|
31/7/2013 (二)
Day 7
宇治
→ 山崎
→ 京都
|
|
朝早起身，影下個靚景先。 |
 |
 |
 |
|
跟住就落去食早餐。 |
|
 |
 |
 |
|
 |
 |
 |
|
 |
 |
 |
|
 |
 |
 |
|
|
|
 |
房冇Wi-fi，要大堂先有。其實尋晚都喺度Wi-fi咗一陣，不過已經冇晒人，亦都冇冷氣，所以唔坐得好耐。
食完早餐，就喺度坐陣啦！難得仲有靚靚河景。 |
|
|
|
 |
 |
 |
|
朝早三樓轉做男湯，又去裝下啦！環境都唔錯喎！仲有個露天Jacuzzi，不過好似乜都未開。
|
|
返房沖壺茶，食塊餅，執埋行李就check
out。 |
 |
|
跟住就去山崎蒸溜所(中文正字係「蒸餾」)。 |
|
 |
 |
 |
|
 |
 |
 |
|
 |
 |
 |
|
 |
|
 |
 |
 |
|
 |
 |
 |
|
 |
 |
 |
|
 |
|
 |
 |
 |
|
 |
 |
 |
|
 |
 |
 |
|
 |
 |
 |
|
 |
 |
 |
|
 |
 |
 |
|
 |
 |
 |
|
 |
佐治敬三，係Suntory創辦人鳥井信治郎嘅次子，亦係Suntory第二代社長。在任期間，成功釀造出山崎、響、白州等出名嘅威士忌。
睇落有d似湖舟嘅袖山師傅，攞呢張相俾袖山師傅睇，佢一眼就認出係Suntory社長，原來袖山師傅識佢架！勁！ |
|
 |
 |
 |
|
 |
 |
 |
|
 |
 |
 |
|
 |
 |
 |
|
 |
 |
 |
|
 |
 |
 |
|
 |
 |
 |
|
 |
 |
 |
|
參觀期間，女職員問我地想唔想參加見學，我地見有時間，就參加啦！
女職員叫我地填好問卷，咦！要填交通方法喎，如果填自駕咪冇得試飲，咁就填火車啦！點知女職員打個電話，話喺閉路電視見到我地揸車嚟！有冇咁嚴謹呀 ！我地唯有解釋話by
train, and then by car啦！
女職員即刻攞個牌俾我地纜住，話司機唔可以飲酒，咁就老婆纜啦！等我可以試酒。(嚴正聲明，我唔係鼓勵醉酒駕駛，我亦唔會「攞條命教飛」。不過飲幾多先「醉」，真係因人而異，我亦好清楚自己飲少少係冇問題嘅，唔會影響我駕駛時嘅判斷。)
|
|
 |
 |
 |
|
有靚女導賞姐姐帶我地參觀，呢個係日文團，不過唔緊要，職員準備埋導賞耳機俾我地，可以聽普通話介紹。
|
|
 |
 |
 |
|
 |
 |
 |
|
處理好嘅大麥會攞去發酵，發酵完出嚟嘅就係啤酒，跟住要攞去蒸餾，蒸餾一次就係燒酎，蒸餾兩次先成為威士忌。 |
 |
 |
|
 |
 |
 |
|
 |
 |
 |
|
呢d銅製嘅蒸餾器可以話係威士忌嘅標誌。第一次蒸餾就喺呢d
Wash Still嘅蒸餾器度進行，蒸餾出嚟嘅酒精，就喺Spirit
Still嘅蒸餾器度進行第二次蒸餾。
|
|
 |
 |
 |
|
蒸餾完嘅威士忌係透明嘅，不過酒精味就好濃烈。
|
|
 |
 |
 |
|
 |
跟住就要放入木桶度陳年同貯藏。貯藏嘅時候，威士忌就會慢慢變得深色。威士忌喺木桶入面會揮發，大約每年會少咗2-3%。左圖右面嗰桶係4年嘅威士忌，左面係12年嘅威士忌，咁大家就可以大約知道威士忌揮發嘅情況。 |
|
 |
 |
 |
|
 |
 |
 |
|
 |
 |
 |
|
 |
 |
 |
|
日本嘅企業其實都好著重周邊嘅環境，呢度嘅園林美景，唔話你知我喺山崎蒸溜所，你可能以為我喺唔知咩咩公園。 |
