寰宇風情

分類索引

Gundam大晒冷

今日返香港，班機16:25，即係仲有成個上晝去搵食。

かしわ屋源次郎

喺博多幾日，想食嘅都食得七七八八。日本嘅雞肉咁正，食多餐雞啦！

不過呢度晏晝冇雞鍋，只得雞丼，都殺啦！(都唔記得影下間舖頭添)

雞湯好香濃，好似雞煲翅個雞湯咁！雞肉沙律舊雞胸肉超鞋，不過越「o趙」越有雞味(香港食到嘅只有雪櫃味)。

豆腐係少有唔滑嘅豆腐，不過好有豆味。前菜除咗碗湯，其他各樣嘢都好有咬口。

我地叫咗一碗親子丼，一碗肉碎丼。親子丼好好味，雞肉彈牙；

雞蛋先係精髓，蛋白滑溜，橙色半熟嘅蛋黃充滿蛋香，無得彈！

肉碎丼都唔差喎！有d似台灣嘅魯肉飯，不過撈咗雞肉碎。

肉碎剁得細緻，唔鞋口。個汁甜甜地，同肉碎一齊撈勻d飯，好快就「照鏡」啦！

日本有好多特別列車，

幾時先坐得晒呢？

買定個puff上機食。

飛機喺九州上空飛過。

← 飛到熊本嘅上空，

見到熊本Park Dome，

同埋Egao Kenko Stadium

(J2 League熊本Roasso隊嘅主場)。

↑鹿兒島灣嘅ENEOS喜入基地 株式会社

←鹿兒島嘅野間半島

飛過咗九州就開始派飛機餐，

依然都係唔好食。

食完飛機餐，休息一陣，

已經飛到台北上空。

隱約見到「中正紀念堂」→

(箭咀指住嘅小白點)

台中彰化縣彰化濱海工業區

台灣中南部雲林縣

麥寮台塑工業園區

台灣澎湖縣最南端的小島

七美鄉

飛機泊唔到埋位，要搭接駁巴士，

第一次喺停機坪睇日落。