 |
早餐係自助形式,都幾豐富。
食完早餐就去大浴場浸溫泉。今朝轉咗場喇!
男湯係千遊大浴場,今朝好多人浸,影唔到相,想睇下環境就去官方網頁啦!
不過呢邊冇咁多溫泉,老婆今朝喺千樂大浴場嗰邊,應該有排玩,
我浸咗一陣就返房先喇! |
|
 |
 |
 |
酒店有三部車立
,分別貼咗一個仙女嘅圖畫,不過影到第三部車立
嘅時候,車立
門就打開咗。
既然同第三位仙女冇乜緣份,就無謂強求啦!
正想返房嘆下個私人風呂,原來第三位仙女已經浸緊,咁我都唔執輸喇! |
 |
 |
 |
老婆喺大浴場浸完返上嚟,都係一齊浸開心d。 |
 |
浸完個私人風呂,就要執行李check
out喇!
Oh no!返到香港睇返d相,先發現原來冇影到間酒店添!
尋日嚟嘅時候仲擔心今日要推住個喼上斜路,好彩酒店有免費接駁車去巴士站,不過就唔肯車我地去涉川駅!
今日去草津,都係要轉幾程車:
1)
伊香保溫泉 →
涉川,(巴士,時刻表)
2)
涉川 →
長野原草津口,(JR吾妻線)
3)
長野原草津口 →
草津溫泉,(巴士時刻表)
酒店接駁車去巴士站都未夠十一點,可以搭11:05班急行巴士。
不過呢班巴士唔係喺伊香保溫泉總站開車,而係喺榛名山嗰邊開過嚟。
過到嚟已經好多人,差d上唔到車,好彩大家都好禮讓,盡量迫埋d,都上得晒!
大約11:30就去到涉川駅,即刻book車票,啱啱可以搭到11:46開嘅特急草津1號。 |
 |
 |
 |
大約12:30去到長野原草津口,12:42就有巴士去草津溫泉。
呢度係總站,我地見成車人都係去草津溫泉,架巴士會唔會冇位架?
咁咪要等半個鐘。唔理喇!極速跑去出閘,一出車站就係巴士站,即刻排隊先。
順利上到車。行得慢嘅都唔駛擔心,JR嘅安排都好妥當嘅!
一連開咗五部巴士,接晒成架火車嘅乘客。
順帶一提,呢架雖然係JR巴士,不過JR
Kanto Area Pass係唔包嘅,請準備好車費,盛惠每人670yen。
車程大約20分鐘,沿途一路上山,天氣開始凍,仲開始落雪添!
去到草津溫泉巴士總站,知道有巴士去輕井澤,就去望下先,順便影低個時刻表,然後就行去酒店。
一離開個巴士站,就受到襲擊,多股寒氣由四方八面湧過嚟,
喺d拉鏈位/袖口位/褲腳位度鑽入你嘅脊椎,真係「冷不防」被偷襲,打咗個冷震,即刻包實d先。
|
 |
 |
周圍都有指去湯畑嘅標誌,
實唔驚蕩失路。 |
|
 |
我地住大東館,
位置非常好,喺正湯畑側邊。
都係太早,未可以攞房,
咁就放低行李,出去搵嘢食。 |
 |
したつづみ亭
(已搬遷) |
不過搞得嚟都已經一點幾,
搵得嚟過咗lunch
hour就麻煩。
一出大東館,
就見到呢間食上州牛嘅都好似唔錯,
喺飢寒交迫嘅時候無謂咁揀擇,
就呢間啦! |
 |
 |
 |
 |
 |
睇menu見到個上州牛steak便當好似唔錯,才1680yen。
再睇下,發現有個上州和牛steak御膳,2940yen,貴一百蚊左右,不過靚仔好多,梗係食好d啦!
|
 |
 |
 |
真人同上鏡差唔多,不過真人仲多咗香噴噴嘅燒烤味。
塊steak肥瘦均勻,燒得啱啱好,邊位燒得香口,加埋甜甜嘅照燒汁,無得彈!
|
 |
 |
 |
老婆揀咗和豚烤肉丼,真人仲靚仔過上鏡喎!
豬肋肉燒得香口,肉味濃郁,才1470yen,性價比仲高過個牛扒御膳。
帶廣嘅元祖豚丼排第一,呢度都應該排第二。
食飽飯,成個人暖笠笠,可以去逛下湯畑。 |
 |
 |
 |
 |
 |
 |
 |
 |
 |
 |
 |
 |
|
 |
落緊雪,真係幾凍,要入去d物產店避一避先。 |
可以見到其實出面好大風雪。 |
 |
 |
 |
 |
Photo Hunt時間,湯畑旁邊有間7-11,
佢同平時見慣嘅7-11有咩唔同呢?
5.....4.....3.....2.....1.....
應該難唔到大家,冇錯!就係顏色喇!
