|
26/7/2013 (五)
Day 2
大阪
→
舞子
→
三ノ宮
→
垂水
→
姬路
|
|
今朝一早要去舞子，所以尋日已經喺綠色窗口買埋張Kansai
Area Pass先，咁今朝又要check
out，又要食早餐，就唔咁趕啦！ |
 |
 |
 |
|
求其喺麥當勞食個早餐，就搭JR去舞子。 |
|
大家覺得喺日本搭JR難，另一個原因就係佢有好多唔同速度嘅列車可以揀，所以一定要睇清楚班車停唔停你去嗰個站。
普通列車就站站停，快速就唔停d細站(即係會飛站)，新快速只停大站(飛得仲多)。所以如果新快速停你去嗰個站，就算等多幾班車，都要搭新快速，因為真係快好多。
今次由大阪去舞子就只可以搭快速，因為新快速唔停舞子站。其實搭新快速去到下一個大站，再搭車返轉頭都仲快d，不過拖住喼行李，費事煩啦！ |
 |
|
一出舞子站，行過行人天橋，就見到明石大橋。 |
 |
 |
 |
|
|
|
平時d蟬係「知、知」聲咁叫，日本d蟬好惡毒，係咁詛咒人，佢係「死、死」聲咁叫。 |
|
|
|
 |
個Tour可以喺網上book，由4月1日至11月30日，逢星期四至日及公眾假期先有得參加。每日分上、下午各一場，每場大約三個鐘(當然唔會行足三個鐘，淨係講解同準備都用咗一半時間，要行嘅其實一個鐘都唔夠)。
只要係中學生或以上，唔畏高，行得走得，有3000yen就可以參加。 |
|
 |
我地要去橋之科學館報到，不過時間尚早，未開門，咁就周圍行下，影下相先啦！
估下呢個紅黃藍嘅蜂巢係咩？ |
 |
|
 |
 |
 |
|
 |
 
一陣間我地就會喺上面行，仲會上到塔頂上面添！ |
|
 |
 |
 |
|
 |
 |
 |
|
穿過橋底行過去，就係孫文記念館。
|
|
 |
 |
 |
|
 |
 |
 |
|
 |
 |
 |
|
 |
 |
 |
|
 |
 |
 |
|
等我開估啦！d紅黃藍六邊形其實係鋼纜嚟架！工程人員先將d鋼枝紮成六邊形，再將好多組六邊形嘅鋼枝紮成一條好粗嘅鋼纜。由於六邊形嘅組合係最穩固嘅結構，咁用嚟做吊橋就穩陣好多啦！
|
|
開門喇！雖然都仲未報到，不過可以入去坐下先。 |
 |
 |
|
 |
 |
 |
|
 |
我地唔係爬鋼纜上塔頂，唯有影張相扮下嘢！ |
 |
|
|
|
 |
終於等到夠鐘喇！要上一樓嘅會議室報到。
原來已經分好組，編埋位。我地係第二組...咦！我地嗰組好多個參加者都唔係日本姓氏喎！
不過唔理你姓乜，都要簽張「生死狀」先。 |
|
 |
 
我地係第二組，亦即係黃組，連支筆都係黃色架！ |
|
負責講解嘅係河野先生，只係得日文講解。不過又唔駛擔心，冇乜高難度動作，總之到時跟住行就ok！
貴重物件係可以跟身嘅！只要能夠縛穩喺身上就得喇！例如揹背囊、斜揹袋、腰包等都ok。衫袋褲袋盡量唔好袋嘢，除非有拉鏈拉實。不過有d濕碎嘢都唔驚，佢有件背心要著，上面大把拉鏈袋，不過走嗰陣記得攞返。
相機、手機都可以帶，不過一定要用相機帶掛好喺身。iPhone冇得穿手機繩都唔驚，佢有埋個掛頸袋俾你，個透明位置仲可touch
screen，完全冇問題。
帶水樽都得，佢俾個水樽袋你揹喺身。總之樣樣嘢都要縛穩喺身上，除非你成個人跌落海就冇嘢好講啦！ |
 |
|
 |
|
 |
講解明石海峽大橋嘅歷史，咁梗係交俾VCD負責會清楚好多啦！咦？咁熟口熟面嘅？好似之前睇Discovery
