 |
 |
喺東橫inn食完早餐就出發。 |
|
今朝一早去洗衫！ |
|
 |
 |
 |
 |
 |
 |
|
 |
 |
 |
 |
 |
 |
 |
 |
 |
 |
 |
 |
 |
 |
 |
|
 |
 |
 |
 |
 |
 |
|
青島神社 |
 |
 |
 |
 |
青島神社本朱印帳都好靚架，有粉藍色同粉紅色揀，仲有個專用袋賣。 |
|
呢度嘅朱印要打孖嚟！盛惠600
yen。 |
 |
 |
 |
 |
 |
 |
 |
 |
 |
 |
 |
|
呢度係我去過嘅神社之中，最多嘢玩嘅神社。又有擲骰仔，又有擲聖杯(呢度係擲貝殼)，仲有好多「遊戲攤位」，不過冇影。
|
 |
 |
 |
 |
 |
 |
 |
 |
 |
|
又有嘢玩喇！今次係擲飛碟。
唔鍾意玩d咁動態嘅，文靜d都得，買條繩綁喺棵夫婦木蒲葵上面祈福啦！
|
 |
 |
 |
 |
 |
 |
 |
 |
 |
 |
 |
|
島嘅另一邊有間cafe仔，睇落冇乜生意。不過對住咁靚嘅景色，偷得浮生半日閒，有冇生意都唔再重要啦！ |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
頭先有叮噹同龍貓已經好正，返轉頭仲多咗米奇同喬巴。 |
|
|
|
今日天朗氣清，陽光普照，真係熱到冇朋友。全程差唔多冇瓦遮頭，唔中暑都覺得自己幾勁！
臨走前要整杯芒果冰同芒果海鹽雪糕先得。 |
 |
 |
|
今日係星期日，加上天氣好，好多人嚟海灘游水。好彩早嚟到，有位泊車。人潮開始湧嚟，我地就返去食lunch。
|
 |
 |
 |
 |
 |
宮崎真係幾舒服，好有熱帶風情，周圍都種咗好多棕櫚樹，就算天橋種唔到樹，d街燈都整到好似棵樹咁。 |
|
應該喺宮崎市食完lunch，先嚟鬼之洗衫板，跟住去鵜戶神宮，咁就順路喇！不過餐廳十一點先開門，冇理由嘥咗個上晝架，唯有走回頭路啦！
食咩咁把閉，要專登返轉頭食？喺宮崎梗係食宮崎牛啦！ |
|
ミヤチク
呢間食宮崎牛嘅係食神KC介紹嘅，喺tabelog亦都好高分。 |
 |
 |
 |
 |
 |
 |
 |
 |
 |
我地叫咗宮崎牛fillet同埋特選宮崎牛肋眼。 |
 |
 |
 |
 |
|
有自助沙律吧，飲品亦都係任飲。
|
 |
 |
 |
|
我地食緊沙律嘅時候，師傅就燒茄子，亦煮好薯仔湯俾我地。
|
 |
 |
 |
|
跟住就到宮崎牛喇！兩件都好靚仔！師傅先切去過肥嘅部分，將兩面煎香，封住肉汁。
|
 |
 |
 |
|
裝起牛肋眼，先處理fillet。
|
 |
 |
點火似乎是鐵板燒嘅指定動作。 |
|
師傅將fillet燒至medium
rare，平均切成小件，再將每邊煎封。 |
 |
 |
 |
 |
fillet肉質鬆軟，肉味濃郁，原味已經非常好味！
不過都要點d酸汁試下，都唔錯！ |
 |
 |
 |
|
師傅跟住就炒芽菜同松茸，連埋頭先嘅茄子，就炒好一碟雜菜。
|
|
師傅轉頭又炒洋蔥碎，準備一陣炒飯用。 |
 |
 |
 |
 |
師傅見我地食得七七八八，就開始煎牛肋眼。 |
|
牛肋眼油脂豐盈甘香，入口溶化，絕對係人間極品！ |
 |
 |
 |
 |
 |
 |
 |
 |
 |
師傅跟住就快手炒飯，見師傅將蛋煎得半熟，然後用鐵鏟快速片出蛋碎，功架十足。 |
 |
 |
 |
|
