寰宇風情
分類索引
Gundam大晒冷
29/12/2012 (六)
早晨嘅蘆之湖景色。不過富士山被前面座山遮住咗,好彩都仲見到個山頂!
玻璃倒影嘅富士山都幾靚!
喺湖邊行下,幾寫意!
返酒店食早餐。
有新鮮嘅紅蘿蔔,鮮甜爽脆!
海盜船
check out咗,就乘搭海盜船去元箱根港。
見到大鳥居,即係差唔多到喇!
船程唔係好長,大約10分鐘左右。其實行都行到過嚟,不過pass包埋海盜船,梗係搭船啦!
「天開眼」奇觀!
箱根神社
呢度有棵千年杉樹,高35米,
係名木100選之一。
參觀完箱根神社,就搭海盜船去桃源台港。
然後搭吊車去早雲山駅,
轉登山纜車。
本來搭登山纜車去到強羅,就要轉登山鐵路,不過......
Itoh Dining by Nobu
纜車去到強羅之前,比小弟見到附近有間Nobu嘅餐廳,
梗係食埋午餐先啦!
原來係鐵板燒餐廳,正!
餐前小食有蟹肉多士、Parma Ham同魚。
餐湯係南瓜湯。
沙律清新爽口。
跟住就係白子同鱸魚。
白子大大份,煎到外層金黃香脆,中心仍然軟滑,非常好味!
鱸魚其實都唔錯!不過同白子相比,自然遜色咗少少。
主菜係黑毛和牛,肥美甘香,好味!
最後有甜品同咖啡!
冇特別預約,只係咁啱搭車望到,就食到好嘢!
小弟嘅食運都唔錯!
箱根嘅渠蓋非常精美!
部分係寄木細工嘅花紋。
箱根銀豆腐
好似都幾出名,又買碗豆腐花試下。
都幾香滑!
又係出名嘅和菓子店,買咗少少拎走。
食咗杯抹茶雪糕。
唔駛望,冇你份!即刻黑面!
みのや吉兵衛 (已結業)
搭返鐵路去箱根湯本駅,喺商店街行一陣。
才100円一串,就試晒幾款推介啦!
都炸得香脆,魚肉幾彈牙,都唔錯!
最後去返小田原駅搭車去新宿。
返Sunroute安頓好,就去行百貨公司。
とんかつ にいむら 本店
行到百貨公司關門,就去歌舞伎町食炸豬扒。
炸豬扒都幾肥美!
拼盤都唔錯!有炸蝦、炸豬柳同炸芝士免治豬肉球。
Back
Day 3
Day 5