Channel睇過喎！「dum波鐘」！回水呀！
喺度搞咗差唔多一個鐘，終於可以出發...... |
|
......落返樓下嘅橋之科學館參觀 。 |
 |
 |
|
 |
 |
 |
|
 |
 |
 |
|
 |
 |
 |
|
 |
今次由角岡先生講解，大家都好留心。
日本位於地震帶，所以起明石大橋嗰陣都要好小心，四個橋躉都要避開地底嘅斷層。
挖掘海床時嘅土壤/石塊標本。 |
|
 |
 |
 |
|
 |
 |
 |
|
喺海床嘅橋躉係喺陸地上整好，再用躉船拖到適當嘅位置，然後放落海床預先挖好嘅位置。呢個模型可以控制橋躉向上、下、前、後、左或右方移動，模擬真實安放橋躉嘅情況。
|
|
 |
 |
 |
|
咁大條鋼纜拉住條吊橋，兩邊原來係將條鋼纜分返開，逐一固定喺d鋼筋度。有d主力鋼筋真係粗過手臂架！ |
 |
 |
|
 |
兩座橋塔仲高過東京鐵塔，而且仲可以擺動同扭動，咁地震或者遇到強風嘅時候，就可以透過擺動/扭動，卸咗d力，減低對條橋嘅破壞。 |
 |
|
 |
 |
建橋時用嘅零件，有冇見過咁大粒螺絲帽？ |
|
 |
 |
 |
|
d鋼纜就係咁樣先紮成六邊形，再組合成一條鋼纜。咁當然唔會有紅黃藍三色，出面嘅三色模型係方便大家睇架啫！
又搞多半個鐘，去埋廁所，真係出發喇！ |
|
 |
 |
 |
|
其實唔參加呢個Tour都可以行橋嘅！就係行舞子海上散步道，只要俾300yen，唔駛聽簡介，唔駛戴頭盔，就可以上嚟參觀，不過就只能夠喺呢條「隧道」行。
|
|
 |
 |
 |
|
我地就梗係唔同啦！可以行落去下面嘅主通道。
|
|
 |
 |
 |
|
全副武裝，掛到成身都係嘢！
|
|
|
|
Photo Hunt時間
右邊兩幅相，女主角除咗著咗背心同戴咗頭盔之外，仲有咩唔同咗呢？5...4...3...2...1... |
 |
 |
|
好！夠鐘！冇錯！就係對鞋唔同咗。由於著咗對有少少踭嘅涼鞋，唔適合行橋，所以要換過對運動鞋。日本人真係服務周到，免費借埋運動鞋俾你。怕唔衛生？唔緊要，全新嘅襪都有供應，不過就要100yen。
|
|
 |
 |
行咗十幾二十分鐘左右，終於見到腳下有「陸地」，我地已經行去橋塔嘅位置。 |
|
 |
 |
 |
|
 |
我地冇得爬鋼纜上塔頂，只係可以搭升降機上去。由於升降機容量有限，所以第一組先上去。
我地留低嘅就梗係周圍影下相啦！ |
 |
|
 |
 |
 |
|
 |
 |
明石海峽除咗明石大橋之外，另一樣出名嘅就係漩渦。不過通常要去到淡路島嗰邊先睇到，估唔到喺呢度都見到個小漩渦。 |
|
 
輪到第二組上去喇！ |
 |
|
 |
 |
 |
|
升降機唔係好大，十三個人都幾迫。升降機喺五十二樓停一停，河野先生有解釋，不過唔知佢講乜。然後就一直上到九十八樓，去到塔頂。
|
|
 |
 |
 |
|
上到去仲要行幾級樓梯，道門就跟住趟開，好似去緊太空基地咁。
|
|
 |
嘩！好高呀！
呢邊係淡路島方向
呢邊係神戶方向 |
 |
|
 |
 |
 |
|
|
|
 |
 |
 |
|
 |
 |
 |
|
 |
 |
 |
|
 |
 |
 |
|
我地就喺橋之科學館出發，原來行咗好遠呀！
|
|
 |
 |
 |
|
 |
 |
 |
|
 |
 |
 |
|
 |
 |
 |
|