仲未完喎！師傅喺鐵板上面燒溶一大舊牛油，然後將我地墊牛肉嘅麪包放上去煎，煎到焦香再灑上砂糖，原來係整油砂多。 |
 |
 |
|
有抹茶粉、朱古力粉同玉桂粉揀，貪心嘅我梗係三款都試晒啦！不過始終係原味最好！
估唔到喺宮崎食到呢d香港茶餐廳嘅傳統美食，滿足滿足！再一次感謝KC嘅推介。
繼續向宮崎南部進發，又係鬼之洗衫板？不過呢度唔係青島嗰塊，而係再遠d嘅鬼之洗衫板！ |
 |
 |
 |
 |
 |
 |
 |
 |
期間有幾個日本女仔要搵人幫手揸機影相，當然冇問題啦！
佢地都好好咁問我地駛唔駛幫手，我地話唔駛啦！ |
|
跟住出動自拍神器，佢地都好驚訝，似乎自拍神器仲未傳到日本。
|
|
鵜戶神宮 |
 |
 |
 |
 |
我地泊咗架車喺大停車場，要行一段路先去到御本殿。其實可以揸近d，不過近d嘅停車場比較細，有機會冇位。 |
 |
 |
 |
 |
 |
 |
 |
 |
 |
 |
 |
 |
|
行到中途有間舖仔，呢度有水賣，不過唔係一樽樽賣，係一杯100
yen咁賣。呢度仲有缸寄居蟹，九唔搭八咁！
|
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
|
竟然唔記得攞自拍神器，好彩揸機自拍都冇難度。
|
 |
 |
 |
|
才100
yen，就玩下啦！不過男嘅要用左手，真係有d難度喎！第一粒太大力，第二粒又太細力，第三粒中呀......oh！
in & out！剩返兩粒俾老婆掟，都係唔知掟咗去邊。 |
 |
 |
 |
 |
 |
 |
有一盆幸運石喺度曬太陽喎！唔通工作人員會爬落去執返d石返嚟重用？ |
 |
 |
 |
|
 
我覺得似青蛙多d，可能睇《火影忍者》睇得太多。 |
 |
|
 |
 |
要記住攞返本朱印帳。
因為入去前有間社務所，可以放低本朱印帳等佢寫，參觀完出嚟先攞返。
唔...呢位巫女手字都... |
|
沿路行返去大停車場，會經過一兩間民居，佢地都會賣下飲品同紀念品。
呢款Skál乳性炭酸飲品成日都見到，不過都係原味，呢款芒果味似乎喺宮崎先有，都幾解渴。 |
 |
 |
 |
 |
呢條隧道原來有名架！昭和四十年完工，即係1965年。
全靠有呢條隧道，如果唔係就要行過個山頭先去到神宮。 |
|
去到大停車場，見到海幸山幸號觀光巴士。
有海幸山幸號嘅火車我就知，通常假日先開，七、八月就開得頻密d，原來仲有觀光巴士。
睇返官方網頁，火車唔會長時間停留景點。咁就可以揀火車去，巴士返；或者相反，咁搭巴士嘅時候就可以停留景點。 |
 |
|
本來喺宮崎仲plan咗去睇復活島頭像，不過唔夠時間，加上只係去影兩張相，算吧啦！
跟住又係漫長嘅車程，尋日縱斷九州，今日要橫斷九州。
|
 |
 |
今日真係熱，唔單止我熱到出煙，連d雲都出煙。 |
 |
 |
 |
|
途經都城，就喺度停一停啦！去霧島酒造參觀下，順便買手信俾袖山師傅。不過又係咁，我又去咗佢地個總壇，呢度冇得參觀，亦都冇嘢賣。職員話附近有佢地個factory
garden，可以參觀，只係幾分鐘車程。
霧島Factory
Garden |
 |
 |
 |
|
由於差唔多夠鐘閂門，咁就直奔商店啦！
趕到唔記得帶簿去蓋印，好彩有紙供應。 |
 |
 |
 |
 |
 |
 |
 |
 |
 |
 |
 |
|
有燒酎試飲，不過經過上次嘅山崎事件，都係唔好喇！老婆試啦！
