寰宇風情

分類索引

Gundam大晒冷

11-4-2012

今朝，完成埋半日嘅公務，就去食晏。

沿途經過一d商店街，準確一d應該係山寨商店街。

呢條係山西嘅命脈─汾河。

食完飯，先去參觀常家莊園。

跟住就去世界文化遺產─平遙古城。

汽車唔准入城，所以要坐電動車。

今晚住喺城入面，呢度就係我地住嘅客棧。入面九曲十三彎，兜咗一輪先搵自己間客房。

食飯嗰度好勁架！有大舞台，有表演，有戲睇架！

個肥佬超勁！可能係練少林內功嘅！不過最鍾意都係後面打鑼個阿伯，夠hea！

雖然唔期望呢度會好似麗江古城咁興旺，不過都想像唔到佢會咁冷清。只有一兩條街有d商舖，不過都差唔多閂門。食肆亦唔多，酒吧都有幾間，不過又係「靜蠅蠅」。

求其搵間坐下啦！d酒精類飲品麻麻，反而熱咖啡、熱朱古力就非常ok！不過最ok就係呢度有free wifi (房有LAN線，不過係流嘅)，解決晒大家同家人聯絡嘅問題。