今次帶咗部新相機，光學50倍zoom。試下機先，果然強勁。不過天氣麻麻，唔夠光，所以zoom得太遠就唔夠清。
|
|
 |
 |
 |
|
 |
 |
咁遠距離都影到火車，都算係咁啦！所以唔買單反呢個決定都係啱嘅！ |
|
 |
 |
 |
|
 |
 |
 |
|
影咗一輪相，太空基地道門又慢慢趟開，即係夠鐘返落去喇！
|
|
 |
 |
落到去，仲要等埋第三組，咁又影下相先啦！ |
|
呢部係抽風機。由於海上嘅空氣比較潮濕，咁橋塔就好易生銹。所以要抽取岸上比較嘅乾爽嘅空氣，輸入橋塔內，等d空氣不停流動，咁橋塔就冇咁易生銹。 |
 |
 |
|
 |
 |
 |
|
 |
 |
 |
|
 |
 |
明石鯛係名貴嘅食材，所以好多人會租隻船出海釣魚。 |
|
唔知呢度係咪俾人玩笨豬跳架呢？ |
 |
 |
|
 |
 |
 |
|
 |
 |
 |
|
原來「觀光隧道」有個玻璃地面。
|
|
 |
 |
 |
|
 |
呢d觀光地點，梗係唔會放過你......個銀包啦！每人派張100yen
coupon，行到身水身汗，大部分團友都買杯雪糕消消暑。不過老婆就買d平時冇得平嘅嘢...... |
 |
|
紀念品店旁邊有d休息/觀光嘅位置，喺度嘆杯咖啡都幾寫意架！ |
 |
 |
|
 |
 |
 |
 |
返到房，每人有張證書，連團體相都已經print好咗。仲有紀念品送，我地一個要VCD，一個就要條鋼枝啦！寫埋感想就走得。 |
|
喺房門口有人幫你張證書蓋印。又要歸還d水樽袋、掛頸袋，又要檢查有冇嘢袋咗喺背心，又要蓋印......差d唔記得攞返個喼。 |
 |
 |
|
 |
 |
 |
|
 |
 |
樓下橋之科學館有三色印，跟住過返去舞子海上散步道嗰邊有兩個印，會儲印嘅朋友記得去蓋印呀！ |
|
行完明石大橋，就搭返JR去三ノ宮食lunch。
本來諗住去返平時食開嘅Steakland，不過喺網上又搵到附近有NOBU旗下嘅Itoh
Dining。
上次喺箱根食過，非常好味，今次就試下神戶分店(已結業)啦！ |
|
 |
 |
 |
|
本身book咗佢較平嘅lunch
set(才2100yen，超抵)，不過睇完menu，加多少少錢就有海鮮/鵝肝，行到咁攰，食好d啦！
|
|
 |
 |
 |
|
先嚟沙律同湯，另外加杯紅酒都係俾多500yen，抵飲！
|
|
 |
 |
 |
|
蒜片即刻炒香，脆卜卜，正！
|
|
 |
 |
 |
|
先整前菜，有冬瓜、青瓜同埋豆腐。
|
|
 |
 |
 |
|
我地一個要海鮮，一個要鵝肝。呢度係兩枱嘅份量，同隔離位share嘅！
|
|
 |
 |
 |
|
 |
 |
 |
|
舊魚ok。鵝肝偏熟，不過都甘香肥美。最唔掂係帶子 ，起初見師傅煎到兩面金黃，中間仲係溏心，諗住師傅控制火候嘅技術都唔錯，點知佢跟住灒d酒，仲冚蓋煮一陣，帶子全熟，有o趙口 ！
|
|
 |
 
牛柳應該唔係神戶牛，肉味尚算濃郁，可惜都係熟得滯。 |
|
可以跟麪包或者白飯，不過跟麪包就只得橄欖油，唔似箱根分店咁有番茄salsa醬。 |
 |
 |
|
 |
 |
 |
|
甜品係奶凍。連麪包都覺得呢度唔多掂！
|
|
 |
對面係雀巢cafe，樓下有熊仔餅店，仲係cafe添，可以坐低食tea。 |
 |
|
本來喺下一個站元町都有BAO