|
 |
 |
 |
 |
 |
本來想買d健麗酒俾袖山師傅，不過唔見喎！職員話呢幾款要用電話郵購，咁冇辦法，唯有買第二樣嘢。 |
 |
 |
 |
|
呢邊好似係釀製啤酒為主，所以有好多貯存缸！ |
 |
 |
 |
 |
 |
 |
霧島裂罅水
霧島酒造d燒酎咁好飲，都係全靠佢。呢度亦開放俾人嚟攞水，d人真係攞好多個樽嚟攞水架！我試過味，又唔係好清甜啫！ |
|
個袋巧令呀！ |
 |
 |
 |
 |
酒類只係買咗呢樽燒酎原酒，因為係呢度限定，其他地方買唔到。
其實仲有d酒想買嘅，不過知道機場duty
free應該平d，所以唔喺呢度買。 |
 |
 |
 |
 |
 |
|
有黑霧島燒酎蛋糕，其實好啱做手信，不過佢份量十足，太重喇！拎唔到咁多返香港。
|
|
果然份量十足，蛋糕嘅質地好結實，要分兩日先可以KO到佢。
味道都幾甜，都有微微嘅燒酎味，ok啦！ |
 |
 |
 |
 |
 |
|
好彩都有黑霧島燒酎糖。
時間都唔早，要快d出發，咁就要行高速公路啦！
日本嘅高速公路其實最高時速都只係80km/h，不過除咗d大貨車，一般私家車都唔會行80咁守規矩。
當然唔係教大家違規犯法，不過d高速公路都係大直路一條，又冇乜車，香港d高速公路咁多車都行100啦！所以好自然咁就越踩越快。
不過差唔多踩到120，都追唔到前面架車，咁就再踩快d啦！差唔多去到130、140，突然聽到有日文嘅廣播，唔係又俾警車追截咁黑仔掛！望晒前後左右都冇警車，唔通係隱形戰車？不過隔離慢線同後面得兩架貨van，前面嗰架跑車我又追唔到，佢亦冇收油嘅意思，唔似有隱形戰車喎！
俾佢嚇一嚇，自然收慢少少啦！再揸咗一陣，似乎冇異樣喎！不過都係唔好揸太快，保持100左右啦！我諗應該係踩得太快，架車cut油前嘅提示。
揸咗個半鐘左右，過咗鹿兒島市，要離開高速公路喇！ |
 |
 |
 |
|
嘩！我唔知鹿兒島有航天基地喎！咩地方有咁大枝火箭？返到嚟check返，原來係錦江灣公園。
仲見到櫻島火山添！ |
 |
 |
|
就係咁，沿住海邊嘅國道226號，一路揸到去指宿。
指宿溫泉 旅館 吟松
由於好晏先去到，停車場好似冇位，又要派老婆落車求救。職員出嚟，叫我地落好貨，佢就會幫我地泊車。 |
 |
 |
 |
|
入到旅館，職員招呼我地喺lobby坐陣，女將就即刻沖綠茶俾我地，仲有welcome甜點。
跟住，另一位女將就帶我地去房間，然後詳細咁為我地介紹旅館嘅設施，溫泉嘅開放時間等。雖然英文唔算好流利，不過佢都好努力咁去講解俾我地聽，讚！ |
 |
 |
 |
 |
 |
 |
 |
 |
可以面向鹿兒島灣浸溫泉，正！可惜天氣唔好，睇唔到日落。
喺露台有張梳化，有d奇怪！
要落去食飯，返嚟再浸溫泉。 |
|
食飯要落餐廳，不過有個室。每間房嘅牆腳都有玻璃，可以望到人造園景，都幾雅緻。 |
 |
 |
 |
 |
 |
 |
|
好得意嘅杯墊。 |
 |
 |
 |
 |
 |
|
頭先嗰位女將入嚟招呼我地，第一件事梗係要叫嘢飲啦！老婆揀咗梅酒；嚟到鹿兒島，我梗係揀燒酎啦！有好多出名嘅燒酎都想試，不過見到一種叫做竹酒嘅，印象中好似係呢度嘅名物，就試竹酒啦！ |
|
 |
 |
女將真係攞咗碌竹入嚟，原來係用竹裝住d酒。女將幫我斟好酒，就將碌竹插落熱水度，係燗酒嚟架！
好少飲燗酒，原來都幾好飲喎！熱住d酒，酒精揮發得多d，令番薯嘅香味更突出。 |
