去咗咁多次東京,都未去過箱根,一於襯今年凍凍地,去浸下溫泉。
今次編箱根嘅行程都有d難度,因為箱根都幾大,d景點都分得幾散,所以都唔知住邊度好。
一般見人都係玩兩日一夜,不過小弟自知必定好hea,都係三日兩夜穩陣d,費時去得一兩個地方又話要走。
既然係咁,就從酒店入手,睇下邊間酒店吸引,定咗嗰兩晚住嘅地點,再睇下附近有咩好玩,再編排行程,又OK喎!
另外,就係食嘅問題,以前都會搵定有咩好食,起碼都book定一兩間勁嘢,等自己食好d。
不過今次完全唔諗,實行去到邊,食到邊,原來小弟嘅「食運」都唔錯!大部分食肆嘅水準都唔差。
|