串炸嘢都唔同款啦！
|
 |
 |
其他食客都俾我地嚇走晒之後，老闆同我地講頭先嗰個叔叔請我地飲多一round。吓！點好意思呀！都冇機會同佢影張相添！真係「阿lee加多個齋衣嗎時」！ |
 |
竟然有海賊王摺櫈！
雖然呢個屋台細細地，但氣氛都幾好架(個個都飲到high
high地，梗係好氣氛啦)！仲有投射大電視睇添！ |
 |
 |
 |
 |
 |
老闆都好熱情咁款待，同我地介紹d鹽，又請我地食菜，仲介紹呢個公仔，佢話呢個公仔叫仙台四郎，係招財嘅！ |
 |
 |
 |
 |
 |
以menu上僅有嘅漢字，求其再叫多幾串。飲大兩杯，都唔係好記得食咗d乜，總之熱辣辣，脆卜卜，用嚟送酒梗好味嘅！唯一記得嘅就係嗰兩串炸洋蔥，爽甜多汁，超好味！ |
|
|
 |
食完嘢已經好夜，火車駅都閂咗門，想蓋個印都唔得添！ |
 |
|
|
 |
日本嘅自動販賣機真係掂，淨係賣啤酒都驚你寡得滯，
可以撳多罐花生嚟送啤酒，真係體貼。 |
|
淨係幾串炸嘢梗係唔夠飽啦！整個杯麪先！ |
 |
 |
 |
|
天時暑熱(由於全日本都節電，所以酒店d冷氣完全冇料到)食個冰杯麪，真係透心涼！ |