唔知點解呢間7-11個logo
唔係紅紅綠綠,而係啡色嘅! |
(之後返到香港,我send
email去日本嘅7-11問下,
佢地話係因為日本唔同地域有自己嘅景觀條例,所以喺草津就用咗啡色logo。
又係喎!唔講都唔發覺,喺草津嘅店舖logo都冇紅紅綠綠架喎!可能係要保留返草津比較傳統古樸嘅風格。)
|
逛到咁上下,應該可以攞房,就返酒店先啦!
呢度當然冇咁好服侍啦!行李要自己拎上房。
一開門係玄關位,轉到入房,都幾四正,
不過就舊咗d,電視當然都冇咁大部啦!
行去窗口望下,真係見到湯畑喎!
雖然墮咗角,不過景觀都算唔錯! |
 |
 |
 |
 |
仲有幾個鐘先食晚飯,又出去行下啦! |
光泉寺
 |
 |
 |
 |
 |
 |
 |
 |
 |
睇地圖,附近有個西之河原公園,行又好似少遠,於是就搭100yen觀光巴士去啦!
巴士兜到上山,過咗滑雪場就落車。
|
一落車,白茫茫一片。 |
 |
 |
|
 |
 |
 |
 |
復活節未必去到立山黑部睇雪牆,而家睇住個小雪牆先。
|
 |
 
沿住山路行落去西之河原公園,
不過我地冇準備行雪地嘅裝備,所以係半行半跣咁落去。 |
 |
 |
 |
途中經過西之河原露天風呂,真係見到有人浸溫泉架!不過只係見到男湯,女湯有欄圍住晒嘅!
|
 |
 |
 |
|
 |
 |
 |
 |
行到落去公園,都有好多天然嘅小溫泉,
如果你唔介紹旁邊會有人行過,同埋冇地方換衫,其實都可以落去浸。 |
 |
 |
 |
 |
 |
 |
 |
 |
 |
 |
 |
 |
行到去西之河原公園嘅入口,由呢度行返去湯畑大約十分鐘。
不過我都覺得我地先搭車上去,再行返落嚟呢個方法幾好。
一嚟唔駛走回頭路,二嚟行到上山,大風大雪,要等巴士就慘。
|
沿住d小街行返去湯畑,兩邊都係舖頭,其中一間係賣蜜糖嘅。
呢度d蜜糖有好多種口味,芒果、蘋果、桃、藍莓等,主要都係水果味。
我地見佢有軟雪糕,雖然出面落緊雪,不過都無阻我地消滅(化)佢嘅決心。
雪糕綿滑,牛奶味濃郁,再加埋蜜糖,好滋潤。 |
 |
 |
沿途亦有好多酒店,唔係住嗰d,係賣酒嗰d。
本來唔諗住買酒,因為之前買嗰支都未飲。
不過之後返東京,約咗龍力嘅Yumi,就買支酒俾佢做手信啦!
呢支雖然只係純米酒,唔係咩高級嘅大吟釀,
不過佢係用信州栽培嘅酒米─改良信交釀造嘅,
好似幾地道,幾有特色,就買俾Yumi試下啦! |
 |
 |
 |
返到酒店,返房休息一下。湯畑嘅夜景都幾靚喎!原來仲望到滑雪場架! |
 |
 |
 |
 |
 |
 |
|
晚餐嘅地方應該係酒店嘅ballroom。 |
 |
 |
 |
雖然個餐有餐前梅酒,
不過得一啖,叫支啤酒盡興d。 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
除咗塊燒牛肉幾好之外,
其他都冇嘢好講! |
食完嘢,又出去逛下。 |
 |
今次記得影下酒店個門口喇!
唔講你唔知,
大東館呢三隻字,係今朝先掛上去架!
我地今朝嚟到嘅時候,
成架工程車塞住個門口,
就係掛緊呢幾隻字,終於掛好咗。 |
 |
 |
 |
 |
大東館門口堆咗幾雪窿,都幾好吖!等d人無無聊聊可以喺度影下相。
|
 |
 |
 |
 |
 |
 |
 |
 |
 |
 |
 |
 |
 |
 |
 |
間7-11咁特別,就幫襯下啦!呢包puff,300yen有8粒,都幾抵!
|
 |
 |
老婆:咁核突你都影?
我:就係要影低佢有幾核突! |
|
返到去又開始落雪,咁就落去大浴場浸下啦! |
個大浴場真係「大」到冇朋友,男湯嗰邊有六、七個人,就差d連沖涼都冇位。
室內個池都ok大,六、七個人浸晒落去都夠位。
不過個露天風呂只係大過浴缸,兩三個人去浸已經腳撐腳咁,要抱住膝嚟浸。
浸兩嘢,唔對路,都係算把啦!
話時話,雖然唔係浸咗好耐,不過浸完d皮膚又好似好滑喎!
草津溫泉果然有料到,不愧係多年以嚟日本排名no.1嘅溫泉。
其實草津溫泉嘅泉水含有硫磺、硫酸鹽等物質,pH值係2,屬於強酸性。
如果放個1yen硬幣或者一粒釘落去,十日之後就會溶晒。
我諗d我死皮應該俾d泉水溶咗,所以先咁滑。
|
 |
都係返上房,食個puff,嘆杯酒,最爽! |