 |
 |
 |
 |
 |
 |
|
前菜六款：蝦、黑豚味噌、法螺、海膽魷魚、生火腿秋葵卷、黑糖番薯
|
 |
 |
 |
|
刺身三款：吞拿魚赤身、鯛魚、針魚
|
 |
 |
 |
|
原來中間呢個係油鍋嚟架！女將將d魚蛋放落去炸，睇住d魚蛋慢慢脹大，變得金黃。熱辣辣，脆卜卜。魚蛋唔算爽口彈牙，係魚味濃郁嗰隻，好味！
|
 |
 |
 |
|
我book呢個夕食係鹿兒島三大黑柴套餐，呢個就係第一黑：燒酎煮六白黑豚。黑豚肉質結實，有咬口，肉味濃郁。
|
|
跟住係黑糖花生豆腐，豆腐煙煙韌韌，好香花生味，落咗黑糖，甜甜地，用嚟做甜品都得。 |
 |
 |
 |
 |
 |
 |
第二黑出場：鹿兒島黑牛shabu
shabu，鹿兒島黑牛唔算好肥美，所以唔係食入口溶化，而係食有咬口，肉味香濃嗰種。
可能年紀大，唔似以前咁要食好肥嘅和牛，以前真係要搵白色多過紅色嘅牛肉，而家真係頂唔順。反而呢d有咬口，有肉味嘅仲合我心意。 |
|
最後一黑就係：輕炙黑毛雞刺身，已經唔係第一次食雞肉刺身，所以唔會特別驚訝。
雞肉鮮甜嫩滑，最正係雞皮輕輕燒過，多咗一份焦香，好味。 |
 |
 |
 |
 |
 |
|
女將入嚟攞起個竹籃，原來入面一路浸住兩隻雞蛋。水唔係太熱，所以d雞蛋浸咁耐都唔會全熟，反而變成好靚仔嘅溫泉蛋。
|
 |
 |
最後當然係湯、飯、漬物同甜品。
甜品係豆乳布甸，都好味，不過唔夠由布院旅館嗰個咁滑溜。 |
|
|
|
食飽，去浸溫泉。
大浴場就喺餐廳隔離，去望下先，男湯冇乜特別。咁就上去天台個天空野天風呂睇下啦！ |
 |
 |
|
 |
 |
兩部升降機都裝飾得好靚。 |
|
天空野天風呂都幾正！雖然天黑黑，望唔到海景，不過就係夠黑，望到好多星。不過個浴池唔太大，但係太多人，太嘈太迫，浸一陣都要走喇！
|
|
仲有兩個家族風呂，一個鎖咗門，即係有人浸緊；另一個冇人喎！又裝下先，冇乜特別，都係返房浸。 |
 |
|
頭先嚟到太趕，都冇時間影下間房，而家影返夠本。 |
 |
 |
 |
|
小弟對腳都算係一對鋼筋，喺呢d和式房間，要屈埋對腳嚟坐真係幾辛苦，難得呢度有個窿可以伸腳，like
x 1000000000。
|
 |
 |
 |
|
電視後面同衣櫃可以兩邊開。
|
睡房盞燈都幾靚。
|
 |
 |
 |
|
 |
 |
 |
 |
 |
 |
 |
 |
 |
 |
 |
有晒咖啡機，d杯具都好齊備。茶具套裝都有兩套。 |
|
尋日喺宮崎嘅Aeon超市買咗宮崎芒果同特價巨峰提子，不過尋晚太攰，冇食到，今晚就有飯後果。 |
 |
 |
 |
|
好耐冇食巨峰提子喇！早年都好興架！唔知點解突然又沉寂晒！呢兜特價200
yen，ok啦！
|
 |
 |
 |
|
呢個芒果嘅size唔係好大，都要980
yen，我地都考慮咗一陣。不過宮崎嘅芒果咁出名，點都要買個嚟試下嘅！
|
 |
 |
 |
|
其實未拆個包裝，芒果嘅香味已經不斷咁滲出嚟。一拎出嚟，真係成間房都香晒！切開個芒果，d芒果汁就流晒出嚟。根據包裝紙嘅指示，打橫打直切，一反出嚟，就係一粒粒嘅果肉。宮崎芒果鮮甜多汁，香味濃郁，好味！
後來我地返到福岡嘅百貨公司，見到一個size係3L嘅宮崎芒果，其實都唔大得好多，竟然賣八千幾yen，有d後悔冇喺宮崎買多幾個。
|
|
飲飽食醉，今晚早d熄燈瞓覺。 |
 |