BAO專門店，不過相信都係「吉」舖一間，唔嘥時間喇！喺附近嘅0101、OPA行下好過。費事拖住個喼咁麻煩，所以喺三ノ宮站搵個大locker(600yen)鎖起個喼先行街，收穫都幾豐富。
時間唔早，不過一場嚟到，就搭幾個站去垂水嘅三井outlet，去完outlet先返嚟攞喼。雖然要返轉頭，唔順路，不過有KAP，唔駛再俾錢。而且垂水係細站，冇新快速列車，返嚟三ノ宮搭新快速仲快。
|
|
 |
 |
由車站行去outlet大約十分鐘啦！其實有接駁巴士，不過啱啱開咗，費事等，行啦！
頭先喺橋上面都見到outlet。 |
|
 
咁喺outlet自然都見到明石大橋啦！ |
 |
|
 |
 |
 |
|
 |
 |
喺outlet冇乜收穫。黑炆炆，費事行返去車站，搭接駁巴士。
喺巴士站都見到明石大橋。 |
|
喺垂水搭車返三ノ宮攞行李，然後搭新快速去姬路。
原來都好遠架喎！搭新快速已經站站飛，只係停四、五個站，都要差唔多45分鐘先去到。如果搭普通車真係不敢想像。
去到姬路，即刻去東橫inn
check in啦！職員話我已經住滿十次，儲咗10分，下次再住就可以免費。正！
極速放低行李，就出去食飯。因為搞咗成日，已經九點幾、十點，遲d可能冇嘢食。
|
|
經過車站，見到個月亮幾靚，又極速影幾張相啦！ |
 |
 |
 |
 |
|
正常距離，冇zoom
|
5倍zoom左右
|
30倍zoom
|
 |
 |
由於趕住食飯，都係手持相機影幾張，所以都有d矇，去到100倍數碼zoom，就更加唔掂啦！
不過唔考究啦！已經餓到暈。 |
|
50倍zoom |
100倍數碼zoom |
|
|
|
出發前已經做好功課，嚟姬路一定要試呢間一鴻。 |
 |
 |
|
 |
 |
都係居酒屋格局，叫嘢飲先(香港人慣咗一坐低就有免費水供應，其實喺日本，甚至外國都係，通常唔會供應水，要水係要俾錢嘅，唔慣俾錢飲水就叫其他飲品啦)，老婆要杯番茄sour，我都係要杯生啤。 |
 |
 |
 |
 |
 |
 |
|
求其叫d嘢啦！芝士雞肉丸，月見雞肉丸，飯團。咁肚餓都叫咁少嘢？梗係唔止啦......嘩！主角出場喇！
吓？鐵板雞髀？有幾巴閉呀？ |
 |
 |
 |
普通鐵板雞髀梗係唔巴閉啦！咁大隻雞髀，你見過未？
(本來想用手揸住隻雞髀影，不過實在太熱) |
|
呢隻大雞髀係呢度嘅名物，佢係用咗德島縣嘅阿波尾雞。其實之前都食過阿波尾雞，不過都係食雞件，原來佢有咁大碌髀！講返鐵板雞髀先，唔好見佢咁大隻就以為佢好韌，佢真係皮脆肉嫩喎！d雞油煎晒出嚟，塊皮甘香鬆脆；但係雞肉仲好嫩滑，一啖咬落去，d肉汁流晒出嚟，超級oishii！(要提大家一樣嘢，鐵板雞髀係有兩款嘅，一款肉質腍滑，另一款實肉有咬口，任君選擇。記得同侍應講清楚要soft定hard)
|
|
食埋隻大雞髀都飽晒！慢慢行返酒店。途中見到一間舊式嘅銀行，原來係酒店嚟架！原來係上次喺松本食dinner嗰間，睇下聽日可唔可以嚟食個lunch。 |
 |
 |
 |
 |
喺日本街頭都見過唔少屋台拉麪檔口，呢檔真係車仔檔嚟架喎！ |
|
|
|
姬路站出面有工程，做乜呢度咁多工程架？連姬路城都維修緊。 |
 |
 |
 |
 |
最鍾意日本d動物攔桿。 |
|
見個月亮仲喺度，等我放部相機喺攔桿上面影先，果然清好多！(唔好意思，咁難得影到張靚相，忍唔住要放大佢) |
 |
|
|
 |
 |
 |
 |
老婆嘅fashion
show，好彩我都唔執輸，買到兩對鞋。 |