 |
 |
|
 |
 |
 |
|
 |
 |
 |
|
最後就係試飲時間。不過冇得淨飲，只有水割同埋soda割。
|
|
 |
 |
 |
|
 |
 |
 |
|
 |
 |
 |
|
試飲完，梗係要sell下d威士忌啦！
|
|
 |
 |
 |
|
 |
 |
 |
|
 |
 |
 |
|
跟住就去紀念品店睇下嘢。自從上次喺余市蒸溜所中過計，除非真係限定品/特別品，否則都唔好喺蒸溜所買威士忌，因為機場免稅店仲平。
|
|
 |
 |
只係試到山崎12年同白州，仲要得水割同soda割，梗係唔夠喉啦！
咁就俾錢試啦！試咗Grain
Whisky同響17年Smoky原酒。
Grain Whisky味道冇咁濃，有蜜糖味，偏甜，幾易入口。
響17年Smoky原酒就香醇好多，唔「乸」喉，只有少少煙熏味，反而覺得唔夠濃郁。
跟住就出事喇...... |
|
 |
 |
|
 |
 |
|
由於老婆纜咗牌話係司機，唔飲得酒。佢只係聞一聞，味咗少少(我諗都唔知有冇兩滴)，個職員就即刻撲過嚟，話老婆飲咗酒，唔可以揸車。咁我地就喺度逛一陣先啦！
|
|
 |
 |
 |
|
 |
 |
 |
|
 |
 |
 |
|
 |
 |
 |
|
 |
 |
 |
|
Suntory咁多年嚟都賣咗好多廣告，亦都贊助咗好多活動，呢度有齊晒嗰d
poster。
就喺我搞搞震期間，老婆就飲多幾杯水，坐下唞下。跟住就有個女職員走過去同佢傾，我就去睇下做咩啦！
原來女職員話老婆飲咗酒，唔可以揸車。我地話坐多一陣就可以啦！點知女職員話never
drive after alcohol。吓！never？咁我飲完酒，成世都唔可以揸車？
女職員話要我地搵個人幫我地揸車，即係要租個司機。咁我地咪叫佢搵囉！不過佢又搵唔到。我地話今晚要揸返京都還車，佢死都唔俾我地走。咁我地問佢日本嘅法例係點？佢又唔清楚。
咁老婆就提議佢報警啦！叫警察嚟俾老婆「吹波仔」，過到咪可以揸車走囉！點知女職員又話唔可以無端端報警。於是我地叫佢用電腦search下日本嘅法例，點先叫做「醉駕」啦！佢又真係搵到喎！不過只係有d血液中酒精濃度嘅數據，我地都唔知架！不過再睇仔細d，原來如果有人「醉駕」，除咗自己本身犯法之外，連供應酒精，同埋供應車輛嘅人/機構都一樣係犯法。唔怪之得佢咁緊張啦！
最後女職員提議我地搭JR去附近嘅警察局，叫警察俾老婆「吹波仔」，如果警察話OK，我地先返嚟揸返架車走。咁我地叫佢揸我地架車，車我地去，到時連人帶車留喺警察局，咁佢就可以功成身退啦！不過佢又話唔得喎！一嚟佢返緊工，唔可以行開；二嚟如果途中有咩意外，責任上/保險上又搞唔掂。佢都有道理嘅！
|
|
於是佢print咗張地圖俾我地，教我地去高槻警察局。女職員嘅英文都唔錯，但係我地擔心日本警察嘅英文能力有限，到時溝通唔到就麻煩，所以請佢寫低幾隻字，等我地去到就俾警察睇啦！ |
 |
|
 |
 |
 |
|
行去山崎站期間，見到有個燕子巢，仲有幾隻燕子BB喺度，好得意呀！
|
|
 |
搭兩個站就去到高槻站。其實搞搞下已經三點幾，我地都未食晏。唔理喇！喺車站嘅Subway食隻熱狗先。 |
|
去到高槻警察局，就將女職員寫低嘅嘢交俾警察。個警察睇咗一睇，就叫我地坐低等，然後call上交通部。
等咗一陣，就有三個交通警過嚟。其中一個能操流利英語喎！佢問咗我地詳細嘅情況，不過佢話唔可以俾我地「吹波仔」，因為我地唔係揸緊車俾警察捉到，唔可以無端端俾我地「吹波仔」。
