2012箱根

28/12/2012 (五) 一早起身，欣賞富士山美景！



喺晨光嘅照耀下，富士山變咗橙紅色，靚到爆！


去食早餐。晏少少，起咗霧，就睇唔清楚個山頂。

喺酒店兜下，就要check out。


搭吊車去桃源台駅，再轉巴士。


途經芒草草原。
Lalique Museum 神奈川県足柄下郡箱根町仙石原186-1 0460-84-2255



		箱根有好多美術館同博物館，揀咗嚟呢個博物館，唔單止因為呢度D展品靚，仲貪佢有嘢食。
Le Train (已改名Orient Express) 呢度有卡東方快車嘅車卡，係1929年製造嘅頭等車卡。除咗可以參觀，仲可以喺度嘆個下午茶！







車廂佈置華麗，好多Lalique嘅玻璃飾物。





雖然只係簡單嘅蛋糕同紅茶，不過可以喺東方快車嘅頭等車卡食下午茶，都算係難得嘅經歷！仲有時間，就去御殿場Outlet血拼！點知......

御殿場Outlet實在大得誇張！只係行咗小小地方。睇下時間，發覺唔對路，係時候要走喇！因為去今晚間酒店嘅巴士班次非常疏落。我地離開御殿場，返到去強羅，其實都唔係好晏，只係四點幾左右，不過個天已經開始黑。去酒店嘅尾班巴士已經開出，即刻搵下巴士嘅路線圖，睇下邊度仲有車去酒店。如果冇車，可能要返出去小田原駅先有車。又或者要搭的士，不過就超貴！加上荒山野嶺，都未必有的士。更不幸，竟然開始落雪！不過都搵到附近有巴士去酒店，唯有冒住風雪行去巴士站。
差D以為會凍死喺箱根嘅山頭，好彩成功上到車。


千辛萬苦，終於去到酒店。酒店後面個山頭唔知有咩活動？ Hakone Hotel check in完，返房休息一陣。間房都幾大，仲有「開放式」浴室。


都差唔多要食晚餐。落到去餐廳，有職員煮緊熱飲，當然飲返杯啦！即刻暖晒！
		餐牌可click左圖放大。

餐前小食係幾條魚仔，酸酸地，幾開胃。

頭盤係蟹肉鱒魚他他，幾清新！

跟住係鵝肝，甘香肥美！

海鮮湯用料十足，有蝦、魚、蜆同青口，湯底清甜，好飲！

跟住嚟個蔬果盒清清味蕾。

主菜係黑毛和牛柳，肉質鬆化，肉味濃郁，好味！
	甜品係士多啤梨mousse。


仲有Creme Brulee。
		最後嚟杯咖啡。 D碟好靚，印有富士山景。

酒店環境都唔錯！

		再影下間房，樓底幾高，幾舒服！

樓下仲有隻「發光水母」！
喺outlet只係逛咗幾間舖頭，不過都收穫豐富。