佢問我地由飲酒到而家隔咗幾耐，其實都成四個鐘喇！我地不斷強調老婆只係味咗一小啖。其中一個交通警攞咗一支「instant吹氣機」俾老婆吹，綠燈，搞掂！其實班警察都覺得OK。不過佢地打電話去山崎蒸溜所問女職員，女職員就話我地之前講大話，呃佢話搭火車，所以警察又唔敢戊戊然放我地走(呢個故事就教訓我地唔好講大話)。
最後，其中一個警察提議，由警察車我地返山崎蒸溜所攞車，然後由警察揸我地架車，車我地去食飯，食完飯都應該差唔多可以俾我地自己揸返車走。唯有係咁啦！
|
|
返到山崎蒸溜所個停車場，女職員又撲到出嚟(果然有閉路電視)！女職員係咁話唔好意思，仲送咗兩隻威士忌杯俾我地。 |
 |
 |
|
個警察都好好，知道我地要返京都還車，就車我地去大路旁邊嘅食肆，等我地食完嘢，出返大路就可以直駛京都。
期間同個警察傾下計，原來佢話近來好多意外因為「醉駕」而起，所以收緊咗法例。我話因為佢地d日本人鍾意Happy
Hour，警察叔叔即刻轉話題，唔理我。
|
|
跟住佢見到呢間食漢堡嘅餐廳，問我地O唔OK，梗係OK啦！於是佢就喺度放低我地，仲千叮萬囑我地no
alcohol。其實佢走咗之後，我地即刻揸車走，佢都耐我唔何嘅！不過算啦！嚟到就食少少嘢先走啦！ |
 |
 |
|
 |
 |
 |
|
 |
 |
 |
|
呢間びっくりドンキー嘅裝修有d奇怪，「立立雜雜」咁，乜都有，個menu又成隻窗咁。不過唔理啦！快d叫嘢食，食完快d走。
|
|
 |
 |
呢度主要係食漢堡嘅，我地叫咗一個芝士嘅，一個菠蘿嘅。
味道OK啦！芝士嗰個惹味d，不過都冇特別細味，食完就走。 |
|
|
|
由呢度返京都其實好近啫！大約十幾二十公里，半個鐘應該去得到。
望下個GPS，嘩！全部公路都係藍色(即係收費嘅高速公路)，得一條路係黃色(國道171)。 |
 |
|
 |
去到京都喇！有時都唔明d日本人點幫d地方改名，點會叫一個地方做物集女架！ |
|
先去酒店放低d行李，然後就去還車。
攞車時8100公里，而家還車就8687公里，即係行咗五百幾公里。租車費用連入油大約50000yen，都OK啦！ |
 |
|
 |
還咗車，返酒店匯合埋老婆，就出去搵食。 |
|
|
|
喺京都站搵唔到吸引嘅食肆，穿落地下街都係冇乜心水，行行下見到Yodobashi，未收舖就行埋先啦！見樓上有幾間食肆，又上去兜下啦！不過都唔啱胃口。見水牌有Yebisu
Bar，又去睇下啦！ |
 |
|
 |
 |
 |
|
 |
 |
 |
|
 |
 |
難怪間間食肆都唔啱心水啦！其實根本唔係好肚餓。嚟酒吧飲杯啤酒，食少少嘢就啱啱好。 |
|
 |
 |
 |
|
 |
 |
 |
|
我地叫咗煙熏雞膶、大蔥pizza、炸雞同埋煮牛筋。真係萬二分驚喜，樣樣都好味喎！煙熏雞膶原來係冷盤，微微嘅煙熏味，唔會蓋過雞膶嘅甘香，反而配合得啱啱好。大蔥pizza，餅底夠脆口，大蔥夠香濃，正！炸雞皮脆肉嫩，用咗北海道產嘅知床雞，肉味濃郁。煮牛筋係最出色嘅一味，牛筋煮得腍滑，個汁用咗味噌同Yebisu黑啤嚟煮，甜甜地，用嚟點麪包，一流！
|
|
同場加映，京都嘅藝伎。 |
 |
|
 |
行過便利店，見到有期間限定嘅車厘子冰結，雖然都估到係藥水味，不過又冇其他特別味，都試下啦！果然冇估錯，不過都唔算難飲，可以接受。
明治北海道十勝嘅芝士同QBB嘅Cheese
Dessert(圓形嗰盒)一向都好味，今次揀咗冧酒提子味，都唔錯。反而長型嗰條QBB金芝麻味就麻麻地，芝麻味太濃太搶，同芝士唔係好夾。 |
